Éxodo 15:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Qami' qara'gaxala', ¡No'chi nqai'ñi'!, ca ¡'xoic da lqolonaxa! chaqai ¡quecá'maq hueeta'ñi, ca 'ec qa' queda lquesaxanaxa da rqai'laxachi', chi ỹovireta'a pacta na ralamaxarichi' qomyipi ná'maq rca'acshiqui'!

Éxodo 15:16 Iomraidhean Croise

Génesis 35:5

Ca co'na' eec sá'ogue so lauo' so Jacob, ca' ñi qota'olec ỹo'uet quiyim 'xoic da lqolonaxa sá'ogue so lauoraripi sqoỹoqaque quiyi'maxare. Vichiguiño' se qaỹocan so llaalqaipi so Jacob.

2 Samuel 7:23

Chaqai quena Israel ná'maq ralamaxarichi', ¡na'maxare qaica nqai 'nejem, ma' najo qomyipi ỹaatqajam qainaata quena 'laua! Qami' qota'olec, na'maxare naqachira'a na'le, ma' vi'saque ralamaxarichi'. Ca' 'viichi' da lichoxoric quedá'maq chalego lecaic 'viichi' quena'maxare. Qami' o'yirauec nanchaqaina quedá'maq taata'gue na ralamaxarichi'ipi ná'maq nca'laxachirec na'le quiyi Egipto, chaqai quená'ogue na liỹa qomyipi chaqai quena lashiilqaipi lqolaquipi.

Salmos 74:2

Ñaqai o'lliinchira'a na ralamaxarichi'ipi, ná'maq rca'acshiqui' na' ñaqai 'avichiguiñi, ná'maq nca'laxachirec na'le ma' vi'saque ralamaxarichi' qauochi'; chaqai o'lliinchira'a añí'maq quemaralec qa' ladocai Sión, ñí'maq ñi'sa'ñi.

Éxodo 11:7

Qaiyi 'yiiñii qamiri quiyim ñi qara'gaxala' ỹa'den quiyim ỹoỹooteta'oga na Egipto laseripi quena Israel llaalqaipi, quiyim vire'ta ñaqai pioq quet ca itou'ga ca qom loqo'm ca isecỹac quena Israel llaalqaipi.

Éxodo 15:13

Shaxañi'sac queda re'xorenataxanaxa'e' najo qomyipi ralamaxarichi', ca nca'laxachirec; viise'e da rquesaxanaxa'e', ca viquisa'a ca co'teeta ra'aachi'.

Éxodo 15:5

Ta'ñi da lauajñi, 'ec qaripi, ca' so qoỹoqochi'ñigui huaaxai pojlec nqai'en.

Éxodo 15:6

Qami' qara'gaxala', da qatoiqui' ỹaatqajam quesaxanaxaic, dá'maq ỹopoxoỹaxachigui so qanpa'guenaxaua.

Éxodo 20:2

—Ỹim ná'maq ỹim ra'gaxalari qota'olec naqaterec qamiri na'le quiyi Egipto na' qamiri na'aqa.

Jeremías 31:11

Ma' ñi qara'gaxala' naqata'a na lalamaxareteripi so Jacob, ỹoso'oga quiyí'maq qomyipi 'xoic da lquesaxanaxa.

Ezequiel 16:8

Ca lotqai liỹa shique'tot qami', ca' sa'ajñi'; ca mashic nalootañi pa'ii'. Ca' sepeguenlec qami' so ipo', ca' sapolec na roshicmaxa'e' neetauec na'le, ca' qami' ñapiitaxaua, 'ue na'le da qana'deenaxac caqami' quiyim qami' ỹalamaxarete. Ỹim na'gaxala', se'taxajñi da ỹa'qaatec.

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

Josué 2:9

—Ỹim sa'den quiyim ñi ra'gaxalari ỹaanema qamiri najo 'laua, ma' ñi'maxare ỹo'uet quiyim 'xoic da qarqolonaxa. Ma' ná'ogue ná'maq neeta'ñi najo ileuapeguem da lqolonaxa sauaxate' qamiri.

1 Pedro 2:9

Qam qamiri ỹaatqajam qamiri ni'ic lca'acsec ñi qota'a, chaqai qamiri letaxaỹaxanqajanqa nqai'en na qomyipi quiyim taxaỹa'pegue' ñi'maxare ma' qota'a, chaqai co'teete' nqai'ne' qamiri chaqai qamiri lalamaxarete'. Ca dajo 'ne'tegue caqamiri, qaiyi 'xachii' nauá'maq chalego loyaague' lo'ueenataxanaxaco ñi qota'a, ñí'maq roỹaxana'alo qamiri na' viitaugui so napalaxa quiyim noxoñiu'a dá'maq chalego loyac lauaq ñi'maxare.

2 Pedro 2:1

Qam queso llaalqaipi so Israel qai'neeta 'uo' quen na 'naac letaxaỹaxanqajnec ñi qota'a, qam na'majantac. Ca' chaqaida 'neeta nagui caqamiri 'ue ná'maq napaxaguinataxanaq 'maatqaic ỹalequetauguilo qamiri. Na'maxare ỹoxotesañi naua lapaxaguinataxanaxaco se no'viiñi, vire'ta quiyim noqollicte'e' so qara'gaxala' só'maq nca'laxatec na'maxare na'le. Ca na'maxare chi ỹo'uet quiyim sqaỹaloq qaỹo'uet ca nouaxanaxaset.

1 Samuel 2:9

Ñi'maxare cochiỹalo caua lqauaxaqui' cá'maq qamaxaraic quiñi'maxare, qam na hualoxonyipi ileuaugui nqai'en na napalaxa, ma' qaica quet cá'maq doxonaxan chicqochigui cá'maq chi lquesaxanaxa.

1 Samuel 25:37

Ca, na' nete'e nete'etam na' mashic ỹoxe'uegue so lquiñiuquichi so Nabal, ca' aso Abigail ỹaatqajam ỹa'xate'tem dá'maq 'neeto' na'le. Ca' so Nabal ileueta, ca chaqa'ma' se ra'ñiigue.