Éxodo 19:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca na' richiguiñi na' ỹovirerec saua dos na'xata', ca' 'ue na nqai'legaxa chaqai ana soxonaxa, chaqai so naueguelec lapo hueetalec aso qa' ladocai. Chaqai ỹaatqajam chalego lelamaxa na npe'tellipi. Ca i'loxolqachit quena lqolonaxa sá'ogue só'maq neetaugui na lauo' na'daañoqui'.

Éxodo 19:16 Iomraidhean Croise

Job 38:25

¿Negue' ca ỹauatec ca llic qaiyi nac na ỹaxat lodegaxat, chaqai ỹachaxan ca que'tegue nqai'en ca nonot lodegaxat,

Salmos 50:3

Ñi qota'olec anac, qam se i'maqata: 'aueta nqai'en so norec navicqataxanaq; chaqai quenaua lahil, ca 'ue na nonot lodegaxat.

Éxodo 19:11

chaqai chaqa'ma' na'maxatetañi, ma' ỹim nete'e liỹa, ca' ñinojñi, yinotec cada qa' leenaxat Sinaí, ỹim na'gaxala', iuanchigui ma'le aỹim yá'ogue yi qomyipi.

Éxodo 19:15

Ca 'naaco' so Moisés: —Na'maxachitaño', qaiyi co'teete' qamiri ma' nete'e liỹa. Chaqai sqaico' ca nanoiquiñiguit aca loua.

Éxodo 19:17

Co'na'le, ca' so Moisés ỹauegue'oguiyi so qomyipi quena lauo' na'daañoqui', qaiyi nauane'e' ñi qota'olec. Ca' so qomyipi nahiquinchiguiñi ada qa' ladocai.

Éxodo 19:9

Ca' ñi qara'gaxala' 'naaco' queso Moisés: —Ỹim ñachaxan ma'le quiyim seloqota'guit aqami', seuetaugui so lapo naueguelec, qaiyi ỹauanchigui na qomyipi quiyim setaqata'pegue' qami', ca' qaiyi se neme quiyim huejlec qami'. Ca' so Moisés lotqai liỹa ỹa'xato' dá'maq 'naac so qomyipi quiñi qara'gaxala'.

Éxodo 20:18

Ca sá'ogue so Israel llaalqaipi ỹaatqajam iuanchigui so soxonaxallipi, chaqai so nqai'legaxaripi, so lelamaxa aso npe'tellipi, chaqai aso quemaralec qa' ladocai pojlec queso nesalaxaripi. Ca' ỹaatqajam 'ue da lqolonaxa, ca' se ishit nqo'neuo.

Éxodo 20:21

Ca na' ñaqai qoỹoqote'oga so qomyipi, ca' so Moisés nqo'neu'a so napalligui naueguelec só'maq hueetaugui ñi qota'olec. (20.22-26 Da naqataxaquipi quena' qaro'ueenataxanlec ada ncopatoxonaxalate.)

Éxodo 40:34

Ca' so naueguelec pojlec nqai'en so 'imec, ca' da lauaq ñi qara'gaxala' ỹaatqajam no'xataxachichigui so'maxare.

Éxodo 9:23

Ca' so Moisés ỹachaxanshiguimo' da lqai'laxat quena piguim. Ca' ñi qara'gaxala' nela' ana soxonaxa, nqai'legaxa chaqai ana qalachi, taalec nqai'en yá'ogue yi 'laua Egipto.

Mateo 24:31

Ca ila' na lelaatqaipi piguim laseripi quiyim netenegue da lelamaxa ana lpe'te pe'taxan, ca' qaiyi lapoonta' ná'ogue na lca'acseripi neeta'guelo naua cuatro llico na nonot, qaỹachigoxota'ogalo naua'que naua lahil na 'laua.

Hebreos 12:21

Ỹaatqajam chalego lichic só'maq qara'iita'a, vire'ta so Moisés 'naaco': “Ỹaatqajam yi'loxoltari' quena ỹoqolonaxa.”

Apocalipsis 1:10

Chaqai hueetougui so na'xa'a quiyim qaimaqachin so qara'gaxala', ca na' ỹovita aỹim so lquesaxanaxa so Espíritu Santo. Ca' 'ue so sa'xaỹaque nivillaxac ỹaatqajam lam, 'maqa'tegue da ilaq, da lelamaxa 'ec aca npe'te.

Apocalipsis 11:19

Ca na'le, ca qaỹauatougui ñi lo'ueenaxanaxaqui ñi qota'a neeta'gue da piguim. Ca' ỹaatqajam re'qoota aso lahite' saua diez laqataxaco ñi qota'a. Ca' 'ue so nqai'legaxa, nalataxa, soxonaxallipi, so le'loxolaxa na 'laua, chaqai aso late'ogue' qalachi.

Apocalipsis 4:1

Ca' ỹim Juan, ca na' ime dajo, ca' ñidaanashiguim, ca' seuane'ta so lasom nauatetagui queda piguim. Qam sojo nivillaxac 'ec aca npe'te só'maq 'au netaxaỹa'ña aỹim, ca 'naapiguiỹa': —Nochirishiguim quenajo. Ca' sachaxañiraxarom dá'maq 'neeta ma'le najo.

Apocalipsis 4:5

Ca' quesojo nashi nqa'xanqa' chicqotapegueu'a na nqai'legaxa, na nalataxa, chaqai na soxonaxallipi. Chaqai queda reloqota'uegue so qa'xanqa' ỹaviquetauguilo saua siete ncoỹeraxanaxaqui', qam na lauaq 'ec na norec lauaq. Qam saua'maxare chaqaisaua saua siete no'ueenataxanaxaco se re'xoguilo chicqoro'ot ñi qota'a.

Apocalipsis 8:5

Ca na'le, ca' so nelaatec piguim le'ec icona aso lahi' na nichiinaxanaxat, ca ỹemqot aso norec lpoqo hueetalec aso ncopatoxonaxalate. Ca' ỹocorelec na 'laua. Ca na'le, ca' 'ue na soxonaxallipi, chaqai na nalataxa, nqai'legaxaripi, chaqai i'loxol na 'laua.