Éxodo 15:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Qami' qara'gaxala', ¡ỹaatqajam qaica ca liỹa nalo'guit aqami'! ¡Qaica ca co'teeta chaqai lodegaxat 'nejem qami'! ¡Ma' 'viichi' na ỹo'uet ca ne'laxa chaqai 'xoic lichic! ¡Ca' ta'chiguit quiyim qaimaqachin qami'!

Éxodo 15:11 Iomraidhean Croise

2 Samuel 7:22

Ca' qami' ỹa'gaxala', ¡chalego dá'maq lecaic qami'! Ma' qaica cá'maq 'nejem qami', qaica ca liỹa ỹoiquentac ná'ogue, qaqamite'. Ma' chaqaida dá'maq qomá'ogue sa'xaiqachigui na'le.

1 Reyes 8:23

Ca' netenegue da la'qaatec, 'naaco': —Ỹa'gaxala', qami' qota'olec quena Israel: vire'ta quena piguim chaqai quena 'laua qaica ca liỹa qota'olec 'nejem qami', quiyim ipacqajanchigui na na'maqataxac chaqai ỹachaxan da lqouagaxa quená'maq ỹomato'ot qami' añi le'taxanata quiyim ro'ueenataxanot qami'.

Salmos 22:23

Qamiri ma' maqachiñitac ñi qara'gaxala', ca ¡maqachiñii ma'le! ¡Qamiri llaalqaipi so Jacob, qamiá'ogue pacqajñiỹauec ñi'maxare! ¡Nqouagaxainot ma'le ná'ogue na llaalqaipi so Israel!

Salmos 90:11

¿Negue' ca ỹa'den da lquesaxanaxa da ronogoxonaxaqui'? ¿Negue' ca ỹa'den da lichic da qauelgaxanaxaqui'?

Éxodo 20:3

Sqaico' ca liỹa rashiilliguii, chaqaỹimeta.

Éxodo 8:10

—Ma' nete'e —'naaco' so Faraón. Ca 'naaco' so Moisés: —Ca' chaqaida 'neeta ma'le, qaiyi 'yiiñi' quiyim qaica 'nejem ñi qara'gaxala' qota'olec.

Éxodo 8:6

Ca' so Aarón quelec nqai'en sá'ogue so huaxaỹaq quiyi Egipto. Ca chicqañigui ana piyiloxoloxo, ca' no'xalec yá'ogue yi 'laua.

Éxodo 9:14

Ma' nagui sahotaque quiyim senaxalec qami' ná'ogue na ỹouaxanaxanqateripi, chaqai na rotaua'e'ipi, chaqai na qauochi' laseripi, qaiyi 'yiiñi' quiyim qaica ca 'nejem aỹim quená'ogue na 'laua.

Isaías 30:11

Noỹoochiuec quena nayic, ỹoxoiuec queda ỹalamqata qayicyaxaguii, 'neeto' 'aueta'guita qomi' nqai'ñii ñi qota'olec ñí'maq co'teeta quiyi Israel.”

Isaías 40:18

¿Nega'ỹo' cá'maq loqojnaxañiỹa quiñi qota'olec? ¿Nega'ỹo' ca 'ñii'tegue ca ro'ueenachiguii quiyim 'viichii ca lashiiquiaxaua ñi'maxare?

Isaías 40:25

Ca ñí'maq co'teeta qota'olec renataxan: “¿Negue' cá'maq loqojnaxañiỹa caỹim? ¿Nega'ỹo' cá'maq 'nejem aỹim?”

Isaías 6:3

Chaqai quena' retaxahi' 'neracsa': Co'teeta, co'teeta, co'teeta ñí'maq qara'gaxala' qaica ca lqalanec; ná'ogue na 'laua no'qajlec queda lauaq.

Levítico 19:2

—'Ñirapego' na Israel llaalqaipi dá'maq ỹa'qaatec 'neetasa': Ỹim na'gaxala', ỹim qota'olec caqamiri, sco'teeta, vichiguiño' qamiri ỹaatqajam no'uen quiyim nco'taxachita.

Lucas 12:5

Qam sa'xatema qamiri cá'maq ỹaatqajam ro'chiỹa: ro'chiỹa ma'le ñi qota'olec ñí'maq 'ue ca 'negue. Ma' ime quiyim naqata'a ca nachaalataxac ca qom, ime, ca lotqai ishit quiyim ilari'ña ca ncopatqo' na sauaqhuaiquipi. Ca' 'iñi ñi paguec quet ro'chiỹa.

Apocalipsis 13:4

Ca' qaimaqachin so isecỹac 'ec naanoc, ma' ỹaanem quiyim relaataxan so isecỹac lodegaxat. Chaqai qaimaqachin qai'neeta so isecỹac, qohinac: —¡Ỹaatqajam qaica nqai 'nejem ñijo isecỹac! chaqai ¿nega'ỹo' ca ishit relogui'e' ñi'maxare?

Apocalipsis 15:4

¿Negue' queto' cá'maq se no'cha'a qami', qami' qara'gaxala'? ¿Negue' queto' cá'maq se imaqachin aqami'? Ma' chaqaqamite' qami' co'teeta, chaqai anac ná'ogue na ỹoreta'oguit qomyipi, ca' imaqachin aqami'. Ma' qaiuanchigui quiyim sqaica ca se ỹa'maxañi quená'ogue ná'maq 'viichi'.

Apocalipsis 4:8

Ca' sauajo cuatro ise' nca'leesauec da'ta'a seis laua' quiñi 'óna. Chaqai no'qaachiguilo quenaua nqote' quena pa'aauec chaqai quena pa'aauo. Chaqai quiyi na'xa'a chaqai yi pe sqai ỹaxañiñi quiyim 'nerac: Qami' maq ỹaatqajam co'chiite', qami' qara'gaxala' qota'olec maq sqaica ca qalañirac, qami' ná'maq chaqai'en 'ue qami', chaqai 'ue qami' nagui, chaqai naata'quena ma'le.

1 Samuel 2:2

¡Qaica ca co'teeta 'nejem qami' ỹa'gaxala'! ¡Qaica ca quepaqataxanlec ca qom, 'nejem qami', qami' qota'olec coqomi'! ¡Qaica ca liỹa, chi qaqamite'!