Éxodo 19:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' ñi qara'gaxala' 'naaco' na'le queso'maxare: —Mo'e', 'maxachiriñi yi qomyipi nagui chaqai nete'e quiyim imaqachin aỹim ma'le. Ca' quiỹo' naua loho,

Éxodo 19:10 Iomraidhean Croise

Génesis 35:2

Co'na'le, ca 'naaco' so Jacob queso llaalqaipi chaqai quesá'ogue so liỹaripi: —Naqachiuec ná'ogue na nqolaqaipi hueeto'oto qamiri. Nachillii, chaqai dalaxachii' naua qatoohi.

2 Samuel 19:24

Ca' so Saúl laual, leenaxat Mefi-boset, qai'neeta ca'guito' so nashi. So'maxare shi'co' na' quesó'maq na'xa'a na' reloqouec so nashi, chi ỹovireta'a só'maq na'xa'a na' liỹa noviro quiyim qaicanqaida, so'maxare se quiỹo'o' naua lapiaate', chaqai se nepetegue' saua laqareue, chaqai se quiỹo' saua loho.

Job 1:5

Ca quena' ỹomate' da lqui'ỹaxague', ca' so Job roỹaxanouguilo saua llaalqa. Ca co'quena' nete'etam, ca' ne'laxashiguim, ca' ỹavigaxat añi lachitaxanataxanqate, 'onatac nqai'en quiñi 'óna llaalec, qaiyi co'it quena lasauaxaset. Ca' so Job se neme 'neeta'gue dajo, ma' sqoue quiyim 'ue ca llaalec se no'uen ca la'qaatec quiñi qota'olec pa'xantauo quena lauel.

1 Corintios 6:11

Quedajo 'ue quen na 'neetari' caqamiri quesom. Qam nagui mashic qamiri qaico'taxate', chaqai mashic nañaañiỹot ñi qota'a, chaqai ñi'maxare mashic ỹa'maxarente' qamiri. Qam dajo chicqochigui da leenaxat so qara'gaxala' Jesús chaqai so Espíritu chicqo'ot ñi qota'olec.

Hebreos 10:22

Ca' vichiguiño' ñoquiigaxau'a quet ñi qota'a, qam ỹaatqajam selloqochigui ca qaneneequesenaxac añi qare'taxanata chaqai ỹaatqajam 'chichiguiñi nqaishinaq ca qarpi'ỹaxac. Ma' ñi'maxare nachinñi nqai'en añi qare'taxanata, qaiyi totqai 'ec ñaqa 'ue ca qarasauaxaset, chaqai mashic nquiỹogoñi na qaroshicmaxa quená'maq no'uen huaxaỹaq.

Josué 3:5

Ca' so Josué 'naaco' queso qomyipi: —Nco'taxachita, ma' ma' nete'e, ca huañiỹa ñi qara'gaxala' ỹo'uet ca se qaiuanapega.

Apocalipsis 22:14

Chalego la'maxa cá'maq quiỹo' caua loho, qaiyi ỹovirau'a ada qo'paq chicqaugui da nca'laxa, chaqai quiyim ishit inoxontougui ñi lasom yi na'a' lodegaxat.

Apocalipsis 7:14

Ca' ỹim shinac na'le: —Taque', qami' ỹa'gaxala', maq 'yiiñi'. Ca' so'maxare 'naapiguiỹa': —Nauajo nauá'maq ca'laxaterauec só'maq chalego lecaic ne'xoric. Ca naua'maxare quiỹo' naua loho chaqai lalagaxaqa nqai'ne', ỹahota'ahi saua leuo' ñi qagreta llaalec.

1 Samuel 16:5

Ca' so Samuel 'naaco': —Ajá'a, chaqaida. Ỹim ñanac, qam saanot aca ỹachitaxanataxanqate ñi qara'gaxala'. Nco'taxachiỹalta', ca' ñauecqatecta', qaiyi lliguitau'a ma' savigaxat ca ỹachitaxanataxanaxat. Ime, ca' nco'taxat nqai'en so Isaí chaqai so llaalqaipi, ca' 'naapega quiyim ỹalequetaho ma' ỹo'uet ca lachitaxanataxanaxat.