Éxodo 15:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca na' ñaq ro'ueenaxantalec so liỹa 'aallipi: 'Ueenaxañii, maqachiñitac ñi qara'gaxala', ma' ñi'maxare chalego lecaic da lauegaxanaxac na' iyinñi nqai'en so shipiguiripi qoyintalec. (15.22-27 'Ue so nanataxat huaxaỹaq, qam chim.)

Éxodo 15:21 Iomraidhean Croise

2 Samuel 1:20

Totaxan 'xachiỹo' quena neeta'ñi yi Gat, chaqai sqai 'xachitac quiyim quiita'guelo naua nayico quiyi Ascalón, qaiyi se netoon na 'aallipi filisteaipi, qaiyi se nenojshiguim queda netoonaxac na 'aallipi quená'maq npa'guenaxauaripi ñi qota'olec.

2 Samuel 6:14

Ca' so David ỹansañi saua loho qaican ishite', chicqoraugui na lino, ca' ỹaatqajam rasot, ỹomatauec da lquesaxanaxa.

Éxodo 15:1

Co'na'le, ca' so Moisés chaqai so Israel llaalqaipi ỹo'ueeno' da lo'ueenec, imaqachin ñi qara'gaxala': So'ueenaxano', semaqachintac ñi qara'gaxala', ma' 'ue da ne'laxa na' rauegaxan na' iyinñi nqai'en caso huaaxai so shipiguiripi qoyintalec.

Éxodo 15:4

Ñi qara'gaxala' iyinñi nqai'en caso huaaxai so nahoglenaipi chaqai so nalliripi so Faraón; ¡chaqai só'maq no'uen nalliripi homac nqai'en caso huaaxai leenaxat huaaxai toc!

Apocalipsis 14:3

Ca' ro'ueenaxantac, ỹo'ueentac da dalaxaic no'ueenec reloqotau'a yi nqa'xanqa' ñi qota'a, chaqai saua cuatro ise' nca'leesauec, chaqai queso qo'xoiquipi. Qaica ca ishit ỹa'den so no'ueenec, qaisoota só'maq ciento cuarenta y cuatro mil só'maq ỹovirau'a da nca'laxa quena 'laua.

Apocalipsis 15:3

Ca' so qomyipi ỹo'ueentac da lo'ueenec so Moisés só'maq lelaatec ñi qota'a chaqai da lo'ueenec so 'ec qagreta llaalec, 'neetasa': Ỹaatqajam chalego lecaic chaqai da loyac ná'ogue ná'maq ro'ueenachiqui', qami' qara'gaxala', qami' qota'olec qaica ca qalañirac. Ỹaatqajam ỹalamqate' chaqai lliquete' naua nayigohi', qami' lashi ná'ogue na ỹoreta'oguit qomyipi.

Apocalipsis 5:9

Ca qaỹo'ueentac dajo dalaxaic no'ueenec, 'neetasa': Qami' 'iichichiguit quiyim coñita ana lere chaqai quiyim naqachi' naua qaỹa'gaxanaxansañi netanaqsete; ma' qaỹalauat na'le aqami', chaqai quesaua reuochi', ca' laseue' na' shiujnaxañitalo qomi', chigoxochiraugui ná'ogue na ỹoreta'oguit qomyipi ỹoreta'oguit na la'qaatec, qaiyi lalamaxareteripi ñi qota'a.

1 Samuel 18:6

Qam co'na' rapil so nalauataxairipi co'na' ime quiyim so David ỹalauat so filisteo, ca so 'aallipi quena na'aateripi quiyi Israel ca'guit so nashi Saúl, ro'ueenaxantagui chaqai rasotetac, ỹaatqajam 'ue da netoonaxac, ỹahote'e ana lasaquinata chaqai ana latoina.

1 Samuel 18:7

Ca co'na' ro'ueenaxantagui chaqai rasotetac so 'aallipi, ỹopilaxateta'gue da la'qaatec, 'naaco' quen: Mil qomyipi so ỹalauat so Saúl, chaqai diez mil so ỹalauat so David.