Éxodo 16:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' so Moisés liỹa 'naac: —Ma' lavit ñi qara'gaxala' ỹa'ue ca qanoxohi la'at, ca' quiyi nete'eta, ca' ỹaanema qamiri ca 'xoic pan. Ma' ñi'maxare 'qaatapegalo qamiri na' se no'uen da 'xachitac quiñi'maxare. Ma' ¿negue' queto' qomi'? Qamiri sqai qarenaxaitac, ma' naxaitac ñi qara'gaxala'.

Éxodo 16:8 Iomraidhean Croise

Éxodo 16:12

—Ỹim sa'qaatapega na Israel llaalqaipi na' queeteguelec aỹim yinaqatac. Taqaira'pegue' na'maxare, ca 'ñirapego': Ma' lavitari', ca' qui'ii ma'le la'at. Chaqai quiyi nete'eta, ca' qui'ii ma'le queca pan, chi ỹovireta'a rquemari. Qaiyi 'yiiñii ma'le quiyim aỹim ra'gaxalari qota'olec.

Éxodo 16:9

Na' ime, ca' so Moisés 'naac queso Aarón: —'Ñiỹapega ná'ogue na Israel llaalqaipi quiyim nqo'neu'a ñi qara'gaxala', ma' ñi'maxare 'xaỹo' na'le dá'maq 'xachitac se no'uen quiñi'maxare.

Éxodo 17:2

Co'na'le, ca' ỹaatqajam qaỹoviraqta'a so Moisés, qohinaco': —¡Vite ca huaxaỹaq, qaiyi ñi'taq! —¿Chi'negue ma' 'ue dá'maq 'xachitac caỹim? ¿Chi'negue ma' 'guiñitac ñi qota'olec? —'naaco' so Moisés.

Números 14:27

—¿Chi' laquio' ñaqai queeta quiyim ña'ñaxateta'piguita naua la'qaatqa na hualoxonyipi llaalqaipi so Israel? Mashic shi'gue sa'xaỹa quiyim se no'uen da ỹa'xat caỹim.

Números 21:7

Ca quepegue'o' ca neeta'ñi so Moisés. Ca 'naaco': —¡'Uo' da qarasauaxaset, ma' qomi' se no'uen da sa'xatqatac quiñi qara'gaxala' chaqai caqami'! Ca ¡'maxaraic quiyim shiila'e' ñi qara'gaxala' quiyim naqata'a coqomi' na nanaiquipi! Ca' so Moisés ỹashiila ñi qara'gaxala' quiyim sqai caapeguem so Israel llaalqaipi.

Mateo 10:40

Cá'maq icoñi'chiguita qamiri, ca icoñi'chiguit aỹim. Chaqai cá'maq icoñi'chiguit aỹim, ca icoñi'chiguit ñí'maq yila'.

Mateo 9:4

Qam ma' so Jesús ỹa'den dá'maq la'deenataxanaxague' saua'maxare, ca 'naaco': —¿Chi'negue ma' se no'uen da ra'deenataxanaxaguii?

Lucas 10:16

Qam ca na'xaỹaxanalo qamiri, ca' chaqaỹim na'xaỹaxana. Qam ca se ỹacoñiguita qamiri, ca' chaqaỹim se ỹacoñiguit. Qam ca se ỹacoñiguit aỹim, ca' chaqaiñi ñí'maq yila' ñi se ỹacoñiguit.

Juan 13:20

Ỹaatqajam llic da shinac caqamiri, cá'maq icoñiguit cá'maq sela', ca icoñiguit aỹim. Chaqai cá'maq icoñiguit aỹim, ca icoñiguit ñí'maq yila'.

Romanos 13:2

Ca vichiguiño' cá'maq se na'xaỹaxana na nashillipi, ca ca'maxare npa'guene'e' ná'maq leloxoỹaxaquipi ỹa'yiñi ñi qota'olec. Ca vichiguiño' cá'maq 'neetari' dajo, ca' chi nasauaxateteguelta' quiyim qaỹa'ue ca nouaxanaxaset.

1 Corintios 10:10

Chaqai se na'quiaaxat ñi qota'a, 'nejem da 'ne'tegue so'maxare quiyim 'uo' quen na queeteguelec ñi'maxare, ca' qanalauajñi queso lelaatec nalauataxanqajnec.

1 Tesalonicenses 4:8

Ca' vichiguiño' quiyim 'ue ca se ỹacoñiguit dá'maq napaxaguinataxanaxac, ca ca'maxare mesqaica ca chaqai qom ca se icoñiguit, ma' chaqaiñi ñí'maq qota'a ñi se icoñiguit, ñí'maq ỹaanema qomi' so Espíritu Santo.

1 Samuel 8:7

Qam ñi qara'gaxala' 'naaco': —Na'xaỹaxañita quecá'maq roỹaxantaque na qomyipi, ma' ỹim ná'maq liỹoqa'piguit, mesqai qami', qaiyi se seloqota'a najo qomyipi.