Éxodo 17:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca' so Moisés no'xonshiguim aso lcopatoxonaxalate quena lachitaxanataxanaxat, ca leenaxat nqai'en Ñi qara'gaxala' 'ec aca itana sa'auaxantauec.

Éxodo 17:15 Iomraidhean Croise

Génesis 12:7

Ca' quiyi, ca' ñi qara'gaxala' nachaxano' so'maxare. Ca 'naaco': Najo 'laua ná'maq saanem ma'le na qachaalaxai'pi. Co'na'le, ca' so Abram no'xonshiguim aso ncopatoxonaxalate, ca nqouagaxainot ñi qara'gaxala', ma' chaqaiyi hua'ño' co'na' qanachaxana.

Génesis 12:8

Ca co'na' ime, ca' quepegue' so qoỹoqoshi'megue 'laua pa'ỹa'gue da lqodoigue quiyi na'a' leenaxat Betel, ca ỹa'yiño' so la'a' na'daañi. Ca yi na'a' Betel pa'aata'gue da lauashiguim nqai'en so'maxare, chaqai pa'aata'gue nqai'en da lqodoigue yi na'a' Hai. Ca' quiyi, ca' so Abram liỹa no'xonshiguim aso lcopatoxonaxalate, ca' nqouagaxain quiichigui nqai'en da leenaxat ñi qara'gaxala'.

Génesis 22:14

Ca na' ime, ca' so Abraham ỹa'uo' da leenaxat yijo 'laua, leenaxato' nqai'en: Ñi qara'gaxala' ỹa'ue cá'maq qaỹouentaque. Vichiguiño' nagui qaiyiita qohinac: Cada quemaralec ladocai ñi qara'gaxala' ỹa'ue cá'maq qaỹouentaque.

Génesis 33:20

Ime, ca' ỹo'uet aso lcopatoxonaxalate quiyim nqouagaxain, ca' ỹanegue leenaxat Ñi qota'olec chaqaiñi ñí'maq qota'olec caỹim Israel.

Éxodo 24:4

Ca' so Moisés ỹiriño' dá'ogue dá'maq qohinapego' quiñi qara'gaxala'. Ca' queso liỹa na'xa'a na' nete'etam, ca no'teetashiguim. Ca' no'xonshiguim aso lcopatoxonaxalate, ỹane'tot aso qa' ladocai. Ca ỹanda'anyi saua doce qari ỹocanchiguilo nqai'en sauá'maq doce llaalqa so Israel.

Éxodo 32:5

Ca co'na' so Aarón iuana dajo, ca' no'xonshiguim aso lcopatoxonaxalate. Ime, ca ỹaualaq, netenegue da la'qaatec, 'naaco': —¡Ma' nete'e so'ueetqo' ca qaremaqachic, ca' semaqachinaq ñi qara'gaxala'!

Jueces 6:24

Ca' so Gedeón no'xonshiguim aso ncopatoxonaxalate, ỹanalec yi'maxare quiyim imaqachin ñi qara'gaxala'. Ca' ỹamata'gue yi'maxare “Ñi qara'gaxala', ñi'maxare neuagaxa.” Ca' dajo ncopatoxonaxalate ñaqa 'ue nagui quiyi Ofra, yí'maq la'a' na lauo' laseripi so Abiezer.