Éxodo 15:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Co'na'le, ca' aso qota'a letaxaỹaxaqui leenaxat María, lqaỹa so Aarón, icona aso nasaquinata. Ca' sá'ogue so liỹa 'aallipi coỹaretalec rasoteta chaqai ỹasaquintapigui aso nasaquinata.

Éxodo 15:20 Iomraidhean Croise

Génesis 31:27

¿Chi'negue ma' yayiñi', chaqai nemoochirauec nañoxochisañi sqa vite ca ỹa'xaỹaxac? Ma' queta' sa'deenta, ca' ỹim ñpoyicne'te' quet qami', ca' sa'ue ca nemaqachic niviigaxanaxac. Ca' 'ue ca ñitoonaxac, sahote'e ana niviigue chaqai ana nouaxana.

2 Samuel 1:20

Totaxan 'xachiỹo' quena neeta'ñi yi Gat, chaqai sqai 'xachitac quiyim quiita'guelo naua nayico quiyi Ascalón, qaiyi se netoon na 'aallipi filisteaipi, qaiyi se nenojshiguim queda netoonaxac na 'aallipi quená'maq npa'guenaxauaripi ñi qota'olec.

2 Samuel 6:14

Ca' so David ỹansañi saua loho qaican ishite', chicqoraugui na lino, ca' ỹaatqajam rasot, ỹomatauec da lquesaxanaxa.

2 Samuel 6:16

Ca' aso lahite' saua naqataxaco co'na' ỹovira'a yi na'a' neeta'ñi so David, ca' aso Mical só'maq llaale so Saúl ra'ỹauco' caso nqote so lauo'. Ca co'na' idaana'a so David nenotetashiguim chaqai rasotetacot ñi qara'gaxala', ca' aso'maxare ỹaatqajam ra'aguelec so'maxare.

2 Samuel 6:5

Qam so David chaqai sá'ogue so llaalqaipi so Israel imaqachintac ñi qota'olec ro'ueenaxantagui chaqai rasotetac ỹomatauec da lquesaxanaxa, nalo'chiguit da lelamaxa ana niviiguellipi chaqai na nasaquinatallipi chaqai na nouaxanallipi.

2 Reyes 22:14

Ca' so Hilcías, Ahicam, Acbor, Safán chaqai so Asaías querepegue' aso 'aalo qota'olec letaxaỹaxaqui Hulda, loua so Salum, llaalec so Ticva chaqai laual so Harhas, neloxoỹaq queso nooỹac lomala' queso no'ueenaxanaxaqui. So Hulda na'ñi yi liỹa 'imqaipi quiyi Jerusalén. Ca na' qaitaxaỹaxanac,

Salmos 150:4

¡Maqachiñii, rasochitañi, ỹocantegueñi nqai'ñii da lelamaxa ana nasaquinata! ¡Maqachiñii, viite'e ana npe'te chaqai ana liviigue 'ue lequet!

Éxodo 2:4

Co'na'le 'naaco' casó'maq lqaỹa so noctoqui' quiyim no'ueenañi, qam se loỹootaque, qaiyi ỹauanchigui canchaqaica 'neeta so'maxare.

Eclesiastés 3:4

'Ue yi laloqo' quiyim oỹenaxac, chaqai yi laloqo' quiyim naỹallicyaxac. 'Ue yi laloqo' quiyim 'ue da nasauaxac, chaqai yi laloqo' quiyim 'ue da naỹaac.

Jeremías 31:4

Liỹa ño'xonshiguim na la'a' na Israel llaalqaipi. Ca lotqai liỹa novi', ỹahote'e ana lasaquinata chaqai rasotetac queda netoonaxac.

Miqueas 6:4

Ỹim ñaqata'a na'le qami' quiyi Egipto, ñaqata'a na'le qami' quiyim qami' na'ac, ỹim sela' na'le so Moisés, Aarón chaqai aso María, sahotaque quiyim ra'gaxalachiri.

Números 20:1

Ca' queso 'auaxaic shiraigo queso ñaaxa, ca' so Israel llaalqaipi ỹovita yi 'laua qaica qom, leenaxat Zin. Ca' 'vii saua na'xata' neeta'ñi yi Cades. Ca' quiyi, hua'ño' na' ileu aso María, ca' qaishinñi quiyi'maxare.

Lucas 2:36

Chaqai hueeta'ño'yi aso 'aalo mashic la'qaataxanqajna ñi qota'a. Aso'maxare mashic ỹaatqajam qo'xoỹom, leenaxat Ana. Aso'maxare llaale so Fanuel, chicqaugui so llaalqaipi so Aser. Qam aso'maxare 'óno' na' llaq nequetegaxai, qam ỹovite' siete ñaxari quiyim reloqota'guit ca loua.

Hechos 21:9

So Felipe 'vio' saua cuatro llaale saqa' o'ne'. Saua'maxare ỹa'xaterac na la'xaỹaxague' chicqotacot ñi qota'a.

1 Corintios 11:5

Qam aca 'aalo no'm se ỹapolec na lqahic quena' nqouagaxain loqo'm quena' ỹa'xatetac da la'qaatec ñi qota'a, chi ỹahotaque na layiloxo cá'maq lqahic, 'nejem quiyim ỹaatqajam nepetqueta na lqahic laue.

1 Corintios 14:34

Na 'aallipi se ishit retaqa quena' ỹalequetaho quena lapoxoc ná'maq mashic icoñiguit da na'qaatec, ma' se qaỹa'maxaren. Ta'ta'a quiyim na'xaỹaxanta, ma' 'nerac dajo yaua naneresañi laqataxaco ñi qota'a.

Jueces 4:4

Ca' quesauajo na'xata' so Israel llaalqaipi qareloqota'a caso 'aalo qota'olec letaxaỹaxaqui, leenaxat Débora. Aso'maxare loua so leenaxat Lapidot.

1 Samuel 10:5

Ca ma'le, ca' viriu'a yi Gabaa, la'a' ñi qota'olec, yí'maq na'ñi yi nouaataxanaq nalliripi na filisteoipi. Ca ma' noxoñiho quiyi na'a', ca nachiñiỹa'guit ma'le so letaxaỹaxaquiripi ñi qota'olec chicqashi'megue ada ncopatoxonaxalate. Ca' queso'maxare 'auetauec ma'le so qomyipi iviiquetapigui ana liviigue, lasaquinata, lpe'te chaqai ana niviigue 'xoic na lequet, leenaxat arpa.

1 Samuel 18:6

Qam co'na' rapil so nalauataxairipi co'na' ime quiyim so David ỹalauat so filisteo, ca so 'aallipi quena na'aateripi quiyi Israel ca'guit so nashi Saúl, ro'ueenaxantagui chaqai rasotetac, ỹaatqajam 'ue da netoonaxac, ỹahote'e ana lasaquinata chaqai ana latoina.