Éxodo 19:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca qaỹa'ue na netanec quenaua lahil añi qa' ladocai, qaiyi na qomyipi se napacalec. Chaqai 'ñirapego' quiyim se napacqachin cañi qa' ladocai, chaqai sqai quishi'megue, chaqai se nqo'neu'alo naua lahil. Ma' cá'maq nqo'neuo cañi'maxare, ca' ileu nqohin.

Éxodo 19:12 Iomraidhean Croise

Éxodo 10:28

Chaqai so Faraón 'naac qai'neeta queso Moisés: —Mo'e', 'ire'oguiyi, chaqai ỹaatqajam rovichisari'o' quiyim liỹa novichiro. Ma' ca na'xa'a quiyim liỹa novichiro quenajo, ca rillivi'.

Éxodo 19:21

Ca' ñi qara'gaxala' 'naaco' queso'maxare: —Renochirec, ca' 'ñirapega na qomyipi se napacalec yí'maq netanec, chaqai quiyim se ỹahotaque iuañiua'. ¡'Neeto' 'xoic ca ileu ma'le!

Éxodo 19:23

Ca' so Moisés 'naaco' quiñi qara'gaxala': —Na qomyipi sqai huapigui lauel quiyim quishi'megue anajo qa' ladocai, leenaxat Sinaí, ma' qami' vite naua laloqote' cá'maq se qaishit.

Éxodo 24:2

Ca' qaqamite', qami' Moisés, nqo'ñira'a ma'le aỹim, ca' naua riỹachi' se nqo'nero, chaqai ná'maq qomyipi riỹahitac.

Éxodo 34:3

Qaica ca liỹa quishiguim, qaqamite'. Chaqai qaica ca liỹa re'oq quenaua'que naua lahil añi qa'. Chaqai sqaca aca qagreta loqo'm huaca que'eetac quena 'uaqapi quena sqoỹoqaque cana qa' ladocai.

Hebreos 12:18

Sqai 'nejme' qamiri so llaalqaipi so Israel co'na' nqo'neu'a aso re'qoochigui qa' ladocai, ỹaviquetaugui queso norec lauaq, chaqai so napalaxa, chaqai so nonot lodegaxat.

Josué 3:4

Qaiyi 'yiiñii cá'maq quii'tegue ma'le, ma' qaica ca caqamiri quiyim 'ue quet ca shi'gue que'tegue cajo ñicta. Qam mesqai ỹaatqajam leseequejlec nqai'ñii aso lahi' naua naqataxaco. Qaidaata quiyim chi coỹaritalec aso'maxare 'uo' ca mil metros nqai'ñii ca leseeque'ta'uegue.