Éxodo 15:6 - La'qaatqa ñi qota'olec Qota'olec & Qota'olec Novita Na Qomyipi

⁶ Qami' qara'gaxala', da qatoiqui' ỹaatqajam quesaxanaxaic, dá'maq ỹopoxoỹaxachigui so qanpa'guenaxaua.

Éxodo 15:6 Iomraidhean Croise

Salmos 2:9

Ca' viise'e ca rashillichi' lecat, ca nopoxoỹaxachiriñi na nashillipi; ¡ca poxoỹaxachirigui 'ec nqai'ñi' aca 'ueena 'laua!

Salmos 24:8

¿Negue' cá'maq nashi 'ue da lauaq? ¡Chaqaiñi ñi qara'gaxala' quesaxanaxaic chaqai 'ñaaxaic! ¡Chaqaiñi ñi qara'gaxala' 'ñaaxaic quena' nalauat!

Salmos 74:11

¿Chi'neco' ma' 'xochiriñi na rqai'laxachi' quesaxanaxaic? ¿Chi'negue ma' qa'aalliso'oto naua rqai'laqachichi'?

Salmos 98:1

¡'Viiñii ca dalaxaic no'ueenec quiñi qara'gaxala', ma' ñi'maxare chalego loyac dá'maq ỹo'uet! ¡Ma' ỹovireta'a doxonaxana da chalego lecaic lquesaxanaxa da lqai'laxat co'teeta!

Éxodo 15:11

Qami' qara'gaxala', ¡ỹaatqajam qaica ca liỹa nalo'guit aqami'! ¡Qaica ca co'teeta chaqai lodegaxat 'nejem qami'! ¡Ma' 'viichi' na ỹo'uet ca ne'laxa chaqai 'xoic lichic! ¡Ca' ta'chiguit quiyim qaimaqachin qami'!

Éxodo 15:12

¡'Xañirec da rquesaxanaxa'e', ca' na 'laua sá'ogue ỹaqan so Faraón nalliripi!

Éxodo 15:16

Qami' qara'gaxala', ¡No'chi nqai'ñi'!, ca ¡'xoic da lqolonaxa! chaqai ¡quecá'maq hueeta'ñi, ca 'ec qa' queda lquesaxanaxa da rqai'laxachi', chi ỹovireta'a pacta na ralamaxarichi' qomyipi ná'maq rca'acshiqui'!

Éxodo 6:1

Ca' ñi qara'gaxala' 'naaco': —Nagui, ca' huañichigui ma'le dá'maq shine'tegue ñi Faraón, ma' ñi'maxare se nanoiquentac quiyim ỹaxandec qamiri quenajo 'laua. Chaqai sqa ỹodolec ca chi reto nquesaxanaxa, ca ñi'maxare chi ỹo'derauec qamiri ma'le. (6.2—7.13 Ñi qota'olec roỹaxanalo so Moisés chaqai so Aarón.)

Isaías 30:14

ropoqoguilo nqohine' qamiri ma'le 'ec aca nehoma 'laua, quena' ropoqogui, ca' lahiletajlec, ỹaatqajam ropoqotam, ca se ỹa'maxañi quiyim qaỹouen ca laỹooqui' quiyim qaillaalec aca norec lpoqo, loqo'm qane'maxashiguim ca huaxaỹaq caca ni'ỹa.

Isaías 52:10

Ñi qara'gaxala' ỹachaxan da co'teeta lquesaxanaxa, ca' qaiuanchigui quená'ogue na ỹoreta'oguit qomyipi. Ca' quená'ogue na 'laua qaỹa'den ma'le quiyim ñi qota'olec nca'laxaterec qomi'.

Mateo 6:13

Chaqai se qarashiñitegue ca qane'guenaxac, ta'ta'a quiyim otaxañirelgoto qomi' queso na'ỹaapec. Ma' qatoiquenachiqui' dá'maq no'ueenataxanaxac, chaqai da nquesaxanaxa, chaqai da nauaq qaica lqodoc. Ajá'a, ca' chaqaida 'neeta dajo.

Apocalipsis 2:27

Ca 'nejem dá'maq 'ne'tegue ñi ita'a caỹim quiyim nañaañim da iquesaxanaxa quiyim selaataxanac. Ca' ca'maxare reloqota'a ná'ogue na ỹoreta'oguit qomyipi, ỹahote'e ca nepon fierro. Iuagaxatetac, 'nejem nqai'en aca 'ueena 'laua.

1 Samuel 2:10

Ñi qara'gaxala' lahiletajlec nqai'en na npa'guenaxauaripi, chicqo'ot nqai'en na piguim aca soxonaxa, ca nouaxañi'ña nqai'en na'maxare. Ñi qara'gaxala' imit ma'le ná'ogue na hueetalec na 'laua; ca' ỹaanem ca lquesaxanaxa cá'maq lca'acsec quiyim nashi, ca nqo'naxatec da lquesaxanaxa.