Éxodo 15:2 - La'qaatqa ñi qota'olec Qota'olec & Qota'olec Novita Na Qomyipi

² Dajo ỹo'ueenec saantacot ñí'maq qara'gaxala', ñi'maxare chi iquesaxanaxa chaqai ica'laxa. Ñi'maxare chaqaiñi ñi qota'olec caỹim, ca' semaqachintac; ñí'maq qota'olec quiyi ita'a, ca' ỹim sapacqajnauec.

Éxodo 15:2 Iomraidhean Croise

Génesis 17:7

Dá'maq ña'maqataxac caqami' chaqai quecá'ogue ca qachaalaxai'pi ma'le quiyim chaqai 'neetari' ỹim qota'olec caqami' chaqai ỹim nqota'olec cá'maq qachaalaxai'pi.

Génesis 49:18

Qami' ỹa'gaxala', ñauaanta'a quiyim yca'laxachirec.

2 Samuel 7:24

Ma' qami' vi'saque quiyim na llaalqaipi so Israel ralamaxarichi' chaqai qaica lqodoc quiyim qami' la'gaxala' qota'olec.

2 Samuel 7:5

—Quirepegue' ñi ilaatec David, ca' 'qaataxañita quiyim ỹim, ma' ỹim na'gaxala', shinac: Mesqai qami' ná'maq no'xoñirishiguim ca 'imec quiyim senaugui ca'maxare.

1 Reyes 8:13

Qam ỹim so'uet ana qouagaxainaxaqui qaiyi vi'saugui, sauaaque quiyim qaica lqodoc ñi'saugui.

1 Reyes 8:27

Qam ¿peeta'a ỹaatqajam llic dá'maq quiyim qami' qota'olec, ca' shichi' ñi'salec ana 'laua? Ma' na piguim quiyim chalego da lecaguiñi, qam se nalo'guit qami' quiyim rolli'rañi, ca ¡huose'quet ná'maq najo 'imec ño'xonshiguim sauaaque qauochi'!

Salmos 118:14

Ỹim so'uen ñi qara'gaxala', ma' ñi'maxare ỹo'uet da iquesaxanaxa. ¡Chaqai chaqaiñi ñí'maq ica'laxaqui!

Salmos 118:21

Ỹa'gaxala', saanot qami' da ña'aachic, ma' saachichiguito' aỹim, chaqai ma' qami' ná'maq qami' ica'laxaqui.

Salmos 118:28

Saanot qami' da ña'aachic chaqai semaqachin da recaiqui', ma' qami' ná'maq qami' qota'olec caỹim.

Salmos 22:10

Shi'gue na' saqa' ñi'qaañi, qa' cochi'sapiguiỹa'; na' ñaqai seuetaugui na lauel aso ỹate'e, ca qami' qota'olec caỹim.

Salmos 22:3

Qam ỹaatqajam co'teeta qami'; qami' nashi, ca imaqachintac qami' na Israel.

Salmos 27:1

Ñi qara'gaxala' icoỹaraxanaxaqui chaqai ica'laxa, ca ¿negue' quet cá'maq yo'chiitaque? Ñi qara'gaxala' ro'ootaxanlec da ñachaalataxac, ca ¿negue' quet cá'maq ỹa'ue ca iqolonaxa?

Éxodo 14:13

Qam so Moisés 'naaco' queso qomyipi: —Sqaica ro'chiỹaque queda 'ñiitari'. Chaqaida 'ñiitari', ca' 'ajñii cá'maq lo'ueenataxanaxac ñi qara'gaxala' quiyim nca'laxaterec qamiri, ma' tot qaica ma' liỹa quet huañiỹa ná'maq daañita'guit nagui Egipto laseripi.

Éxodo 3:6

Ca lotqai liỹo' 'naac: —Chaqaỹim ná'maq ỹim qota'olec quesó'maq 'auaxaic qata'i'llipi. Aỹim qota'olec quesaua qapirilli' Abraham, Isaac chaqai so Jacob. Ca' so Moisés ỹapoquio' na lashic, ma' no'cho' quiyim ra'ỹo'ot ñi qota'olec.

Éxodo 40:34

Ca' so naueguelec pojlec nqai'en so 'imec, ca' da lauaq ñi qara'gaxala' ỹaatqajam no'xataxachichigui so'maxare.

