Éxodo 15:7 - La'qaatqa ñi qota'olec Qota'olec & Qota'olec Novita Na Qomyipi

⁷ Tepaxañi nqai'ñi' queda rquesaxanaxa'e' ná'maq reloqoguit aqami'; na' 'xañirec da ronogoxonaxaqui', ca na'maxare nachipishiguim, 'ec na 'uaqapi.

Éxodo 15:7 Iomraidhean Croise

Job 9:4

Ma' ñi qota'olec ỹaatqajam chalego lecaic queda lquesaxanaxa chaqai queda la'deenaxanaxa, ¿negue' quet cá'maq ishit reloqoguit, ca' se qanaqajñi? (9.5-10 So Job queetalec da letaxaỹaxac quesaua nauochaxaua'.)

Salmos 148:13

¡Ná'ogue imaqachin da leenaxat ñi qara'gaxala', ma' qaidaata da leenaxat ỹapacauec lecaic! ¡Chaqai da nemaqajnataxanaxa napacalec na 'laua chaqai na piguim!

Éxodo 14:27

Ca' so Moisés ỹachaxanshiguim da lqai'laxat, naloqojnejlec aso huaaxai. Ca na' mashic richiguiñi, ca pilta' so huaaxai, ca' ipaquichigui dá'maq chaqai'en 'neetari'. Ca co'na' so Egipto laseripi ỹahotaque llic quiyim 'eet, ca' natena'guit so huaxaỹaq caso huaaxai. Ca' da 'neeto' na'le na' ñi qara'gaxala' iyinñi nqai'en so'maxare.

Éxodo 5:12

Ca' so Israel llaalqaipi neuagaxajlec yá'ogue yi Egipto, imitetaque na nanecsec lovi, ỹahotaque ro'ueenataxana, 'ec nqai'en na 'uaqapi.

Éxodo 9:16

Qam ñca'laxachisauec, qaiyi huañita da iquesaxanaxa, ma' sahotaque qaỹa'den quená'ogue na 'laua.

Isaías 5:16

Ñi qara'gaxala' ñí'maq sqaica lqalanec ỹachaxan ma'le dá'maq lecaic quiyim imit ca nasauaxaset; ñí'maq qota'olec co'teeta ỹachaxan ma'le da lco'taxa quiyim ỹo'ueetetac dá'maq ỹa'maqachiguiñi.

Isaías 5:24

Ca' chaqaida dá'maq 'neeta na norec quena' ỹavigaxat na 'uaqapi chaqai na lauaq ỹavicañi nqai'en ana laue lasooxoi, ca chaqaida 'neete' qamiri ma' ra'lliỹañi, 'ec ana qo'paq ỹasoochi'ñoto naua lpa'yii chaqai ana lenoỹaxai sogui 'ec na lo. Ma' sqai coñiguit da napaxaguinataxanaxac chaqai da naqataxac quiñi qara'gaxala' sqaica lqalanec, ñí'maq co'teeta qota'olec quena Israel. (5.25-30 Nouaxanaxaset na nemaqajnaxairipi. Ñi qota'olec nelata yi Israel so qomyipi qoỹoqo'tegue da na'gue quiyim nco'ỹa'e'.)

Zacarías 14:3

Qam ma' ime, ca' ñi qara'gaxala' eec nalauate'e' sá'ogue so qomyipi, 'ec dá'maq quena' ỹovire'oga ca na'xa'a nalauataxaqui.

Zacarías 14:8

Ca' ma'le, ca' nac ca huaxaỹaq 'oom chicqota'a yi Jerusalén, ca ná'maq huaxaỹaq naquetac quiyi no'oomaxa chaqai yi nosaxa. So lavinñi taatapegaqso'ma aso huaaxai qaỹamata'gue leuaxai, chaqai so liỹa lavinñi taatapegaqso'ma aso huaaxai hueetegueñigui ana delec.

Zacarías 2:8

Ñi qara'gaxala' sqaica lqalanec yila', yilarelec da la'qaatec quiyim npa'guene'e' ná'ogue ná'maq ỹoreta'oguit qomyipi quená'maq rouootaxana'gue ca rouenaxahipi, 'naac: Canchaqaica se ỹa'maxata'gue na ỹalamaxareteripi, se ỹa'maxata'gue ná'maq ỹauochaqateripi. Vichiguiño', ca' ỹim ñco'ỹa'e' ná'ogue ná'maq ỹoreta'oguit qomyipi, ca so'uet quiyim ná'maq chi la'aquipi rouootaxana'gue na louenqaipi. Ca' chaqaida 'neeta ma' ỹachaxan ma'le da lauaq ñí'maq qara'gaxala' sqaica lqalanec, qaiyi qamiri 'yiiñii ma'le quiyim chaqaiñi ñí'maq yila'. (2.10-13 Qaiuana da lca'laqataxanaxac ñi qota'olec.)

Malaquías 4:1

Ñi qara'gaxala' sqaica lqalanec 'naac: Tot qoỹoxoguit na na'xa'a ỹaviquetaugui, 'ec ca nqatelaxanaxaqui. Ca ná'ogue ná'maq nemaqajnaxairipi chaqai na hualoxonyipi ỹavigougui ma'le, 'ec na 'uaqapi quena norec lauaq. Ca cá'maq cajo na'xa'a naata ỹavigaxat ná'ogue, ca' qaica ca no'ueenashiguim nqai'en.

Mateo 3:12

Shi'gue lo'qoota'a so lochigoxosoxonaxat, ca' co'taxat na trigo, naqat na lovi. Ime, ca' ỹa'maxat ná'maq co'teeta trigo la quiñi lahi'. Qam na lovi, ca' copata'a inaxañigui ca norec sqai 'om.

Hechos 9:4

Ca najño' so Saulo. Ca co'na' hueetañi quiyi 'laua, ca' 'xaỹaque so na'qaatec 'naaco': —Saulo, Saulo, ¿chi'negue ma' yocañi'sac?

Hebreos 12:29

Ma' ñi qota'olec 'neetari' ca norec ravicqataxan.