Éxodo 14:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Qaica huapigui qavillii, ma' ñi qara'gaxala' reloquilgoto nagui qamiri.

Éxodo 14:14 Iomraidhean Croise

Nehemías 4:14

Ca na' ỹim yitan quiyim so qomyipi no'chi, ca' ỹim ñachajñi, ca' shinac quená'maq nemaqajnatqaipi, chaqai na nashillipi, chaqai ná'ogue na qomyipi: Totaxan ro'chii, o'lliinchiỹa'a ñi qara'gaxala' ỹaatqajam lodegaxat chaqai chaqaic. Ca' qamiri ỹaatqajam loquilgoto naua qauori lase' chaqai ca qachaalliguii ỹale chaqai aca 'aalo, ca rouahi chaqai naua ra'aachiri.

Nehemías 4:20

Ca ma' 'xaiỹaque aca npe'te, ca nqo'ñiỹalo qomi', ca' ñi qota'olec qarotauan ma'le ma' ñalauataq.

Salmos 50:3

Ñi qota'olec anac, qam se i'maqata: 'aueta nqai'en so norec navicqataxanaq; chaqai quenaua lahil, ca 'ue na nonot lodegaxat.

Éxodo 14:15

Ca' ñi qara'gaxala' 'naaco' queso Moisés: —¿Chi'neco' quiyim yashiilahitac quiyim sotauañii? ¡'Ñirapega na Israel llaalqaipi quiyim eec, ipaca quedá'maq taỹa'gue!

Éxodo 14:25

Ca' na'aa ana lasaxalona ana lahoglena, ca' sham tot ishit quiyim eec. Ca co'na'le, ca 'naaco' na Egipto laseripi: —Seetqapeguem na Israel llaalqaipi, ma' ñi la'gaxala' ro'ootaxanlec na'maxare, ca npa'xañiguita qomi' quiyim nco'ỹa'to.

Éxodo 15:3

Ñi qara'gaxala' ỹaatqajam nalauataxai. Ñi'maxare ¡chaqaida da leenaxat qara'gaxala'!

Isaías 30:15

Ñi qara'gaxala' qota'olec ñí'maq co'teeta quiyi Israel 'naac: “Rapilliu'a ỹim, re'maxaitam, qaiyi rca'lliiuec. Ca ma' re'maxaitam chaqai da rpi'ỹaxaguii, ca' hueetagui ma'le ca rquesaxanaxahi.” Qam se na'xaỹaxañii,

Deuteronomio 20:4

Ma' ñi qara'gaxala' qota'olec neetauguilo qamiri. Ca ñi'maxare pa'a'guit quiyim reloguie'e' ca npa'guenaxauahi, ca ñi'maxare ỹo'uet quiyim qadoxoñiguii ma'le.

Josué 10:10

Ca' ñi qara'gaxala' ỹo'uet quiyim qano'daxatetec so Israel llaalqaipi. Ca' so Josué 'xoico' so ỹalauat quiyi Gabaón. Ime, ca' ỹocaneta queso nayic quiyi Bet-horón, ca' queeta da lalauataxanaxac quena amorreoipi, chi ỹovireta'a yi Azeca chaqai yi Maceda.

Josué 10:14

Ca' dajo ỹaatqajam se qaiuanapega quedá'maq chicqota'gue chaqai dá'maq taỹa'gue ỹaatqajam qaica ca 'nejem sojo na'xa'a quiyim ñi qara'gaxala' na'xaỹaxana so ỹale, ma' ñi'maxare ro'ootaxanteguelec so Israel llaalqaipi.

1 Samuel 4:7

ca' 'ue da lqolonaxa. Ca 'naaco': —¡Ñi qota'olec novire'oga yi co'matqa'! ¡'Xoraiqolqa qomi'! ¡'Xoraiqolqa qomi', ma' vire'ta nagui se ỹauanapega 'neeta dajo!