Éxodo 16:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca na' ñaq retaqatapougui so Aarón so Israel llaalqaipi, ca sá'ogue ra'ỹa'a yi 'laua qaica qom, ca re'oq so lauaq ñi qara'gaxala' hueetaugui so naueguelec.

Éxodo 16:10 Iomraidhean Croise

Éxodo 16:11

Ca' ñi qara'gaxala' ỹalamaxachichigui so Moisés, ca 'naaco':

Éxodo 16:7

Chaqai ma' nete'e ma' nete'etam, ca' huañiỹa ma'le da lquesaxanaxa ñi qara'gaxala', ma' ñi'maxare 'xaỹa dá'maq 'xachitac se no'uen quiñi'maxare. Ma' ¿negue' queto' qomi' quiyim qarenaxaitac?

Éxodo 24:16

Ca' da lauaq ñi qara'gaxala' hueetalec aso qa' ladocai leenaxat Sinaí. Ca ỹovirerauec saua seis na'xata' pootalec aso qa' queso naueguelec. Ca' queso liỹa na'xa'a, ca' ñi qara'gaxala' roỹaxano' so Moisés 'maqatougui so naueguelec.

Levítico 9:23

Ca na' ime, ca' so Moisés chaqai so Aarón inoxondougui ñi 'imec na'daañi quiyim qanauane'e' ñi qota'a. Ca co'na' nenoxondec, ca' ỹaantem da no'uen llicyaxac so Israel llaalqaipi. Ca co'na'le, ca ñi qara'gaxala' chalego da lauaq na' nachaxana sá'ogue so qomyipi, 'neetasa':

Levítico 9:6

Co'na'le, ca' so Moisés 'naaco': —Najo ná'maq relaataxanlec ñi qara'gaxala'. Ca' 'viichii da'maxare. Ca ma'le, ca' ñi qara'gaxala' nachaxanalo qamiri, ca' huañichigui qamiri ma'le dá'maq chalego lecaic lauaq ñi'maxare.

Números 14:10

Qam quedá'ogue dajo qaiyiita so qomyipi ỹahotaque inaxe' saua'maxare quena qa'. Ca' queco'na'le, ca re'oq so lauaq ñi qara'gaxala' queso 'imec na'daañi hua'ñi quiyim qanauane'e' ñi qota'olec, ca' sá'ogue so Israel llaalqaipi ỹauanchigui. (14.11-25 So Moisés nqouagaxainlec so llaalqaipi so Israel, qam ñi qota'olec ỹahotaque ỹa'ue da nouaxanaxaset ná'maq se na'xaỹaxan.)

Mateo 17:5

Ca co'na' ñaq retaqatac so Pedro, ca' anac so naueguelec 'ue na lauaq, ca lepachiguilo saua'maxare. Ca' so naueguelec 'maxougui so na'qaatec 'naac: —Najo ná'maq ỹoqo'itaxat ỹaalec, ỹaatqajam ñitoonta'pegue da'maxare. Ỹaatqajam na'xaỹaxañiỹa da'maxare.