Éxodo 14:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca' so Moisés ỹachaxanshiguim so lqai'laxat nalojlec nqai'en aso huaaxai, ca' ñi qara'gaxala' nela' so quesaxan nonot chicqa'gue da lqodoigue, naquetac quesá'ogue so pe. Ca' shicchigui nqai'en aso huaaxai, ca' chaqaido' da 'neeta na'le, ca' ñi qara'gaxala' ñigui nqai'en aso huaaxai 'laua rashivijlec.

Éxodo 14:21 Iomraidhean Croise

Génesis 8:1

Co'na' ime, ca' ñi qota'olec ỹo'leenta'a so Noé chaqai sá'ogue so iseripi neetaugui aso lo'ueenata só'maq ỹaỹoxontegueri'o' na'le quena lauat so huaxaỹaq. Ca' ỹo'ueeto' so nonot pe'telec nqai'en na 'laua. Ca co'na'le, ca' nqo'neetañi so huaxaỹaq.

2 Reyes 2:8

Ca co'na'le, ca' so Elías icona so lapo', inanta', ca' ỹouaxanñigui so huaxaỹaq. Ca' so huaxaỹaq shicchigui. Ca saua'maxare paquera'ta aso lachiugue, rashivichigui.

Job 38:24

¿Nega'ỹo' cá'maq ỹaatqajam llicyaxac na richiguiñi quena' neuagaxajlecna? ¿Negue' cá'maq 'neeto' quen na nonot lqodoiguesec quena' neuagaxajlec na 'laua?

Salmos 148:8

¡Na nqai'legaxa chaqai ana qalachi, loñi nacañi chaqai na neue'! ¡Na nonot quesaxanaxaic ná'maq ipacqajanchigui da nelaataxac!

Salmos 74:13

qami' shicchigui nqai'ñi' aso huaaxai queda rquesaxanaxa'e', poxoỹaxachirigui na lqahic so isecỹac lodegaxat huaxaỹaqsec,

Éxodo 14:16

Ca' chaxañirishiguim ana rashillichi'i', nalojlec nqai'ñi' da rqai'laxachi' ana huaaxai. Ca' shicchigui nqai'ñi' na huaxaỹaq cana huaaxai, qaiyi na Israel llaalqaipi pacta, 'ec rashivichigui.

Éxodo 14:20

Ca' so lapo naueguelec, ca hueetañigui na lavinñi queso nalliripi nouaataxanaq so Egipto laseripi chaqai queso Israel llaalqaipi. Ca' queso Egipto laseripi, ca napalligui so naueguelec, qam queso Israel llaalqaipi, ca' coỹaretalec. Ca vichiguiño' so Egipto laseripi se ỹovi' so Israel llaalqaipi quesá'ogue so pe.

Éxodo 15:8

Queda lquesaxanaxa so racachi', ca' so huaxaỹaq lapoỹata'; ca' na lo'paxa nachajñi, 'ec na nquepaqataxanaxat; ¡ca' se reda na lavinñi aso huaaxai qoỹoqochi'ñigui!

Éxodo 7:19

Chaqai qai'neeta 'naac ñi qara'gaxala' queso Moisés: —'Ñirapega ñi Aarón quiyim ỹacona yi lashilete, ỹeguec da lqai'laxat, quelec nqai'en ana lachiuguellipi, chaqai na ñaachipi, chaqai naua qai'mi', chaqai ana laquip lahi' na Egipto laseripi, chaqai ná'ogue ana huaxaỹaq lahi'. ¡'Ue ma'le na leuoripi, vire'ta ana na'maqataxanaxaqui quena huaxaỹaq, qo'paq chaqai ana qa'!

Isaías 43:16

Ñi qara'gaxala' ỹauachi'ña so nayic pa'aañi caso huaaxai, ỹa'ue so ñicta queso huaxaỹaq quesaxan na lo'paxa;

Isaías 44:27

Ỹim seshit shinapega aso huaaxai quiyim rashivigui chaqai quiyim na lachiuguellipi co'chigui qaica ca huaxaỹaq.

Hechos 7:36

Ca' chaqaiso so Moisés so naqatec so 'auaxaic qareta'allipi na' neeta'ñi yi Egipto, chaqai chaqaiso so ỹo'uet ná'maq se qaiuanapega chaqai na netanqaipi co'na' neeta'ñi yi Egipto, chaqai co'na' ỹovita aso huaaxai, leenaxat Huaaxai Toc, chaqai co'na' ỹovita yi 'laua qaica qom chaqai quesaua'que saua cuarenta ñaxari.

Josué 2:10

Ma' sa'deenaq na' qamiri noxoñiuec quiyi 'laua Egipto, ca' ñi qota'olec shicchigui nqai'en so huaxaỹaq caso huaaxai leenaxat toc, qaiyi qamiri shichii paguiỹa'ta. Chaqai qai'neeta sa'deenaq nomachiichiguiñi yi Sehón chaqai Og saua dos lashil na amorreo laseripi quená'maq pa'aata'gue da lahi aso lachiugue Jordán.

Josué 3:17

Sá'ogue so qomyipi pacta aso lachiugue leenaxat Jordán, qam so que'ejta'gue llima. Ca só'maq netaxaỹaxanqajanqaipi só'maq i'xateta aso lahite' saua laqataxaco ñi qara'gaxala' ỹaatqajam nachaachichiriñi quena lavinñi so Jordán quiyi 'laua ra'ñijlec. (4.1—5.15 Qaiconalo saua doce qari quiyi Jordán. Ime, ca' nco'matec quiyi Gilgal.)