Éxodo 19:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Qam ñi qara'gaxala' 'naaco' queso Moisés: —Mo'e', nochirec. Ca ma' rapillirishiguim, ca riỹa'isaco' ñi Aarón. Qam na netaxaỹaxanqajanqaipi chaqai na qomyipi, ca' se napacalec na netanec quiyim naashi'ma ná'maq senta'ñi. ¡'Neeto' 'ue ca ñopoxoỹaxajñi quena'maxare!

Éxodo 19:24 Iomraidhean Croise

Éxodo 19:12

Ca qaỹa'ue na netanec quenaua lahil añi qa' ladocai, qaiyi na qomyipi se napacalec. Chaqai 'ñirapego' quiyim se napacqachin cañi qa' ladocai, chaqai sqai quishi'megue, chaqai se nqo'neu'alo naua lahil. Ma' cá'maq nqo'neuo cañi'maxare, ca' ileu nqohin.

Éxodo 19:25

Ca' renotec so Moisés, ca lotqai liỹa 'naac dajo queso Israel llaalqaipi.

Éxodo 24:1

Ca ñi qara'gaxala' 'naaco' queso Moisés: —'Irishi'megue ada qa' ladocai leenaxat Sinaí, riỹa'isashiguim yaua Aarón, Nadab, chaqai ñi Abiú, chaqai co' setenta qo'xoiquipi quena Israel llaalqaipi. Naguiipegue' ná'maq senta'ñi, qam ỹoxauc ca viita'ñi, ca' 'yiiñii naua re'cootallii.

Éxodo 24:9

Ime, ca' so Moisés taashi'megue aso qa' ladocai, liỹaresashiguim saua Aarón, Nadab, Abiú chaqai so setenta qo'xoiquipi queso Israel llaalqaipi.

Mateo 11:12

Chicqochi'ñi na' novi' so nachilaxanataxanaq leenaxat Juan, chi ỹovireta'a nagui, dá'maq lo'ueenataxanaxac ñi qota'a queda piguim ỹaatqajam 'ue da noqogaxanataxac. Ca ná'maq ỹouen dá'maq re'qoochigui lquesaxanaxa, na'maxare ỹahotaque rouootaxana'gue da'maxare.

Lucas 13:24

—Nquipichiỹa'pegue' quiyim noxoñiho quiñi cocho'qui' lasom, ma' ỹim shinac quiyim ỹaatqajam 'xoic ma'le ca ỹahotaque inoxono, qam se ishit.

Lucas 16:16

Na naqataxaquipi chicqo'ot na'le so Moisés chaqai da lapaxaguinataxanaxac na la'qaataxanqajanqaipi ñi qota'a ñaqa 'uo' na' novi' so Juan. Ca' quiyi, ca qaỹa'xat da lo'ueenataxanaxac ñi qota'a quiyim ỹoiquentac ná'ogue najo, ca ná'ogue na qomyipi ỹaatqajam 'xoic da leuogoxo, ỹahotaque quiyim inoxoneu'a da'maxare.

Juan 1:17

Na nelaataxanaxaquipi na' qoỹaanec chicqochigui nqohin so Moisés, qam da nqo'iichi chaqai da lliqueta chicqochirigui so Jesucristo.

Romanos 4:15

Ma' ná'maq naqataxaquipi ỹo'uet ca nouaxanaxaset na qomyipi; qam cá'maq hua'ñi quiyim qaica ca naqataxac, qai'neeta qaica quet cá'maq napacalec ca naqataxac.

Gálatas 3:19

Ca ¿nega'ỹo' cá'maq 'negue ná'maq naqataxaquipi chicqo'ot so Moisés? Qaỹoqoto' na'le, ma' qaỹahotaque quiyim ichoxot na nasauaxaseteripi. Ca ro'ueenataxan na'maxare, qam lqodoquiaqa' ma'le ma' novi' cajo ñaalec cá'maq 'em 'ue da qaỹachaxantac. Na naqataxaquipi na' qaỹa'xat, ca chicqochigui nqohin na nelaatqaipi piguim laseripi. Ca' so Moisés, ca' chi netaxaỹaxanqajnec.

Gálatas 3:22

Qam nauá'maq naneresañi la'qaatqa ñi qota'a 'neracsa': ná'ogue na qom ncoñiiteguesec quena nasauaxaset. Ca' dajo 'neeta, ca' qaiyi quená'maq huelec, ca' ishit icoñiguit cá'maq ỹachaxantac ñi qota'a, chicqochigui nqai'en quiyim 'ue da lpi'ỹaxac queso Jesucristo.

Hebreos 12:29

Ma' ñi qota'olec 'neetari' ca norec ravicqataxan.

Hebreos 4:16

Vichiguiño' qaica quet cá'maq qaro'chiitaque quiyim ñqo'naxau'a yi nqa'xanqa' ñi 'naxanaxaraic qota'olec, qaiyi nqouagueguelo qomi', chaqai queda lqouagaxa, ca' qarotauan quiyim 'ue ca qareuogoxo.