Éxodo 15:13 - La'qaatqa ñi qota'olec Qota'olec & Qota'olec Novita Na Qomyipi

¹³ Shaxañi'sac queda re'xorenataxanaxa'e' najo qomyipi ralamaxarichi', ca nca'laxachirec; viise'e da rquesaxanaxa'e', ca viquisa'a ca co'teeta ra'aachi'.

Éxodo 15:13 Iomraidhean Croise

Génesis 19:16

Qam ma' so Lot 'xoic da laỹaloxo, ca' saua nelaatqa piguim lase' iconalo naua laua', ma' ñi qara'gaxala' i'xoren so'maxare. Qai'neeta qaicona'a aso loua chaqai saua llaale, ca' naqata'alo quiyi na'a', qaiyi nca'lerec.

2 Samuel 15:25

Qam so nashi 'naaco' queso Sadoc: —Pilaxachiro añi lahi' naua laqataxaco ñi qota'a, ma' no'm ñi qara'gaxala' yi'xoren, ca rapilaxato aỹim, ca lotqai liỹa seuana ma'le quena loma' añi lahite' naua naqataxaco.

Salmos 74:2

Ñaqai o'lliinchira'a na ralamaxarichi'ipi, ná'maq rca'acshiqui' na' ñaqai 'avichiguiñi, ná'maq nca'laxachirec na'le ma' vi'saque ralamaxarichi' qauochi'; chaqai o'lliinchira'a añí'maq quemaralec qa' ladocai Sión, ñí'maq ñi'sa'ñi.

Éxodo 15:16

Qami' qara'gaxala', ¡No'chi nqai'ñi'!, ca ¡'xoic da lqolonaxa! chaqai ¡quecá'maq hueeta'ñi, ca 'ec qa' queda lquesaxanaxa da rqai'laxachi', chi ỹovireta'a pacta na ralamaxarichi' qomyipi ná'maq rca'acshiqui'!

Éxodo 15:17

Qami' qara'gaxala', qare'xachi' quiyim senqalec yi Jerusalén, yí'maq co'teeta 'laua qoỹoqoshi'megue ralamaxachi', yí'maq rca'acshiqui' quiyim ñira'ñi, yí'maq qouagaxainqa' chaqaqami' 'yiriñi.

Éxodo 20:2

—Ỹim ná'maq ỹim ra'gaxalari qota'olec naqaterec qamiri na'le quiyi Egipto na' qamiri na'aqa.

Jeremías 2:6

Mesqaica ma' huapigui quet lauel quiyim idaanaque aỹim quiyim ñaqata'a na'le quiyi Egipto. Ca' sashaxantac quiyi 'laua qaica qom, yi 'laua rashivijlec chaqai 'xoic ana tema, yi 'laua qaica na huaxaỹaq chaqai 'xoic lichic, yi 'laua qaica ca nelec, yí'maq qaica ca ishit quelec.

Efesios 2:4

Qam ñi qota'a ỹaatqajam chalego lecaic da le'xorenataxanaxa ma' ỹaatqajam ỹauoteguelo qomi',

1 Pedro 1:5

Ma' qamiri 'ue da rpi'ỹaxaguii quiñi qota'a, ca ñi'maxare quepaqataxanlgoto qamiri queda lquesaxanaxa, qaiyi viriỹau'a da rca'laxahi ỹahotaque ỹachaxanema qamiri quecaua pa'aaterec na'xata'.