Éxodo 19:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca no'm qamiri na'xaỹaxanchiua' quená'ogue, chaqai pacqajñichigui dá'maq qana'maqataxac, ca sapacqajnauec quiyim qamiri ỹalamaxarete' quená'ogue na liỹa qomyipi quena 'laua, ma' ná'ogue na 'laua ỹalamaxaret.

Éxodo 19:5 Iomraidhean Croise

Génesis 17:9

Ñi qota'olec 'naaco' qai'neeta queso Abraham: —Qam qami' machichirigui da qana'maqataxac, qami' chaqai ná'ogue na qachaalaxai'pi.

1 Reyes 8:53

Ma' qami' qara'gaxala', ỹoochire'oga ma' vi'saque quiyim ralamaxarichi' quená'ogue na ỹoreta'oguit qomyipi quena 'laua, ma' chaqaida 'ñiraco' na'le queso relaachiqui' Moisés na' naqachira'a quiyi Egipto so 'auaxaic qareta'allipi.

Salmos 24:1

Ñi qara'gaxala' lalamaxaret ná'ogue na 'laua, lalamaxaret ná'ogue ná'maq 'ue, chaqai ná'ogue ná'maq nca'leetauec hueetalec.

Éxodo 24:7

Ca co'na' ime, ca ỹacona aso lere hueetalec da 'maqataxac, ca' retaqalec, 'qaatac nqai'en sá'ogue so qomyipi. Ca' so qomyipi 'naaco': —Cá'ogue cá'maq 'naac ñi qara'gaxala', ca ña'xaỹaxanqa'ta, ca' so'ueetaq.

Éxodo 8:22

Ca ma' ỹovirelec quiyim ipaquichigui dajo, ca soỹoote'oga ma'le yi 'laua Gosén yí'maq neetalec yi ỹalamqateripi. Ca quiyi'maxare qaca aca 'oonole qogo ma'le, qaiyi qami' 'yiiñi' quiyim ỹim na'gaxala' seuetalec najo 'laua.

Éxodo 9:29

Co'na'le, ca' so Moisés 'naaco': —Ca' nagui ma' sovire'oguiyi quena na'a' lodegaxat, ca' ñanojshiguim na ỹaqai'laxat. Ca ñqouagaxainot ñi qara'gaxala', ca' ỹaxanegue ma'le ana qalachi chaqai qaca ma'le ana soxonaxa, qaiyi 'yiiñi' quiyim ñi qara'gaxala' loiquenatec na 'laua.

Isaías 1:19

No'm shichii quiyim na'xaỹaxañiua', ca' 'guii ma'le ná'maq no'uen nanecsec quena na'lauahi;

Isaías 41:8

Ñaq na'xaỹaxañi', qami' lalamaxaret so Jacob só'maq na'aamatec da Israel, qami' ilaatec, ỹaatqajam qami' ica'acsec, qamiri llaalqaipi so ñauochaxaua Abraham:

Isaías 43:1

Qam nagui, qami' lalamaxaret so Jacob só'maq na'aamatec da Israel, ñi qara'gaxala' ñí'maq qami' lo'ueenatec 'naac: Totaxan ro'chi'i', ma' mashic shi'gue sosouec qami'; soỹaxana qami' queda qadeenaxachi', qami' ỹalamaxaret.

Isaías 56:4

Ma' ñi qara'gaxala' 'naac: Ca naqateguese lolaa no'm se ro'ueenataxañigui yi na'xa'a co'mataxaqui, chaqai no'm ipacqajanchigui dá'maq sahotaque chaqai se ỹa'laxate dá'maq ña'deenaxac,

Ezequiel 16:8

Ca lotqai liỹa shique'tot qami', ca' sa'ajñi'; ca mashic nalootañi pa'ii'. Ca' sepeguenlec qami' so ipo', ca' sapolec na roshicmaxa'e' neetauec na'le, ca' qami' ñapiitaxaua, 'ue na'le da qana'deenaxac caqami' quiyim qami' ỹalamaxarete. Ỹim na'gaxala', se'taxajñi da ỹa'qaatec.

Amós 3:2

Qaqamita qamiri ñca'au'alo quená'ogue na qomyipi quena 'laua. Vichiguiño' sa'ue da nouaxanaxashichii quená'ogue ná'maq 'viichitac se no'uen.

