Éxodo 16:3 - La'qaatqa ñi qota'olec Qota'olec & Qota'olec Novita Na Qomyipi

³ Ca 'naaco' quen so qomyipi: —¡Saxanchi' ñi qara'gaxala' ileue' nqai'ne' qomi' na'le quiyi Egipto! Na' senqata'ñi quen yí, ñqa'xanqata'ñi' quen aca qana'ueena no'qaachigui quena la'at, chaqai ỹaatqajam qarquema' quena' squi'ỹaq, qam qamiri naviguiu'galo qomi' najo 'laua qaica qom, ma' viitaque qomá'ogue qaralauat qarqopaaxa.

Éxodo 16:3 Iomraidhean Croise

2 Samuel 18:33

Ca' so nashi ỹaatqajam se nalo'guit da la'deenataxanaxac. Ca taashi'ma so 'imec pa'aashiguim queso lasom, ca' ỹaatqajam naualqategueñi. Qam co'na' ñaqai taatashi'ma so 'imec, ca' retaqata'pegue', 'naaco': —¡Absalón, ỹaalcolec! ¡Absalón, ỹaalcolec! ¡Saxanchi' aỹim spa'a'guit da relauaxa'e'! ¡Ỹaalcolec Absalón, ỹaalcolec!

Job 3:1

Ca co'na' shi'gom, ca' qaigueme 'ue da la'qaatec so Job, ca' se no'uen da ỹa'xat quecá'maq viquio' na' ne'qaañi so'maxare.

Job 3:20

¿Chi'neco' ñi qota'olec ma' ỹaanem da nachaalataxac cá'maq 'ue da le'xoric? ¿Chi'negue ma' ỹaanem da lca'laxa cá'maq 'xoic da nqui'ic,

Salmos 107:5

'ue na lqopaaxa chaqai na laquip, ¡mashic sham nilliviñi!

Éxodo 14:11

Chaqai queso Moisés, ca qohinaco': —¿Ca' sqaco' aca napal lahi' quiyi Egipto, ma' naqachira'alo qomi' quiyim vi'saque qareleu quena 'laua qaica qom? ¿Chi'neco' ma' 'ñitetegue dajo coqomi'? ¿Chi'neco' ma' naqachira'alo qomi' quiyi Egipto?

Éxodo 17:3

Qam so qomyipi 'xoic na laquip. Ca' retaxaỹa'guit so Moisés, ca 'naaco': —¿Chi'negue ma' qolqa'e nqai'ñi' qomi' yi Egipto? ¿Vi'saco' quiyim qaralauat na qaraquip qariỹaata'ñi' na qochaalqaipi chaqai na qoloipi?

Éxodo 2:23

Ca co'na' mashic 'vii saua ñaxari, ca ileuo' so nashi quiyi Egipto. Qam so llaalqaipi so Israel ñaqai queeta nqohin da le'xoric, ma' na'aquipi. Co'na'le, ca' ñi qota'olec 'xaỹa da noỹenaxac.

Éxodo 5:21

Ca' qohinapegalo': —Ñi qara'gaxala' ỹa'ajanta'pe qamiri chaqai quiyim ỹouaxane' qamiri queda 'ñii'tegue. Ma' rasauaxashichii quiyim ñi Faraón chaqai na lotauaripi ỹaatqajam qa'viỹa'que qomi' chaqai ỹaan na lo'goxonqateripi, qaiyi qaralauat.

Jeremías 2:6

Mesqaica ma' huapigui quet lauel quiyim idaanaque aỹim quiyim ñaqata'a na'le quiyi Egipto. Ca' sashaxantac quiyi 'laua qaica qom, yi 'laua rashivijlec chaqai 'xoic ana tema, yi 'laua qaica na huaxaỹaq chaqai 'xoic lichic, yi 'laua qaica ca nelec, yí'maq qaica ca ishit quelec.

Jeremías 42:14

ca no'm 'ñiỹac: Sahoqotaque saxague da Egipto ma' queda'maxare qaica ca lauataq chaqai se sa'xaiqaque ca lelamaxa aca npe'te lauataq lo'o chaqai se qaralauat ca qarqopaaxa,

Jeremías 44:17

Ta'ta'a quiyim qolqatalec dá'maq so'ueetqatac, qolqatalec quiyim sahoqotaque na qarichiinaxanaxat chaqai ana qarachitaxanataxanqate quena lataxa cañi qarashiila lashi na piguim, dá'maq chaqai'en shinqatari', dá'maq chaqai 'neesari' saua 'auaxaqa qareta'al chaqai so qarashillipi chaqai so qara'gaxalateripi quiyi na'aateripi quiyi Judá chaqai quenaua nayico quiyi Jerusalén. Ma' queso 'xoic na qonoq, qara'maqachiguiñi, chaqai qaica ca qare'xoric.

Números 14:2

Ca sá'ogue so qomyipi se no'uen na ỹa'xat taalec nqai'en so Moisés chaqai queso Aarón, 'naaco' quen: —¡Saxanchi' qareleualco' na'le yi Egipto loqo'm quenajo 'laua qaica qom!

Números 14:3

¿Chi negue' cá'maq 'neco' quiyim ñi qara'gaxala' nauegue'ogalo qomi' najo 'laua, chi ỹahotaco' qareleu meca lauataq chaqai quiyim na qaroua 'aallipi chaqai na qochaalqaipi noxonec ma'le quena qanpa'guenaxauaripi? ¡Paguec la'maxa queta' sopilaq queda Egipto!

Números 21:5

Ca' 'ue da ỹa'xat se no'uen quiñi qota'olec chaqai queso Moisés. 'Naaco' quen: —¿Negue' cá'maq 'neco' quiyim naqachiu'alo qomi' quiyi Egipto? Chaqai ¿viitaco' qareleualec na 'laua qaica qom? Qaica ca qaraquip chaqai ca qonoq. Ca ¡mashic qaramaqa'gue ná'maq sa'guinqatac qaica ca loyac!

Hechos 26:29

Ca' so Pablo lotqai 'naaco': —Queca cocho'qui' loqo'm queca 'xoic, saxanchi' mesqaqamite' nqai'en ñi qota'olec, ta'ta'am ná'ogue ná'maq na'xaỹaxantapiguiỹa' nagui ỹovira'a quiyim 'nejem aỹim, qam quiyim sqaicaua caua 'nejme' nauajo iqueete'.

1 Corintios 4:8

Ca mashic 'eco' qamiri mashic nesallaxanqa, chaqai ná'ogue ná'maq viñitaque mashic viitaxauot. 'Ñiitari' qamiri nashillipi, ca' nauá'maq qomi' ca qarenaxaitec. Ca ¡no'uen quiyim ỹaatqajam qamiri nashil, qaiyi qamiri ñouanqau'a quiyim qomi' nashil qai'neeta!

2 Corintios 11:1

¡Saxanchi' shichii quet quiyim cocho'qui' na'ñaxachiiguit da 'ec ñiualoxonqaishic! Quecanchaqai 'neeta, qam na'ñaxachiiguit aỹim.