Éxodo 19:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Ca' ñi qara'gaxala' nqo'ñi'ña na lo'lo ada qa' ladocai Sinaí. Ca 'naapega so Moisés quiyim nqo'ñishi'ma yi'maxare. Ca' so Moisés nqo'ñishiguim.

Éxodo 19:20 Iomraidhean Croise

1 Reyes 19:11

Ca' ñi qara'gaxala' 'naaco' queso'maxare: —Nenoxoñirec, ca nachaachiriñi, ca seloxoiqa'ajta' canajo qa'. Ca co'na'le, ca' ñi qara'gaxala' quelec yi'maxare, ca 'uo' so nonot lodegaxat ỹaatqajam quesaxan, ca nconaxaterec naua lahil aso qa' ladocai chaqai ná'maq qa' ropoqogui nqai'en, qam ñi qara'gaxala' sqai hueetagui so nonot. Ca co'na' ime'uegue so nonot, ca lotqai i'loxol na 'laua, qam ñi qara'gaxala' sqai hueetaugui so le'loxolaxa na 'laua.

Éxodo 19:11

chaqai chaqa'ma' na'maxatetañi, ma' ỹim nete'e liỹa, ca' ñinojñi, yinotec cada qa' leenaxat Sinaí, ỹim na'gaxala', iuanchigui ma'le aỹim yá'ogue yi qomyipi.

Éxodo 19:3

Hua'ño'yi na'le, ca' so Moisés quishi'megue aso qa' ladocai, ca' neuañiguit ñi qota'olec. Ma' ñi qara'gaxala' noỹaxañi'ño' na'le cadá'maq qa' ladocai, ca 'naaco': —'Xachitem dajo ỹa'qaatec na llaalqaipi so Jacob, da liỹa leenaxat Israel:

Éxodo 24:15

Ca co'na' ime 'naac dajo so Moisés, ca' taashi'megue aso qa' ladocai. Qam aso qa' ladocai ỹaatqajam pojlec queso naueguelec.

Éxodo 24:18

Ca' so Moisés inoxonougui so naueguelec, ca quishiguim cada qa' ladocai. Ca' hueetaugui quesaua cuarenta na'xata' chaqai saua cuarenta piri.

Éxodo 34:2

Chaqai na'maxachiriñi quiyim liỹa quirishi'megue ada quemaralec qa' ladocai Sinaí nete'e ma' nete'etam. Ca' quirepegue' aỹim quiyí'maq senta'ñi, yí'maq paguec lishicshi'ma cada quemaralec qa' ladocai.

Éxodo 34:4

Ca' so Moisés ỹo'ueete' saua dos qari 'neete'm caua 'auaxahi. Ca' queso nete'e na' nete'etam, ca' iconalo saua dos qari, ca' quishi'megue aso qa' ladocai leenaxat Sinaí, ma' chaqaida dá'maq 'naac ñi qara'gaxala'.