Amós 6:1

¡'Xoraicolec ná'maq chaqai 'na'guesa' da nachaalataxac quiyi Sión! ¡'Xoraicolec ná'maq 'neetapigui lauel qaica ca qohinegue yi Samaria, ná'maq lashillipi yí'maq 'laua paguec da lemaqachic, ná'maq i'guena na llaalqaipi so Israel!

1 Corintios 10:26

Ma' na 'laua chaqai ná'ogue na hueetalec ỹaatqajam lalamaxat ñi qara'gaxala'.

1 Corintios 10:28

Qam no'm 'ue ca 'naac caqamiri: “Najo la'at, na'maxare nachitaxanataxanaxat shi'gue qoỹaanot ca nqolac”, ca' sqa 'guii, qaiyi se que'maqachichii cá'maq ra'qaataxanema qamiri, chaqai qaiyi se ỹa'maxañi ca na'deenataxanaxac.

Deuteronomio 14:21

Totaxan a'guii ca isecỹac quiyim chi nanoiquentac ileu, ma' qamiri ỹaatqajam co'teete' nqai'ne' ñi qara'gaxala' qota'olec caqamiri. Qam shichii 'ỹaañim cá'maq ỹoqa'a ca chicqa'gue ỹalequetauguilo qamiri queca ñiita'ñi, ca na'maxare ishit ỹa'ic chaqai ishit qaimeenem cá'maq ỹoqa'a ca chicqa'gue quiyim chaqai quejlgoto qamiri. Sqai ñiiuaq ca quetaq llaalec huoshaxañiỹalo caua lo'i' aca late'e.

Deuteronomio 7:6

Ma' qamiri ỹaatqajam qaỹoỹooterec, qaiyi ỹaatqajam qamiri lalamaxarete' ñi qara'gaxala' qota'olec caqamiri. Ñi qara'gaxala' qamiri lca'acse' quená'ogue na qomyipi hueetalec na 'laua, qaiyi ỹaatqajam qamiri lalamaxarete' ñi'maxare.

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

Hebreos 11:8

Ma' 'uo' da lpi'ỹaxac so Abraham, ca na'xaỹaxanto' na' qaroỹaxana quiñi qota'a, ca' eec quepegue' cá'maq shim qoỹaanem quiyim lalamaxaret quiñi qota'a. Ca'e yí'maq neetalec 'laua, qam se ỹa'den cá'maq taỹa'gue.

Hebreos 8:9

Qam totqai 'nejem so ña'maqataxac quesó'maq 'auaxaic leta'allipi na'maxare, quesó'maq na'xa'a na' secona da lqai'laxat quiyim ñaqata'a quiyi 'laua Egipto; ma' se ỹomachirigui so ña'maqataxac, vichiguiño' salat na'le so qomyipi, 'naac ñi qara'gaxala'.

Josué 24:24

Ca' so qomyipi 'naaco': —Qomi' qolaxalec ñi qara'gaxala' ñí'maq qota'olec, chaqai cá'maq ỹa'xat, ca' so'ueetaq.

1 Pedro 2:9

Qam qamiri ỹaatqajam qamiri ni'ic lca'acsec ñi qota'a, chaqai qamiri letaxaỹaxanqajanqa nqai'en na qomyipi quiyim taxaỹa'pegue' ñi'maxare ma' qota'a, chaqai co'teete' nqai'ne' qamiri chaqai qamiri lalamaxarete'. Ca dajo 'ne'tegue caqamiri, qaiyi 'xachii' nauá'maq chalego loyaague' lo'ueenataxanaxaco ñi qota'a, ñí'maq roỹaxana'alo qamiri na' viitaugui so napalaxa quiyim noxoñiu'a dá'maq chalego loyac lauaq ñi'maxare.

1 Samuel 15:22

Ca' so Samuel 'naaco' queso'maxare: Ñi qara'gaxala' paguec nqo'ta quiyim qana'xaỹaxane'ta ñi'maxare, ca' sqai 'nejem quiyim qoỹaanot aca nachitaxanataxanaxat chaqai qaỹavigaxat; paguec la'maxa quiyim qana'xaỹaxane'ta quecá'maq 'naac, ca' chaqaida sqai 'nejem quiyim qoỹaanot ñi'maxare ca nachitaxanataxanaxat qaỹavigaxat chaqai aca lo'ỹo ca qagreta loua'.