Éxodo 17:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Co'na'le, ca' ñi qara'gaxala' 'naaco' queso Moisés: —'Chiriñi dajo caca lere, qaiyi no'leentaxat. Chaqai 'ñirac queda Josué quiyim ỹim sapalaxat da 'neeta na Amalec llaalqaipi.

Éxodo 17:14 Iomraidhean Croise

2 Samuel 1:1

Ca co'na' mashic ileu so Saúl, ca' so David pila'a yi Siclag na' ime loxonec so Amalec llaalqaipi. Ca' chaqaiyi neeta'ñi quesaua dos na'xata'.

Esdras 9:14

Ca' ¿peeta'a ỹa'maqachiguiño' quiyim se ña'xaỹaxanaxalo naua relaataxanaxagohi', ca ña'aaquenaxaguit na qomyipi ỹaatqajam chalego la'aaqa' naua no'ueenataxaco? Ca' ¿peeta'a sqai 'o'italo qomi', ca' palaxachira'pe qomi', vire'ta quiyim qaica quet ca 'oonoqui' no'ueenashiguim coqomi' ca'laaxaic?

Job 19:23

¡Saxanchi' 'ue ca ỹichiñi naua ỹa'qaatqa, hueetalec nqai'en ca lecat, qaiyi hueesalec!

Éxodo 12:14

Najo ná'maq na'xa'a ná'maq qamiri sqai 'laxachii. Ca quiyim ỹovire'oga, ca' 'viichii ca nemaqachic lodegaxat, maqachiñitac najo ra'gaxalari. Maqachiñitac 'ñiita'gue meca nelaataxanaxac qaica lqodoc, chicqotougui na neta'allipi, ca queetougui chi ỹovireta'oga ca ñaalqaipi.

Éxodo 17:13

Ca' so Josué loxonec so nalauataxaua Amalec llaalqaipi, ỹodoota'a na lecat llaaxa.

Éxodo 24:4

Ca' so Moisés ỹiriño' dá'ogue dá'maq qohinapego' quiñi qara'gaxala'. Ca' queso liỹa na'xa'a na' nete'etam, ca no'teetashiguim. Ca' no'xonshiguim aso lcopatoxonaxalate, ỹane'tot aso qa' ladocai. Ca ỹanda'anyi saua doce qari ỹocanchiguilo nqai'en sauá'maq doce llaalqa so Israel.

Éxodo 32:33

Qam ñi qara'gaxala' 'naaco': —Cá'maq 'ue ca lasauaxaset caỹim, qaicaata sapalaxat cayi ñilere.

Jeremías 36:2

Coñita aca lere, ca 'chirelec ná'ogue ná'maq ỹa'qaatqaipi taỹalec yi Israel chaqai yi Judá chaqai na liỹa qomyipi, chicqochi'ñi na' sa'ue da ỹa'qaatec caqami' na' ñaqai neetaho so Josías, chi ỹovireta'a nagui.

1 Samuel 15:18

Ca' nagui ñi qara'gaxala', no'm ỹahotaque quiyim se napaquiralec ca la'qaatec quiyim nomachichiriñi yi sauaqhuaiquipi Amalec llaalqaipi, chaqai quiyim yá'ogue nalauachiriñi,