Éxodo 14:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' ñi qara'gaxala' ỹo'uet ra'ñiigui lauel nqai'en so Faraón. Ca' co'uajlec so Israel llaalqaipi, 'eno'm so'maxare ỹaatqajam chalego da lquesaxanaxa na' ca'e yi'maxare.

Éxodo 14:8 Iomraidhean Croise

Éxodo 10:27

Qam ñi qara'gaxala' ỹa'ñaxat añi le'taxanata so Faraón, ca se ỹasenec quiyim eec so qomyipi.

Éxodo 13:18

Vichiguiño' lepajlec nqai'en da llicyaxac queso nayic quiichigui yi 'laua qaica qom taachigui aso huaaxai leenaxat huaaxai toc. Ca' so Israel llaalqaipi na' ca'e yi Egipto chaqa'ma' naloqojonchiguiñi, 'ec na nouaataxanaq.

Éxodo 14:17

Ca' ỹim sa'ñaxat añi le'taxanata na Egipto laseripi quiyim quelgoto ỹocana'pe qamiri. Ca' re'oq nqaishin ma'le da iquesaxanaxa quena Faraón chaqai quená'ogue na nalliripi chaqai cana lahoglena chaqai quena shipiguiripi.

Éxodo 14:4

Ca' ỹim so'uet ma'le quiyim ñi Faraón ra'ñii añi le'taxanata, ca' co'uajlgoto qamiri ma'le. Ca' quiyi hua'ñi ma'le, ca sachaxanem ñi'maxare da iquesaxanaxa chaqai qai'neeta ná'ogue na nalliripi. Qaiyi ỹa'den ná'ogue na Egipto laseripi quiyim chaqaỹim ná'maq ỹim na'gaxala'. Ca' chaqaida 'ne'tegue so Israel llaalqaipi.

Éxodo 14:7

Ca' i'xat aso seiscientos caná'maq no'uen nahoglena chaqai ná'ogue ana liỹa nahoglena quiyi Egipto, cañi 'óna neetañigui ñi 'óna nouaataxanaq lashi.

Éxodo 15:9

Ca' so npa'guenaxaua 'neetapiguio' lauel: “Aỹim socanac so'maxare, vire'to' ma' soviralec, ca' semeenec ma'le ca ỹouootaxanaxat, ca ma'le, ca chi ỹovireta'a quiyim ỹaatqajam ya'maqachiguiñi. Ñavicshiguim ma'le na llicat, ca' na iqai'laxat nalauajñi ma'le sá'ogue.”

Éxodo 6:1

Ca' ñi qara'gaxala' 'naaco': —Nagui, ca' huañichigui ma'le dá'maq shine'tegue ñi Faraón, ma' ñi'maxare se nanoiquentac quiyim ỹaxandec qamiri quenajo 'laua. Chaqai sqa ỹodolec ca chi reto nquesaxanaxa, ca ñi'maxare chi ỹo'derauec qamiri ma'le. (6.2—7.13 Ñi qota'olec roỹaxanalo so Moisés chaqai so Aarón.)

Éxodo 9:12

Qam ñi qara'gaxala' ỹo'uet quiyim so Faraón ỹa'ñaxat añi le'taxanata, ca se na'xaỹaxanalo saua Moisés chaqai so Aarón. Ca' ipaquichigui dá'maq 'naaco' na'le ñi qara'gaxala' queso Moisés.

Hechos 13:17

Ñi qota'olec quena qomyipi Israel laseripi, ñi'maxare chi lca'acsec so 'auaxaic qareta'allipi chaqai ỹo'uet quiyim noquiiguec so qouo' laseripi co'na' ñaqai neeta'ñi yi ỹoqa'a 'laua Egipto. Ca co'na' ime, ca naqatec, ca'e nqai'en yi 'laua, ỹahote'e da lquesaxanaxa.

Deuteronomio 26:8

Ca' ñi'maxare ỹachaxan dá'maq chalego lecaic lquesaxanaxa, ca ỹo'uet da chalego nqolonaxa chaqai ỹo'uet ná'maq se qaiuanapega, ca na'le ñi'maxare naqata'alo qomi' quiyi Egipto.

Jueces 4:7

Ca' ỹim so'uet quiyim ñi Sísara, lashi na nalliripi so Jabín, quepegue' yi ñaachi Cisón, qaiyi nalauate'e' qami', neetañigui na lahoglenaipi chaqai na nalliripi. Ca' ỹim saanec ma'le quiyim qadoxonqui'.