Éxodo 13:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca' ñi qara'gaxala' liỹaatac so qomyipi quiyi na'xa'a, qam hueetaugui so naueguelec 'aueta'gue dá'maq taata'gue, chaqai quiyi pe, ca' hueetaugui so 'ec norec lauaq, ca' coỹaretalec so'maxare. Ca' vichiguiño' so qomyipi ishit queetagui yi na'xa'a chaqai yi pe.

Éxodo 13:21 Iomraidhean Croise

Éxodo 10:10

Qam so Faraón 'naaco' queso Moisés: —¿Ca 'ñiitapego' quiyim ca ra'gaxalari liỹareta'pe qamiri ma'le, chaqai quiyim saseneterec qamiri chaqai naua qachaalaxahi quiyim oquii? ¡Ma' chaqa'ma' re'qoota quiyim se no'uen da ra'deenataxanaxaguii!

Éxodo 16:10

Ca na' ñaq retaqatapougui so Aarón so Israel llaalqaipi, ca sá'ogue ra'ỹa'a yi 'laua qaica qom, ca re'oq so lauaq ñi qara'gaxala' hueetaugui so naueguelec.

Éxodo 32:1

Ca' so Israel llaalqaipi co'na' retan quiyim qaua' rapilñi so Moisés caso hueetalec qa' ladocai, ca lapoỹo'ot so Aarón, ca 'naaco': —'Viichi' ca qarashiilec, ca' chaqaica cá'maq qolaxalec ma'le. Ma' qomi' se sa'deenaq cá'maq 'neeto' ca Moisés cá'maq naqata'alo qomi' quiyi Egipto.

Números 10:34

Quesá'ogue so na'xa'a co'quena' ne'laxashiguim so qomyipi quiyim eec, ca' so naueguelec só'maq hueetaugui ñi qara'gaxala' lotqai hueetalec so qomyipi.

Deuteronomio 31:8

Ca ñí'maq qara'gaxala' chaqaiñi ñí'maq 'auetauec ma'le caqami' chaqai riỹa'isac, se ralachi' chaqai se loỹoote'oga qami'. Ca' vichiguiño' totaxan ro'chi'i' chaqai se ileuetapigui qavilli'. (31.9—33.29 Qaretaqalec so nelaataxanaxaquipi. Dauá'maq co'uaataxante' lapaxaguinataxanaxac so Moisés. So Moisés iuana yi 'laua qaỹachaxantac. So Moisés no'ueenaxat da la'qaatec queso llaalqaipi so Israel.)