Éxodo 14:23 - La'qaatqa ñi qota'olec Qota'olec & Qota'olec Novita Na Qomyipi

²³ Ca sá'ogue so lahoglenaipi chaqai so shipiguiripi queso Faraón coỹarejlec liỹaataxasom, ca na' ỹoviriñigui na lavinñi aso huaaxai.

Éxodo 14:23 Iomraidhean Croise

1 Reyes 22:20

Ca' ñi qara'gaxala' renataxano', 'naaco', nega'ỹo' ca quepegue' ñi Acab quiyim 'naapega quiyim queu'a nalauate'e' yi Ramot huaugui yi 'laua Galaad, qaiyi chaqaiyi hua'ñi ma'le. Ca 'uo' quen na 'ue da ỹa'xat chaqai na liỹa lotqai ỹa'xat da liỹa.

Éxodo 14:17

Ca' ỹim sa'ñaxat añi le'taxanata na Egipto laseripi quiyim quelgoto ỹocana'pe qamiri. Ca' re'oq nqaishin ma'le da iquesaxanaxa quena Faraón chaqai quená'ogue na nalliripi chaqai cana lahoglena chaqai quena shipiguiripi.

Éxodo 14:4

Ca' ỹim so'uet ma'le quiyim ñi Faraón ra'ñii añi le'taxanata, ca' co'uajlgoto qamiri ma'le. Ca' quiyi hua'ñi ma'le, ca sachaxanem ñi'maxare da iquesaxanaxa chaqai qai'neeta ná'ogue na nalliripi. Qaiyi ỹa'den ná'ogue na Egipto laseripi quiyim chaqaỹim ná'maq ỹim na'gaxala'. Ca' chaqaida 'ne'tegue so Israel llaalqaipi.

Éxodo 15:19

Ca na' inoxonñi caso huaaxai so lahoglenaipi chaqai so shipiguiripi queso Faraón, ca' ñi qara'gaxala' ỹo'uet quiyim pilta' so huaxaỹaq caso huaaxai, ca ỹapolec sá'ogue. Qam so Israel llaalqaipi paca'ta aso huaaxai 'ec 'laua rashivijlec.

Éxodo 15:9

Ca' so npa'guenaxaua 'neetapiguio' lauel: “Aỹim socanac so'maxare, vire'to' ma' soviralec, ca' semeenec ma'le ca ỹouootaxanaxat, ca ma'le, ca chi ỹovireta'a quiyim ỹaatqajam ya'maqachiguiñi. Ñavicshiguim ma'le na llicat, ca' na iqai'laxat nalauajñi ma'le sá'ogue.”

Eclesiastés 9:3

Dajo dá'maq se no'uen quená'ogue ná'maq 'ue quena 'laua: ná'ogue qaidaata dá'maq taỹa'gue. Chaqai da liỹa quiyim da la'deenataxanaxac na qom no'qaachigui quena se no'uen; queeta'pegue' dá'maq quiyim qaica ca ỹa'den quedá'ogue da nachaalataxac; ca quena' ncopa, ca' ¡ỹovita yi napalyipi!