Éxodo 15:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Qam npi'chirec so racachi', ca' aso huaaxai ỹaqan so'maxare; 'ec na quiguiñi na' iyinñi queso huaxaỹaq chalego lquesaxanaxa.

Éxodo 15:10 Iomraidhean Croise

Génesis 8:1

Co'na' ime, ca' ñi qota'olec ỹo'leenta'a so Noé chaqai sá'ogue so iseripi neetaugui aso lo'ueenata só'maq ỹaỹoxontegueri'o' na'le quena lauat so huaxaỹaq. Ca' ỹo'ueeto' so nonot pe'telec nqai'en na 'laua. Ca co'na'le, ca' nqo'neetañi so huaxaỹaq.

2 Samuel 18:8

Ca' so lauataxac huaguelec na'le yi 'laua, qam queco'na'le, ca paguec só'maq lalauatec so 'oochi quesó'maq chaqai qom lalauatec.

Éxodo 14:21

Ca' so Moisés ỹachaxanshiguim so lqai'laxat nalojlec nqai'en aso huaaxai, ca' ñi qara'gaxala' nela' so quesaxan nonot chicqa'gue da lqodoigue, naquetac quesá'ogue so pe. Ca' shicchigui nqai'en aso huaaxai, ca' chaqaido' da 'neeta na'le, ca' ñi qara'gaxala' ñigui nqai'en aso huaaxai 'laua rashivijlec.

Éxodo 15:5

Ta'ñi da lauajñi, 'ec qaripi, ca' so qoỹoqochi'ñigui huaaxai pojlec nqai'en.

Amós 4:13

Ñi qara'gaxala' ñí'maq ỹo'uet ana qa' ladocai chaqai na nonot, ñi'maxare ỹa'deenaxanaxaneguelo naua na'deenaxaco na qom, ñí'maq ñigui pe nqai'en yi na'xa'a, ñí'maq quelgoto nauá'maq paguec qoỹoqoshi'meguelo quena 'laua, ñi qara'gaxala', ñi'maxare qota'olec sqaica lqalanec, ca' chaqaida dá'maq dajo leenaxat.

Mateo 8:27

Ca quedá'maq le'laqa' saua ỹale', ca 'neraco': —¿Nega'ỹo' dá'maq dajo ỹale, ma' vire'ta na nonot chaqai ana huaaxai na'xaỹaxane'ta?