Éxodo 14:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca' ỹim so'uet ma'le quiyim ñi Faraón ra'ñii añi le'taxanata, ca' co'uajlgoto qamiri ma'le. Ca' quiyi hua'ñi ma'le, ca sachaxanem ñi'maxare da iquesaxanaxa chaqai qai'neeta ná'ogue na nalliripi. Qaiyi ỹa'den ná'ogue na Egipto laseripi quiyim chaqaỹim ná'maq ỹim na'gaxala'. Ca' chaqaida 'ne'tegue so Israel llaalqaipi.

Éxodo 14:4 Iomraidhean Croise

Éxodo 10:2

chaqai qaiyi qami' 'qaataxañita ma'le ca qachaalaxai'pi chaqai ca qauachi'ipi dá'maq shinta'gue quiyim seualaxaintac na Egipto laseripi, chaqai ná'maq chalego lecaic ỹo'uet da ne'laxa iuanchigui nqaishin na'maxare, qaiyi ya'yiiñii qamiri ma'le quiyim aỹim ná'maq ỹim na'gaxala'.

Éxodo 10:27

Qam ñi qara'gaxala' ỹa'ñaxat añi le'taxanata so Faraón, ca se ỹasenec quiyim eec so qomyipi.

Éxodo 12:28

Ime, ca' sá'ogue eec, ca ỹo'uet dá'ogue dá'maq 'naaco' na'le ñi qara'gaxala' queso Moisés chaqai queso Aarón.

Éxodo 14:23

Ca sá'ogue so lahoglenaipi chaqai so shipiguiripi queso Faraón coỹarejlec liỹaataxasom, ca na' ỹoviriñigui na lavinñi aso huaaxai.

Éxodo 14:25

Ca' na'aa ana lasaxalona ana lahoglena, ca' sham tot ishit quiyim eec. Ca co'na'le, ca 'naaco' na Egipto laseripi: —Seetqapeguem na Israel llaalqaipi, ma' ñi la'gaxala' ro'ootaxanlec na'maxare, ca npa'xañiguita qomi' quiyim nco'ỹa'to.

Éxodo 14:3

Ca' quiyi, ca' ñi Faraón 'ñiichigui lauel ma'le: “So Israel llaalqaipi, ca tot ỹa'den ca taigue ỹo'meetac quiyi 'laua qaica qom.”

Éxodo 14:5

Ca' so lashi yi Egipto 'uo' so la'xaỹaxac quiyim so Israel llaalqaipi qoỹit. Co'na'le, ca' so nashi chaqai so lotauaripi ỹoỹoota'a da la'deenataxanaxac queso'maxare. Ca 'neraco': ¿Chi'neco' ma' saxanqatec so Israel llaalqaipi quiyim eec, ca' tot ro'ueenataxanoto qomi'?

Éxodo 14:8

Ca' ñi qara'gaxala' ỹo'uet ra'ñiigui lauel nqai'en so Faraón. Ca' co'uajlec so Israel llaalqaipi, 'eno'm so'maxare ỹaatqajam chalego da lquesaxanaxa na' ca'e yi'maxare.

Éxodo 7:17

Vichiguiño' ñi qara'gaxala' 'naac caqami': Nagui, ca' ya'yiiñi' ma'le quiyim aỹim na'gaxala'. Nagui ma' souaxanñigui na huaxaỹaq cana lachiugue cana ỹashilete llo'qoota'a, ca' najo huaxaỹaq ñigui leuoripi ma'le.

Éxodo 9:16

Qam ñca'laxachisauec, qaiyi huañita da iquesaxanaxa, ma' sahotaque qaỹa'den quená'ogue na 'laua.

Romanos 11:8

Ca ipaquichigui dá'maq 'nerac yaua naneresañi na'qaatqa: “Ñi qota'a ỹo'uet quena'maxare quiyim se ỹa'yiiñiguit; ca ỹo'uet quiyim se neuanñi chaqai sqai 'qaa. Ca' chaqaida 'neetari' vire'ta nagui.”

Romanos 9:17

Ma' quenaua naneresañi na'qaatqa, ñi qota'a 'naaco' na'le queso lashi yi Egipto: “Chi so'uet quiyim qami' nashi, ma' sahotaque quiyim sachigoxochichigui qami' quiyim re'oq nqaishin da iquesaxanaxa, qaiyi qaỹa'den da ỹeenaxat quená'ogue na 'laua.”

Romanos 9:18

Ca' 'eda da 'neeta quiyim ñi qota'olec nqouaguegue cá'maq nqouaguegue, chaqai qai'neeta ỹa'ñaxat aca le'taxanata cá'maq ỹahotaque ra'ñi nqai'en.

Jueces 4:7

Ca' ỹim so'uet quiyim ñi Sísara, lashi na nalliripi so Jabín, quepegue' yi ñaachi Cisón, qaiyi nalauate'e' qami', neetañigui na lahoglenaipi chaqai na nalliripi. Ca' ỹim saanec ma'le quiyim qadoxonqui'.