Éxodo 19:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca' nichiitapeguec ada qa' ladocai leenaxat Sinaí, ma' ñi qara'gaxala' hueetalec aso'maxare, hueetaugui so lavinñi so norec. 'Ec nqatelaxanaxaqui, ca chicqotapougui so nesalaxaripi. Ca sá'ogue asó'maq qa' ladocai ỹaatqajam i'loxoltac.

Éxodo 19:18 Iomraidhean Croise

Génesis 11:5

Qam ñi qara'gaxala' renotec ỹa'ajan ca na'a' chaqai aso naue ỹo'ueetetac so qomyipi.

Génesis 15:17

Ca co'na' mashic napalñi queca pe, ca re'oqo' so nqatelaxanaxaqui nichiitashiguim, chaqai so ncoỹeraxanaxat ỹaviquetaugui, queeteguelgoto saua ise' qaiconaqta'que.

Génesis 19:28

Ca ra'ỹa'gue dá'maq pa'aasa'gue yaua Sodoma chaqai yi Gomorra, chaqai quesá'ogue so ca'megue. Ca iuane'ta na lesalaxaripi quiyá'ogue yijo 'laua mashic 'ec nqatelaxanaxaqui.

Salmos 104:32

Na 'laua i'loxol quena' ra'ỹa'a ñi'maxare; ¡chaqa'ma' nichiiuec ana quemaralec qa' ladocai quena' qaipootau'a quiñi'maxare!

Éxodo 19:13

Qam qaica ca ỹashil-lec. Ta'ta'a quiyim qaỹalauat, qaỹodoota'a na qa', loqo'm qaỹahinta quena novic; 'eno'm ca qom, loqo'm ca isecỹac se qanca'laxatetauec. Na qomyipi ishit quiyim taashi'megue ma' ime quiyim 'xaỹaque ca lelamaxa aca npe'te qagreta loua' lasote.

Éxodo 19:17

Co'na'le, ca' so Moisés ỹauegue'oguiyi so qomyipi quena lauo' na'daañoqui', qaiyi nauane'e' ñi qota'olec. Ca' so qomyipi nahiquinchiguiñi ada qa' ladocai.

Éxodo 20:18

Ca sá'ogue so Israel llaalqaipi ỹaatqajam iuanchigui so soxonaxallipi, chaqai so nqai'legaxaripi, so lelamaxa aso npe'tellipi, chaqai aso quemaralec qa' ladocai pojlec queso nesalaxaripi. Ca' ỹaatqajam 'ue da lqolonaxa, ca' se ishit nqo'neuo.

Éxodo 24:17

Ca na' re'oq da lauaq ñi qara'gaxala', ca' so Israel llaalqaipi iuana, qam 'ec norec ravicqataxan cana roto adá'maq qa' ladocai.

Éxodo 3:2

Ca hua'ño'yi na'le, ca' qanachaxano' queso lelaatec ñi qara'gaxala' piguim le'ec caso qo'paqo'lli' hueetaugui so norec lauaq. Ca' so Moisés ỹaatqajam na'ijne'tegue, ca iuane'ta quiyim aso qo'paqo'lli' 'ue ana le ỹaatqajam ỹaviquetaugui, qam se nasogoñi.

Éxodo 34:2

Chaqai na'maxachiriñi quiyim liỹa quirishi'megue ada quemaralec qa' ladocai Sinaí nete'e ma' nete'etam. Ca' quirepegue' aỹim quiyí'maq senta'ñi, yí'maq paguec lishicshi'ma cada quemaralec qa' ladocai.

Isaías 6:4

Ca' queda lelamaxa da lavillaxague', ca' naua lasomi' ñi no'ueenaxanaxaqui lodegaxat redaỹa'pe, chaqai ñí'maq no'ueenaxanaxaqui no'qaachigui quena nesalaxaripi.

