Éxodo 16:7 - La'qaatqa ñi qota'olec Qota'olec & Qota'olec Novita Na Qomyipi

⁷ Chaqai ma' nete'e ma' nete'etam, ca' huañiỹa ma'le da lquesaxanaxa ñi qara'gaxala', ma' ñi'maxare 'xaỹa dá'maq 'xachitac se no'uen quiñi'maxare. Ma' ¿negue' queto' qomi' quiyim qarenaxaitac?

Éxodo 16:7 Iomraidhean Croise

Éxodo 16:10

Ca na' ñaq retaqatapougui so Aarón so Israel llaalqaipi, ca sá'ogue ra'ỹa'a yi 'laua qaica qom, ca re'oq so lauaq ñi qara'gaxala' hueetaugui so naueguelec.

Éxodo 16:12

—Ỹim sa'qaatapega na Israel llaalqaipi na' queeteguelec aỹim yinaqatac. Taqaira'pegue' na'maxare, ca 'ñirapego': Ma' lavitari', ca' qui'ii ma'le la'at. Chaqai quiyi nete'eta, ca' qui'ii ma'le queca pan, chi ỹovireta'a rquemari. Qaiyi 'yiiñii ma'le quiyim aỹim ra'gaxalari qota'olec.

Éxodo 16:8

Ca' so Moisés liỹa 'naac: —Ma' lavit ñi qara'gaxala' ỹa'ue ca qanoxohi la'at, ca' quiyi nete'eta, ca' ỹaanema qamiri ca 'xoic pan. Ma' ñi'maxare 'qaatapegalo qamiri na' se no'uen da 'xachitac quiñi'maxare. Ma' ¿negue' queto' qomi'? Qamiri sqai qarenaxaitac, ma' naxaitac ñi qara'gaxala'.

Éxodo 24:10

Ca' quiyi, ca iuanto' só'naq qota'olec queso Israel. Quecá'maq co'ueeta'ñi, ca' 'ue ca co'ueetalec qashilec 'ec na qa' leenaxat zafiro, chaqai richaañi 'ec na piguim.

Éxodo 24:16

Ca' da lauaq ñi qara'gaxala' hueetalec aso qa' ladocai leenaxat Sinaí. Ca ỹovirerauec saua seis na'xata' pootalec aso qa' queso naueguelec. Ca' queso liỹa na'xa'a, ca' ñi qara'gaxala' roỹaxano' so Moisés 'maqatougui so naueguelec.

Éxodo 40:34

Ca' so naueguelec pojlec nqai'en so 'imec, ca' da lauaq ñi qara'gaxala' ỹaatqajam no'xataxachichigui so'maxare.

Isaías 35:2

ca 'ue ana lenoỹaxai 'nejem ana peue lirio, no'xagui ma'le queda toonaxac chaqai da naỹaac. Ñi qota'olec chalego loyac nqai'en 'nejem ma'le yi 'laua Líbano, chalego lo'ualaxa ma'le 'nejem yi quemarelec Carmelo chaqai yi ca'megue Sarón. Ná'ogue iuana ma'le da lauaq ñi qara'gaxala', da lecaic quiyim nashi ñi qota'olec coqomi'.

Isaías 40:5

Ca ma'le, ca' ñi qota'olec ỹachaxan da lauaq, ca ma'le, ca ná'ogue na qomyipi ỹauana. Ma' chaqaiñi ñi'maxare 'naac dajo.

Levítico 9:6

Co'na'le, ca' so Moisés 'naaco': —Najo ná'maq relaataxanlec ñi qara'gaxala'. Ca' 'viichii da'maxare. Ca ma'le, ca' ñi qara'gaxala' nachaxanalo qamiri, ca' huañichigui qamiri ma'le dá'maq chalego lecaic lauaq ñi'maxare.

Números 14:10

Qam quedá'ogue dajo qaiyiita so qomyipi ỹahotaque inaxe' saua'maxare quena qa'. Ca' queco'na'le, ca re'oq so lauaq ñi qara'gaxala' queso 'imec na'daañi hua'ñi quiyim qanauane'e' ñi qota'olec, ca' sá'ogue so Israel llaalqaipi ỹauanchigui. (14.11-25 So Moisés nqouagaxainlec so llaalqaipi so Israel, qam ñi qota'olec ỹahotaque ỹa'ue da nouaxanaxaset ná'maq se na'xaỹaxan.)

Números 14:27

—¿Chi' laquio' ñaqai queeta quiyim ña'ñaxateta'piguita naua la'qaatqa na hualoxonyipi llaalqaipi so Israel? Mashic shi'gue sa'xaỹa quiyim se no'uen da ỹa'xat caỹim.

Juan 11:4

Ca' so Jesús co'na' 'xaỹa dajo, ca 'naaco': —Dajo nalolaxa se ỹovita ma'le ca nelauaxa. Ta'ta'a quiyim qaỹahotaque qaỹachaxan da lecaic ñi qota'olec, chaqai quiyim qaỹachigoxochichigui dajo nalolaxa quiyim qainaqachin na llaalec ñi qota'olec.

Juan 11:40

Qam so Jesús 'naaco' caso'maxare: —¿Mesqai shi'gue shinac caqami' quiyim vi'relec, ca' huañita ca se qaiuanapega lo'ueenataxanaxac ñi qota'olec?