Éxodo 14:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ca' na'aa ana lasaxalona ana lahoglena, ca' sham tot ishit quiyim eec. Ca co'na'le, ca 'naaco' na Egipto laseripi: —Seetqapeguem na Israel llaalqaipi, ma' ñi la'gaxala' ro'ootaxanlec na'maxare, ca npa'xañiguita qomi' quiyim nco'ỹa'to.

Éxodo 14:25 Iomraidhean Croise

Nehemías 4:14

Ca na' ỹim yitan quiyim so qomyipi no'chi, ca' ỹim ñachajñi, ca' shinac quená'maq nemaqajnatqaipi, chaqai na nashillipi, chaqai ná'ogue na qomyipi: Totaxan ro'chii, o'lliinchiỹa'a ñi qara'gaxala' ỹaatqajam lodegaxat chaqai chaqaic. Ca' qamiri ỹaatqajam loquilgoto naua qauori lase' chaqai ca qachaalliguii ỹale chaqai aca 'aalo, ca rouahi chaqai naua ra'aachiri.

Nehemías 6:16

Ca ná'maq pa'guenta'pe qomi' na' 'ue da la'xaỹaxac quedajo, ca naua'que naua 'lauari sqoỹoqapigui ỹaatqajam 'xoic da lqolonaxa na qomyipi, ca' 'xoic na layiloxo ma' retan quiyim dajo no'ueenataxanaxac qaỹomat, ma' ñi qota'olec 'ue da lotaanaxanaxac. (6.17—7.73 So Nehemías nca'au'a so na'gaxala'. Aso lomalate só'maq rapil quiyi ỹoqa'a 'laua.)

Salmos 46:9

ñi'maxare ime nqai'en na lauataxac quenaua'que naua lahil na 'laua; ỹaqaguit na no'xoshic, ỹaqaguitetajlec ana niquillipi, ¡copata'a ana nahoglena lauataxaqui!

Éxodo 14:14

Qaica huapigui qavillii, ma' ñi qara'gaxala' reloquilgoto nagui qamiri.

Éxodo 14:18

Ca ma' sachaxanem da iquesaxanaxa na Faraón chaqai quena lahoglenaipi chaqai quena shipiguiripi, ca' na Egipto laseripi ỹa'den ma'le quiyim aỹim na'gaxala'.

Éxodo 14:4

Ca' ỹim so'uet ma'le quiyim ñi Faraón ra'ñii añi le'taxanata, ca' co'uajlgoto qamiri ma'le. Ca' quiyi hua'ñi ma'le, ca sachaxanem ñi'maxare da iquesaxanaxa chaqai qai'neeta ná'ogue na nalliripi. Qaiyi ỹa'den ná'ogue na Egipto laseripi quiyim chaqaỹim ná'maq ỹim na'gaxala'. Ca' chaqaida 'ne'tegue so Israel llaalqaipi.

Éxodo 15:3

Ñi qara'gaxala' ỹaatqajam nalauataxai. Ñi'maxare ¡chaqaida da leenaxat qara'gaxala'!

Amós 1:14

Ca vichiguiño' scopata'a yi lquepaqataxanaxat yi na'a' Rabá, ca' sojo norec nopoxoỹaxajñi ma'le na lauootoripi yi nashillipi, ỹalequeta'piguit na naualaxaquipi queso lauataq chaqai quena' nouaxanaxanshiguim na nonot lodegaxat.

Amós 9:1

Ca seuane'ta ñi qara'gaxala' nachaatetañi, huaqate'e' ada ncopatoxonaxalate. Ca 'neetapiguiỹa': Huaxañitot da huashi'mquera ana nojnaxa ỹa'yiguit na lelaq na no'ueenaxanaxaqui, vire'ta ma' i'loxol nqai'ñi' da hua'nquira; ¡najñi nqai'ñi' na lelaq lahillipi, taalec nqai'ñi' na qomyipi! Ca ná'maq nca'leuec qohit, ca' salauat, sodoota'a na lecat: ca 'eno'm ỹahotaque 'eet, qam qaica ca 'oonolec nca'leuec nqaishin.

Josué 10:14

Ca' dajo ỹaatqajam se qaiuanapega quedá'maq chicqota'gue chaqai dá'maq taỹa'gue ỹaatqajam qaica ca 'nejem sojo na'xa'a quiyim ñi qara'gaxala' na'xaỹaxana so ỹale, ma' ñi'maxare ro'ootaxanteguelec so Israel llaalqaipi.

Jueces 4:15

Ca' ñi qara'gaxala' ỹo'uet quiyim 'xoic da lqolonaxa so neetañigui na nahoglenaipi, chaqai sá'ogue so nalliripi so Sísara co'na' sham ỹovichiguit so lecat so Barac. Chaqai vire'to' so Sísara no'chi, ca' renotauec caso lahoglena, ca' 'eet, co'ueetañi.