Éxodo 14:13 - La'qaatqa ñi qota'olec Qota'olec & Qota'olec Novita Na Qomyipi

¹³ Qam so Moisés 'naaco' queso qomyipi: —Sqaica ro'chiỹaque queda 'ñiitari'. Chaqaida 'ñiitari', ca' 'ajñii cá'maq lo'ueenataxanaxac ñi qara'gaxala' quiyim nca'laxaterec qamiri, ma' tot qaica ma' liỹa quet huañiỹa ná'maq daañita'guit nagui Egipto laseripi.

Éxodo 14:13 Iomraidhean Croise

Génesis 15:1

Ca co'na' ime dajo, ca' ñi qara'gaxala' retaxaỹa'pegue' so Abram, viichigui nqai'en so leuanaxanaxac. Ca 'naaco': —Qaica ro'chi'raque, Abram, ma' ỹim squepaqataxanteguelec qami'. Ỹaatqajam 'xoic lecaic ma'le aca nishivichi'i'.

Génesis 26:24

Ca' queso pe, ca qanachaxana so'maxare quiñi qara'gaxala'. Ca 'naaco': Ỹim ná'maq ỹim qota'olec queso qataa'i' Abraham. Qaica ro'chiraque; ma' qami' iỹaatac. Ma' chicqochigui nqaishin so ilaatec Abraham, ca 'xoic da iqouagaxa ma'le caqami', chaqai 'xoic nqaishin ca qachaalaxai'pi.

Génesis 46:3

Co'na'le, ca ñi qota'olec 'naaco' queso'maxare: —Ỹim qota'olec, nqota'olec so qataa'i', qaica ca ro'chi'saque quiyim 'itegue da Egipto. Ma' chaqaiyi hua'ñi ma'le quiyim ñoquiigaxatec na qachaalaxai'pi, ỹaatqajam 'xoic nqaishin.

Génesis 49:18

Qami' ỹa'gaxala', ñauaanta'a quiyim yca'laxachirec.

2 Reyes 6:16

Ca' so Eliseo 'naaco': —Qaica ro'chi'raque, ma' paguec 'xoic ná'maq reloqota'alo qomi' quená'maq qomyipi.

Salmos 91:8

Ta'ta'a quiyim chaqai huañita: 'ajñisac ma'le na hualoxonyipi ma' icoñiguit ca nouaxanaxaset.

Éxodo 14:30

Ca quesojo na'xa'a, ca ñi qara'gaxala' nca'laxatec so Israel llaalqaipi queso Egipto laseripi. Ca' so Israel llaalqaipi ỹaatqajam iuanchigui na leuaxaiquipi hueeto'ot na lahi aso huaaxai queso Egipto laseripi.

Éxodo 20:20

Ca' so Moisés 'naaco': —Totaxan ro'chii. Ma' ñi qota'olec novi', qam ri'guiñi, qaiyi se neme quiyim ro'chiỹa ñi'maxare, qaiyi sqai 'viichii ca rasauaxashichii.

Isaías 30:15

Ñi qara'gaxala' qota'olec ñí'maq co'teeta quiyi Israel 'naac: “Rapilliu'a ỹim, re'maxaitam, qaiyi rca'lliiuec. Ca ma' re'maxaitam chaqai da rpi'ỹaxaguii, ca' hueetagui ma'le ca rquesaxanaxahi.” Qam se na'xaỹaxañii,

Isaías 35:4

'ñiỹapega na se ra'ñiigui lauel: “¡Na'ñaxachii, totaxan ro'chii! ¡Najo hueete'e ñi qota'olec caqamiri, ñi'maxare rca'laxachiuec ma'le, ỹomachichigui ma'le ca nouaxanaxac na npa'guenaxauahiripi!”

Isaías 43:11

Qaỹimeta, ỹim na'gaxala'; qaica ca liỹa ỹoqa'oga caỹim ishit ca'laqataxan.

Isaías 7:4

Ca 'ñiraco' ma'le: Rovichisari'o', qam totaxan ro'daxachirec; se ro'chi'i' chaqai sqai 'miaxachira'alo saua 'ec dos norec lasoqo nichiisashiguim, Rezín chaqai so lauo' sirioipi, chaqai ñi llaalec so Remalías, 'ec ỹaviquetauguilo queda lauele'.

Oseas 1:7

Qam yqouaguegue yi Judá: chaqaỹim ná'maq na'gaxala', ỹim nqota'olec yi'maxare, ñca'laxatec. Qam se ñca'laxatec queca lauataq, ta'ta'a quiyim sqaica nqaishin ca novic, ca lecat, ca shipgaq, chaqai ca qom neetashiguim.

Números 14:9

Qam 'neeto' sqai viilec ñi qota'olec chaqai se ro'chiỹa yí'maq qomyipi neetalec yi'maxare. Ma' yi'maxare sqaica sauaqaque ma'le, ma' yi'maxare qaica cá'maq ro'ootaxanlec. Qam quená'maq qomi' 'ue ñí'maq qara'gaxala'. ¡Sqaica ro'chiỹaque!

Mateo 28:5

Co'na'le, ca' so nelaatec piguim le'ec 'naaco' quesaua 'aalo: —Totaxan ro'chii, ma' ỹim sa'den quiyim daañitaque ca Jesús cá'maq qaipateno na'le.

Deuteronomio 20:3

Ca 'naac ma'le: Ñaq na'xaỹaxañii qamiri Israel llaalqaipi. Nagui, ca' nalauachii'e' na npa'guenaxauahi. 'Neeto' rolaavitegueñi, chaqai se ro'chiitac, se re'loxollii chaqai se ro'daxachiuec.

1 Samuel 11:13

Qam so Saúl 'naaco': —Qaica ca qaỹalauat quenajo na'xa'a, ma' ñi qara'gaxala' mashic nca'laxatec na Israel llaalqaipi.