Éxodo 13:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Vichiguiño' lepajlec nqai'en da llicyaxac queso nayic quiichigui yi 'laua qaica qom taachigui aso huaaxai leenaxat huaaxai toc. Ca' so Israel llaalqaipi na' ca'e yi Egipto chaqa'ma' naloqojonchiguiñi, 'ec na nouaataxanaq.

Éxodo 13:18 Iomraidhean Croise

Génesis 50:25

Co'na'le, ca ỹo'uet quiyim so llaalqaipi so Israel ỹaanot da la'qaatec ñi qota'olec. Ca 'naaco' quesaua'maxare: —Ỹaatqajam llic ñi qota'olec rotauañii ma'le. Ca ma' ỹovirelec ipaquichigui dajo, ca 'xachii'o' ma'le na ipi'naqa.

Salmos 107:7

Ime, ca' ỹachaxañi'ñigui so no'uen nayic taỹau'a yi na'a' ma' ỹahotaque quiyim na'ñi.

Éxodo 14:2

—'Ñirapega na Israel llaalqaipi quiyim pil. Ca na'ño' ma'le quiyi naloote'oga yi Pi-hahirot, ñiichiguiñigui na lavinñi quiyi Migdol chaqai aso huaaxai, quiyi naloote'oga yi Baal-zefón. Ca ỹana'ño' ca nco'matqa' yi naloote'oga yijo 'laua quena lahi aso huaaxai.

Éxodo 14:9

So Egipto laseripi sá'ogue so nalliripi chaqai neetañigui ana nahoglena chaqai na shipiguiripi eec, co'uajlec so Israel llaalqaipi. Ca ỹoviralco' na'le neeto'oto' na lahi aso huaaxai quiyi Pi-hahirot naloote'oga yi Baal-zefón yí'maq neeta'ño' nco'matetapeguec.

Deuteronomio 17:16

Qam cajo nashi se rishiujnaxanaque ca 'xoic shipiguiripi, chaqai se ila' ca qomyipi queda Egipto, ỹahotaque nqo'naxatec ca laloipi shipiguiripi. Ma' ñi qara'gaxala' 'neetasa' da la'qaatec caqamiri: Tot qaica ma' liỹa quet rapilliỹa'gue najo nayic.