Isaías 64:1

Saxanchi' cona'gue nqai'ñi' na piguim, ca' renochirec, ca' quiyim novichiriñi, ca i'loxol nqai'ñi' ana qa' ladocaipi,

Jeremías 4:24

Sa'ajan ana qa' ladocai, ca ná'ogue i'loxoltari'; ná'ogue ana quemaralec choolaxan.

Zacarías 14:5

Ca' qamiri 'iichii ma'le 'guiñihe'oga ma'le so ca'megue quiichicñigui na lavinñi ada qa' ladocai, ca' viitañigui na lavinñi ma'le daua qari ladocahi, ca so'maxare ỹovira'a ma'le yi Azal, ca' queda lahi quii'tegue. Ma' 'iichii qamiri 'nejem quesom na' 'eete' saua 'auaxaqa qata'allii na' i'loxol na 'laua só'maq viichigui na' neetaho quiyim nashi so Uzías ỹoiquentac yi Judá. Ca nanac ma'le ñi na'gaxala' ñí'maq qota'olec caỹim, nauequeta'pegue' ná'ogue ná'maq na'xaỹaxanta.

Mateo 24:7

Ma' na qomyipi nalauate'e' ma'le ca se lauo' laseripi, chaqai ca nashi nalauate'e' ca liỹa nashi. Ca' 'ue ma'le ca nqopaaxa chaqai na ne'ne', chaqai 'xoic na hua'ñi i'loxol na 'laua.

2 Tesalonicenses 1:7

chaqai nco'mataxandec qamiri queda ne'guenaxaguii, chaqai qomi' qai'neeta queca na'xa'a ma' novi' so qara'gaxala' Jesús, ma' nachaxan chicqo'ot na piguim, naquetaugui na 'ec norec lauaq chaqai liỹaatac ná'maq chicqashiguim quesaxanaxaiquipi qota'a lelaatqaipi.

2 Tesalonicenses 1:8

Ma' novi' so'maxare, ca' ỹa'ue ca nouaxanaxaset ná'maq se ỹa'deenapega ñi qota'a chaqai se na'xaỹaxana da na'qaataxac so qara'gaxala' Jesucristo.

Hebreos 12:18

Sqai 'nejme' qamiri so llaalqaipi so Israel co'na' nqo'neu'a aso re'qoochigui qa' ladocai, ỹaviquetaugui queso norec lauaq, chaqai so napalaxa, chaqai so nonot lodegaxat.

Hebreos 12:26

Da lavillaxac ñi qota'a na'le ỹaatqajam i'loxol nqai'en na 'laua; qam nagui lotqai 'naac: “Lotqai liỹa i'loxol nqaishin, qam mesqainaata na 'laua, ma' qai'neeta na piguim.”

2 Pedro 3:10

Qam ca loviraxaqui ma'le so qara'gaxala' ỹovita ma' sqaica ca qaỹahotaque, 'nejem ca cuataxai queetagui yi pe. Ca' ỹaatqajam qaica 'nejem ma'le ca lelamaxa na piguim ma' sogui, chaqai ná'maq hueeto'ot na piguim ỹavic ma'le queca norec, chaqai na 'laua qai'neeta ỹavic chaqai ná'ogue ná'maq hueetalec ana'maxare.

Apocalipsis 15:8

Ca' añi no'ueenaxanaxaqui ỹaatqajam no'xogui quena nesalaxaripi chicqaugui da lecaic chaqai da lquesaxanaxa ñi qota'a. Ca' quiyi, ca' sqaica ca ishit inoxono quiyi'maxare, toco' ma' imero saua siete nqa'viico i'xatesac saua siete nelaatqa piguim lase'.

Apocalipsis 9:2

Ca na' ime, ca ỹauachi'ña caso tema. Ca' quiyi, ca taashiguim na lesalaxaripi 'ec chicqaugui ca chalego lecaic nqatelaxanaxaqui. Ca' so lesalaxaripi aso tema, ca chicqochigui 'ue so napalaxa, ma' ỹapolec añi ra'aasa chaqai ná'ogue.