Éxodo 13:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca co'na' so Faraón ỹasenec quiyim eec so Israel llaalqaipi, ca' ñi qota'olec sqai que'tegue nqai'en so nayic queetougui yi na'laua so filisteoipi só'maq paguec ỹalamqata, ma' 'neetapigui lauel quiyim so Israel llaalqaipi queta' 'ue canchaqaica, ca' se nalauat. Qaidaata quiyim ỹahotaque pilegue da Egipto.

Éxodo 13:17 Iomraidhean Croise

Éxodo 14:10

Ca co'na' so Israel llaalqaipi retan quiyim so Faraón chaqai so Egipto laseripi tot qoỹoxoguit, ca' chalego da lqolonaxa. Ca' ỹashiila ñi qara'gaxala' quiyim qaỹotauan.

Hechos 15:38

Qam so Pablo se ỹa'maxaren quiyim ỹauec, ma' so'maxare no'ueenaqteraño' na'le quiyi Panfilia, ca pil, ỹalate' saua liỹa', se ipaguelec da lo'ueenataxanaxac.

Hechos 7:39

Qam só'maq 'auaxaic qareta'allipi se na'xaỹaxana so Moisés, chaqaidaata quiyim se qaỹa'maxaringuit, ma' ỹahotaque pilegue da Egipto.

Deuteronomio 17:16

Qam cajo nashi se rishiujnaxanaque ca 'xoic shipiguiripi, chaqai se ila' ca qomyipi queda Egipto, ỹahotaque nqo'naxatec ca laloipi shipiguiripi. Ma' ñi qara'gaxala' 'neetasa' da la'qaatec caqamiri: Tot qaica ma' liỹa quet rapilliỹa'gue najo nayic.

Deuteronomio 20:8

Ime, ca' na nashillipi, ca lotqai liỹa retaqaugui na nalliripi. Ca 'naacsa': No'm 'ue ca 'ue ca lqolonaxa caqamiri chaqai se ra'ñiigui na lauel, ca 'maxaraic quiyim queuo queca la'a'. 'Ase' no'm no'chi nqai'en na liỹaripi.

Hebreos 11:27

Ma' 'uo' da lpi'ỹaxac so Moisés, ca' ca'e yi 'laua Egipto, se no'cha'a da lonogoxonaxac so nashi. Ỹaatqajam queetalec dá'maq chi no'ueenataxac, 'ec ra'iito'ot ñi qota'a ñí'maq sqaica iuana.

Jueces 7:3

Ca' 'ñirapega na qomyipi quiyim no'm 'ue ca no'chi, ca 'maxaraic quiyim pila'a ca la'a'. Ca' chaqaido' da 'ne'tegue so Gedeón quiyim i'guen so nalliripi. Ca' ỹovi' veintidos mil so pilo ỹalliripi, ca' diez mil so ỹalliripi no'ueenañi.