Éxodo 14:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Qam ñi qara'gaxala' 'naaco' na'le queso Moisés: —Nachaxañirishiguim na rqai'laxachi' naloqojñiterelec ana huaaxai, qaiyi pilta' na huaxaỹaq, ca' taalec ma'le na Egipto laseripi chaqai ana lahoglena chaqai na shipiguiripi.

Éxodo 14:26 Iomraidhean Croise

Éxodo 1:22

Qam so Faraón 'naaco' quesó'maq chi lauo' laseripi: —No'm 'ue ca ne'qaañi noctoqui' quena hebreo lasellipi, ca qainaxe'ogo' ma'le aso lachiugue. Qam ana nocto'lli' ne'qaañi, ca' qanca'laxatetauec.

Éxodo 14:16

Ca' chaxañirishiguim ana rashillichi'i', nalojlec nqai'ñi' da rqai'laxachi' ana huaaxai. Ca' shicchigui nqai'ñi' na huaxaỹaq cana huaaxai, qaiyi na Israel llaalqaipi pacta, 'ec rashivichigui.

Éxodo 15:1

Co'na'le, ca' so Moisés chaqai so Israel llaalqaipi ỹo'ueeno' da lo'ueenec, imaqachin ñi qara'gaxala': So'ueenaxano', semaqachintac ñi qara'gaxala', ma' 'ue da ne'laxa na' rauegaxan na' iyinñi nqai'en caso huaaxai so shipiguiripi qoyintalec.

Éxodo 15:4

Ñi qara'gaxala' iyinñi nqai'en caso huaaxai so nahoglenaipi chaqai so nalliripi so Faraón; ¡chaqai só'maq no'uen nalliripi homac nqai'en caso huaaxai leenaxat huaaxai toc!

Éxodo 7:19

Chaqai qai'neeta 'naac ñi qara'gaxala' queso Moisés: —'Ñirapega ñi Aarón quiyim ỹacona yi lashilete, ỹeguec da lqai'laxat, quelec nqai'en ana lachiuguellipi, chaqai na ñaachipi, chaqai naua qai'mi', chaqai ana laquip lahi' na Egipto laseripi, chaqai ná'ogue ana huaxaỹaq lahi'. ¡'Ue ma'le na leuoripi, vire'ta ana na'maqataxanaxaqui quena huaxaỹaq, qo'paq chaqai ana qa'!

Éxodo 8:5

Ca' ñi qara'gaxala' 'naaco' queso Moisés: —'Ñirapega ca Aarón quiyim ỹachaxanshiguim aca lashilete, quelec nqai'en na lachiuguellipi, ñaachipi, chaqai qai'imipi, qaiyi chicqochiguiñigui ma'le ana piyiloxoloxo, nenoxonshiguim, ca' taalec ná'ogue na 'laua Egipto.

Mateo 7:2

Ma' ñi qota'olec imite' qamiri, qam naloqojñi'chiguit cá'maq 'ñii'tegue ca rimiitaxanaxaguii queca riỹahi, ca cá'maq 'ñii'tegue quiyim naloqochiñii ca ỹopilaqtejelgoto qamiri.

Mateo 8:27

Ca quedá'maq le'laqa' saua ỹale', ca 'neraco': —¿Nega'ỹo' dá'maq dajo ỹale, ma' vire'ta na nonot chaqai ana huaaxai na'xaỹaxane'ta?

Santiago 2:13

Ma' cá'maq se i'xoren ca liỹa, ca' chaqaida qohine'tegue. Ma' qaimit, ca' se qai'xoren. Qam cá'maq 'ue ca le'xorenataxanaxa, ca' qaica ca qohinegue, ma' ỹovita ca na'xa'a quiyim qaimit.

Apocalipsis 16:6

Ma' saua'maxare ỹocoraqta'pe saua leuo' sauá'maq lapoosapegueu'a qami' chaqai ná'maq ỹa'xatetac da ra'qaachiqui'. Ca' nagui, ca ne'taxañirigui na neuoripi; ma' chaqaida dá'maq ta'chiguit quiyim qohine'tegue.