Éxodo 17:12 - La'qaatqa ñi qota'olec Qota'olec & Qota'olec Novita Na Qomyipi

¹² Qam ma' so Moisés nco'terec naua lqai'laqate', ca' qaicono' so qa', ca nqa'xanlec nqohin. Ca' so Aarón chaqai so Hur nolliisañi ỹachaxansashiguim nqai'ne' naua lqai'laqate'. Quiñi 'óna lo'qootañi da lqai'laxat ỹiquesashiguim nqohine'. Ca' chaqaida qohine'teco' na'le queso Moisés, ca' se nanaqaiñi naua lqai'laqate', chi ỹovireto'o' na' inoxonñi aso ra'aasa.

Éxodo 17:12 Iomraidhean Croise

Éxodo 17:11

Co'quena' so Moisés nanochishiguim naua lqai'laqate', ca' so Israel llaalqaipi nqo'neuec da lquesaxanaxa queso nalauataxaua. Qam co'quena' nanaqaiñi naua laua', ca lotqai nqo'neuec da lquesaxanaxa so Amalec llaalqaipi.

Éxodo 17:13

Ca' so Josué loxonec so nalauataxaua Amalec llaalqaipi, ỹodoota'a na lecat llaaxa.

Éxodo 24:14

Ca' queso qo'xoiquipi, ca 'naaco': —Nauaañiỹa'piguita qomi' quenajo, toco' ma' yapilaq. Najo hueeso'o' daua Aarón chaqai da Hur ro'viiñiỹa'guita. Ca no'm 'ue ca 'ue ca qalaneguelec, ca 'naapegalo daua'maxare.

Isaías 35:3

'Ñaxachii na lauaiquipi chaqai na soochaxaiquipi,

2 Corintios 1:11

chaqai no'm qamiri qarotauañii nqouagaxaintalgoto qomi'. Chaqai no'm 'xoic ca qom nqouagaxaintalgoto qomi', ca 'xoic ma'le ca ỹaanshiguim ma'le ca na'aachic quiñi qota'a queda lqouagaxa coqomi'.

Efesios 6:18

Qam nqouagaxaiñii quiyim 'viichii dá'ogue dajo. Se neme ne'xorishiñitacot ñi qota'a, qam quiichigui nqai'ñii da rashiilaxanaxaguii so Espíritu. Ỹaatqajam nelohitec, qaiyi shichii 'viichii dajo. Se reuallitegueñi, chaqai nqouagaxaiñitalec ná'ogue ná'maq lalamaxaret ñi qota'a.

Filipenses 1:19

ma' ỹim sa'deenta quiyim qaicanqaida ma'le queda ñachaalataxac, ma' qamiri nqouagaxaiñitalec aỹim chaqai da lotaanaxanaxac caỹim so Espíritu Santo neetaquio' na'le so Jesucristo.

Colosenses 4:2

Quiitalec sqai 'xañiñi da nqouagaxainaxaguii. Nelohitauec, chaqai 'ỹaañitacot da na'aachicyaxaguii ñi qota'a.

1 Tesalonicenses 5:25

Qamiri qarqaỹa', nqouagaxaiñitalgoto qomi'.

Hebreos 12:12

Vichiguiño' qamiri na'ñaxate' nqai'ñii naua rqai'laqachiri mashic nco'terec chaqai naua re'cootallii mashic tot ra'ñiiguelo,

Santiago 1:6

Qam ỹaatqajam 'ue ca rpi'ỹaxaguii quecá'maq ỹaxañiỹaque, qam qaica ca repeetaxanaxahi. Ma' ca qom chi lepeetaxanaxa quiyim 'ue ca roỹaxantaque, ca' cajo qom 'nejem ca lo'paxa ana huaaxai quiyim qaimaqata queca nonot quecanchi qaimaqata'gue.