Éxodo 19:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Co'na'le, ca' so Moisés ỹauegue'oguiyi so qomyipi quena lauo' na'daañoqui', qaiyi nauane'e' ñi qota'olec. Ca' so qomyipi nahiquinchiguiñi ada qa' ladocai.

Éxodo 19:17 Iomraidhean Croise

Éxodo 19:13

Qam qaica ca ỹashil-lec. Ta'ta'a quiyim qaỹalauat, qaỹodoota'a na qa', loqo'm qaỹahinta quena novic; 'eno'm ca qom, loqo'm ca isecỹac se qanca'laxatetauec. Na qomyipi ishit quiyim taashi'megue ma' ime quiyim 'xaỹaque ca lelamaxa aca npe'te qagreta loua' lasote.

Éxodo 19:16

Ca na' richiguiñi na' ỹovirerec saua dos na'xata', ca' 'ue na nqai'legaxa chaqai ana soxonaxa, chaqai so naueguelec lapo hueetalec aso qa' ladocai. Chaqai ỹaatqajam chalego lelamaxa na npe'tellipi. Ca i'loxolqachit quena lqolonaxa sá'ogue só'maq neetaugui na lauo' na'daañoqui'.

Éxodo 19:18

Ca' nichiitapeguec ada qa' ladocai leenaxat Sinaí, ma' ñi qara'gaxala' hueetalec aso'maxare, hueetaugui so lavinñi so norec. 'Ec nqatelaxanaxaqui, ca chicqotapougui so nesalaxaripi. Ca sá'ogue asó'maq qa' ladocai ỹaatqajam i'loxoltac.

Levítico 9:5

Ca' so Israel llaalqaipi nodou'a ca 'imec na'daañi yí'maq hua'ñi quiyim qanauane'e' ñi qota'a ná'ogue ná'maq 'naac so Moisés quiyim nodouo. Ca sá'ogue so qomyipi nachaatetañi, reloqotau'a ñi qara'gaxala'.

Hechos 7:38

Chaqaiso so Moisés so ỹalequetaugui so qomyipi na'le quiyi 'laua qaica qom, chaqai ỹalequetaho so chicqashiguim qota'a lelaatec na' retaqa caso qa' ladocai leenaxat Sinaí, chaqai saua 'auaxaqa qareta'al. Ca chaqaiso só'maq ỹacoñiguit da na'qaatec chicqaugui da nca'laxa, ca ỹoviraqta'ogalo qomi'.