Éxodo 19:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca' ñi qara'gaxala' 'naaco' queso Moisés: —Ỹim ñachaxan ma'le quiyim seloqota'guit aqami', seuetaugui so lapo naueguelec, qaiyi ỹauanchigui na qomyipi quiyim setaqata'pegue' qami', ca' qaiyi se neme quiyim huejlec qami'. Ca' so Moisés lotqai liỹa ỹa'xato' dá'maq 'naac so qomyipi quiñi qara'gaxala'.

Éxodo 19:9 Iomraidhean Croise

1 Reyes 8:12

Co'na'le, ca' so Salomón 'naaco': Qami' qara'gaxala', 'ñirac na'le quiyim viisaugui na napalaxa.

Éxodo 14:31

Ca' so Israel llaalqaipi na' iuanchigui da chalego lecaic lquesaxanaxa ñi qara'gaxala' quedá'maq 'ne'tegue queso Egipto laseripi. Ca' só'maq Israel llaalqaipi ỹa'dooto naua le'cootal ñi qara'gaxala'. Ca' queco'na'le, ca' ỹaatqajam qoyiuejlec ñi qara'gaxala' chaqai so lelaatec Moisés.

Éxodo 19:16

Ca na' richiguiñi na' ỹovirerec saua dos na'xata', ca' 'ue na nqai'legaxa chaqai ana soxonaxa, chaqai so naueguelec lapo hueetalec aso qa' ladocai. Chaqai ỹaatqajam chalego lelamaxa na npe'tellipi. Ca i'loxolqachit quena lqolonaxa sá'ogue só'maq neetaugui na lauo' na'daañoqui'.

Éxodo 20:21

Ca na' ñaqai qoỹoqote'oga so qomyipi, ca' so Moisés nqo'neu'a so napalligui naueguelec só'maq hueetaugui ñi qota'olec. (20.22-26 Da naqataxaquipi quena' qaro'ueenataxanlec ada ncopatoxonaxalate.)

Éxodo 34:5

Co'na'le, ca ñi qara'gaxala' renotec, naquichi'ñigui so naueguelec. Ca' reloqota'guit so Moisés, ca' ỹa'xat dá'maq chaqai leenaxat.

Éxodo 4:31

Co'na'le, ca' na qomyipi ỹaatqajam huejlec. Chaqai co'na' ỹa'den quiyim ñi qara'gaxala' na'xaỹaxana so'maxare chaqai quiyim iuana da le'xoric so'maxare, ca ỹa'chi'iñi naua le'cootal, ca' nqouagaxainot ñi qota'olec.

Éxodo 4:5

Ca 'naaco' ñi qara'gaxala': —Ca' dajo 'neeta ma'le, qaiyi qoyiuelec quiyim nachaxana qami' najo na'gaxala', qota'olec quesó'maq 'auaxaic qataa'illipi, qota'olec queso Abraham, Isaac chaqai so Jacob.

Mateo 17:5

Ca co'na' ñaq retaqatac so Pedro, ca' anac so naueguelec 'ue na lauaq, ca lepachiguilo saua'maxare. Ca' so naueguelec 'maxougui so na'qaatec 'naac: —Najo ná'maq ỹoqo'itaxat ỹaalec, ỹaatqajam ñitoonta'pegue da'maxare. Ỹaatqajam na'xaỹaxañiỹa da'maxare.

Marcos 9:7

Co'na'le, ca' noviriñi so naueguelec hueetauguilo saua'maxare, ca queso naueguelec 'maxaugui so na'qaatec 'naaco': —Najo ná'maq ỹaalec ỹaatqajam ỹauochaxat, ca' chaqaida na'xaỹaxañiỹa.

Lucas 10:16

Qam ca na'xaỹaxanalo qamiri, ca' chaqaỹim na'xaỹaxana. Qam ca se ỹacoñiguita qamiri, ca' chaqaỹim se ỹacoñiguit. Qam ca se ỹacoñiguit aỹim, ca' chaqaiñi ñí'maq yila' ñi se ỹacoñiguit.

Apocalipsis 1:7

¡Ñaq ra'iiguit, na Cristo naquetaugui na naueguelec! Ca ná'ogue iuañi'chiguit ma'le, vire'ta ná'maq coñirqachit iuana ma'le. Chaqai ná'ogue na ỹoreta'oguit qomyipi hueetalec ana 'laua ỹaatqajam noỹentagui ma' idaana'guit. Ajá'a, ca' chaqaida 'neeta ma'le.