Éxodo 14:22 - La'qaatqa ñi qota'olec Qota'olec & Qota'olec Novita Na Qomyipi

²² Ca na' pacta so Israel llaalqaipi 'ec 'laua rashivijlec. Ca 'ec nquepaqataxanaxat so huaxaỹaq quenaua lahil da nemaq chaqai queda loic.

Éxodo 14:22 Iomraidhean Croise

2 Reyes 2:14

Ca co'na'le, ca so'maxare ỹouaxanñigui so huaxaỹaq queso nepo'. Ca' netenegue da la'qaatec, 'naaco': —¿Hueeta'gue ca qara'gaxala', cá'maq qota'olec queso Elías? Ca na' chi ỹouaxanñigui so huaxaỹaq queso nepo', ca' shicchigui so huaxaỹaq. Ca' so Eliseo liỹa paca'ta aso lachiugue.

2 Reyes 2:8

Ca co'na'le, ca' so Elías icona so lapo', inanta', ca' ỹouaxanñigui so huaxaỹaq. Ca' so huaxaỹaq shicchigui. Ca saua'maxare paquera'ta aso lachiugue, rashivichigui.

Salmos 74:15

Ca' qami' 'viichi' ana huaxaỹaq lahi' chaqai ana lachiuguellipi, chaqai 'im nqai'ñi' na lachiuguellipi se ỹauanapega 'im.

Éxodo 14:29

Qam so Israel llaalqaipi paca'ta aso huaaxai 'ec 'laua rashivijlec. Quenaua lahil, ca 'ec lquepaqataxanqate' so huaxaỹaq queda loic chaqai queda nemaq.

Éxodo 15:19

Ca na' inoxonñi caso huaaxai so lahoglenaipi chaqai so shipiguiripi queso Faraón, ca' ñi qara'gaxala' ỹo'uet quiyim pilta' so huaxaỹaq caso huaaxai, ca ỹapolec sá'ogue. Qam so Israel llaalqaipi paca'ta aso huaaxai 'ec 'laua rashivijlec.

Éxodo 15:8

Queda lquesaxanaxa so racachi', ca' so huaxaỹaq lapoỹata'; ca' na lo'paxa nachajñi, 'ec na nquepaqataxanaxat; ¡ca' se reda na lavinñi aso huaaxai qoỹoqochi'ñigui!

Isaías 43:16

Ñi qara'gaxala' ỹauachi'ña so nayic pa'aañi caso huaaxai, ỹa'ue so ñicta queso huaxaỹaq quesaxan na lo'paxa;

Zacarías 2:5

Qam ñi qara'gaxala' i'taxajñi da la'qaatec: Ỹim shintari' ma'le ca nquepaqataxanaxat 'ec norec nahiquinchiguiñi yi na'a' lodegaxat Jerusalén, ca' quiyi lavinñi, ca' sachaxan da ỹauaq.

1 Corintios 10:1

Ma' ỹim, qamiri ỹaqaỹarolqa, sahotaque ỹaatqajam 'yiiñita quiyim so 'auaxaic qareta'allipi sá'ogue ỹaatqajam hueeto'ot so naueguelec só'maq ỹashaxantac, chaqai sá'ogue paca'ta aso huaaxai, leenaxat Huaaxai Toc.

Hebreos 11:29

Chaqai queda lpi'ỹaxac so llaalqaipi so Israel, ca' ishit pacta aso huaaxai, leenaxat Huaaxai Toc, 'ec nqai'en ca rashivijlec 'laua. Chaqai co'na' so Egipto laseripi sham pacta qai'neeta, ca' sá'ogue homac.

Josué 3:17

Sá'ogue so qomyipi pacta aso lachiugue leenaxat Jordán, qam so que'ejta'gue llima. Ca só'maq netaxaỹaxanqajanqaipi só'maq i'xateta aso lahite' saua laqataxaco ñi qara'gaxala' ỹaatqajam nachaachichiriñi quena lavinñi so Jordán quiyi 'laua ra'ñijlec. (4.1—5.15 Qaiconalo saua doce qari quiyi Jordán. Ime, ca' nco'matec quiyi Gilgal.)

1 Samuel 25:16

Ta'ta'a quiyi na'xa'a chaqai yi pe reloqota'alo qomi' chaqai ana qareloxoiqatecse qagreta.