Isaías 49:6

'neetasa' da la'qaatec: Mesqai nodaachiguiñi quiyim qami' ilaatec quiyim qaidaata rapilaxachi' na llaalqaipi so llaalqaipi so Jacob chaqai quiyim rapilaxachi' na ca'laaxaiquipi quena'maxare; qai'neeta ỹim so'uet quiyim qami' lcoỹeraxanaxat ná'ogue na ỹoreta'oguit qomyipi, qaiyi 'xachisac da ica'laqataxanaxac quenaua paguec qoỹoqo'teguelo lahil na 'laua.

Jeremías 31:33

Dajo dá'maq ña'deenaxac ma'le quena llaalqaipi so Israel, ma' ỹovita cajo na'xa'a: Da ilaataxanaxaquipi sellaagui añi le'taxanata chaqai shiriñi quiyi la'deenataxanaxac loma'. Ca' ỹim qota'olec ma'le quena'maxare, chaqai na'maxare, ca' ỹalamaxareteripi. Ỹim na'gaxala', se'taxajñi da ỹa'qaatec.

Lucas 1:77

ma' 'qaataxañitem ná'maq lalamqateripi quiyim qaỹapalaxat na lasauaxaseteripi, qaiyi ỹacoñiguit da nca'laxa.

Lucas 2:30

Ma' aỹim ỹaatqajam sauanchigui nagui ná'maq qarca'laxaqui,

Juan 4:22

Qamiri Samaria laseripi sqa 'yiiñii cá'maq nqouagaxaiñitacot. Qam qomi' sa'deenaq ñí'maq ñqouagaxainqatacot, ma' da nca'laxa chicqotougui na judioipi.

Juan 5:23

qaiyi ná'ogue na qomyipi imaqachin na llaalec, 'nejem nqai'en da lemaqajnataxanaxa quiñí'maq leta'a. Cá'maq se imaqachin ná'maq llaalec, ca se imaqachin ñí'maq leta'a ñí'maq nela'.

Hechos 4:12

Chaqai qaica ca liỹa chicqochigui ca nca'laxa. Ma' ñi qota'olec qaica ca liỹa neenaxat ỹaanema qomi' quiyim qarca'laxaqui, chaqaisoota so leenaxat so Jesús.

2 Corintios 5:19

Dá'maq qara'qaatec 'neetasa': quiyim so Cristo liỹaatac ñi qota'a na' ỹahotaque qareuaqui'chiguit ñi'maxare quená'ogue na qomyipi, qam ñi'maxare se ra'iitapigui na lasauaxaset na qomyipi. Ca' ỹamaxalgoto qomi' quiyim sichoxotqachigui da leloxoỹaxac dajo na'qaatec quiyim qareuaqui'chiguit ñi qota'a.

Efesios 2:22

Ca' qaican ỹapaguec caqamiri quiyim na'yiitau'a so Cristo, ca lapohiguit ná'ogue na liỹaripi, chi ỹovireta'a quiyim 'ec qamiri 'imec. Ca' neetaugui ñi qota'a queso Espíritu Santo.

Filipenses 2:11

chaqai qaiyi ná'ogue ỹa'deena'a chaqai 'naac quiyim so Jesucristo ỹaatqajam na'gaxala', quiyim qaimaqachin ñi qota'olec.

Filipenses 4:13

Seshit ña'ñaxachiguit ná'ogue, ma' Cristo só'maq ỹa'ue da iquesaxanaxa.

Colosenses 2:9

Ma' dá'ogue dá'maq no'ueenataxac ñi qota'a ỹaatqajam hueetagui da nachaalataxac so Cristo.

Apocalipsis 15:3

Ca' so qomyipi ỹo'ueentac da lo'ueenec so Moisés só'maq lelaatec ñi qota'a chaqai da lo'ueenec so 'ec qagreta llaalec, 'neetasa': Ỹaatqajam chalego lecaic chaqai da loyac ná'ogue ná'maq ro'ueenachiqui', qami' qara'gaxala', qami' qota'olec qaica ca qalañirac. Ỹaatqajam ỹalamqate' chaqai lliquete' naua nayigohi', qami' lashi ná'ogue na ỹoreta'oguit qomyipi.

Apocalipsis 19:1

Na' ime dajo, ca sa'xaỹaque so netenegue lavillaxac so 'xoic qomyipi, 'maxashiguim quena piguim, 'naac: ¡Semaqachinaq ñi qota'olec! Ma' da nca'laxa, da lauaq, chaqai da nquesaxanaxa lalamaxarete' ñi'maxare.