Éxodo 15:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ na nashillipi quiyi Edom tot qaica ma'le ca lacat, na nashillipi quiyi Moab i'loxol ma'le quena lqolonaxa, chaqai ná'ogue na Canaán laseripi qaica ma'le ca la'ñaxac lauel.

Éxodo 15:15 Iomraidhean Croise

Génesis 36:15

Ca' so nashillipi quesó'maq chigoxougui so Esaú, ca' chaqainaua nauajo so nashillipi quesaua llaalqa so Elifaz só'maq ỹi llaalec so Esaú, ca chaqaisaua saua Temán, Omar, Zefo, Cenaz,

Génesis 36:16

Coré, Gatam chaqai so Amalec. Ca' 'ena ná'maq nashillipi quena llaalqaipi so Elifaz ná'maq neetalec yi 'laua Edom. Ca ná'ogue na'maxare chigoxougui aso Ada.

Génesis 36:40

Ca' 'ena ná'maq leenaxat ná'ogue na nashillipi chicqaugui ná'maq llaalqaipi so Esaú quená'maq chi lauo' quiñi 'óna chaqai naua leenqate' naua la'aate' Timna, Alva, Jetet,

2 Samuel 17:10

Ca vire'to' ma' neualñi cá'maq paguec 'ñaaxaic 'neetari' ca sauaxaic leta'a quena nallichi'ipi, ỹaatqajam neualñi ma'le, ma' ná'ogue na Israel llaalqaipi ỹa'deenta quiyim so qataa'i' chaqai so nauegaxauaripi ỹaatqajam 'ñaaxaiquipi.

Deuteronomio 20:8

Ime, ca' na nashillipi, ca lotqai liỹa retaqaugui na nalliripi. Ca 'naacsa': No'm 'ue ca 'ue ca lqolonaxa caqamiri chaqai se ra'ñiigui na lauel, ca 'maxaraic quiyim queuo queca la'a'. 'Ase' no'm no'chi nqai'en na liỹaripi.

Josué 2:11

Ca' mashic chalego da qarqolonaxa na' sa'deenaq, ca vire'ta qaica ca ishit nalauajto qamiri. Ma' ñí'maq ra'gaxalari qota'olec caqamiri, ñi'maxare ỹoiquentac da pa'aashiguim quena piguim chaqai quena pa'aañi quena 'laua.

Josué 2:24

Ca 'neraco': —Ñi qara'gaxala' qota'olec ỹaanema qomi' quiyim qodoxonec yá'ogue yi 'laua, ma' yá'ogue yí'maq neetalec yijo 'laua ileuapeguem da lqolonaxa.

Josué 2:9

—Ỹim sa'den quiyim ñi ra'gaxalari ỹaanema qamiri najo 'laua, ma' ñi'maxare ỹo'uet quiyim 'xoic da qarqolonaxa. Ma' ná'ogue ná'maq neeta'ñi najo ileuapeguem da lqolonaxa sauaxate' qamiri.