Éxodo 12:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' quecajo pe qaỹa'ic ca la'at, qam qaico'iita qaỹalecqajanta'guit ana peue nochaua nqohin, chaqai na pan, qam qaca aca lalequete cana pe'taxachigui.

Éxodo 12:8 Iomraidhean Croise

Salmos 22:14

Mashic shinta na huaxaỹaq qaỹocorec; naua ipi'naqa 'ec sootaguilo. Añi i'taxanata 'ec ana lapa, 'ec quiguiñi quena iuel.

Éxodo 1:14

Ca ỹaatqajam qaỹa'ue da le'xoric quena' ỹo'uet nqohin na nishaaxa chaqai na losoc chaqai ná'ogue na liỹa no'ueenatec hua'oga na no'ueenaxa. Chaqai ná'ogue ná'maq resalli qaỹamaxalec, se qai'xoren.

Éxodo 12:9

Ca' qaica ca 'guii quiyim saqa' rato, loqo'm ca qoỹantauaq. Cá'ogue cajo isecỹac, vire'ta ca lqahic, lapiaate', chaqai caua lauel lase', cá'ogue qaico'iita.

Isaías 53:10

Ñi qara'gaxala' ỹahotaque ỹa'ue da le'xoric. Ca' quiyim chaqaiso só'maq nañaañiguit da lelauaxa quena nasauaxaset, ca ladoc ma'le da nachaalataxac, ca' iuanau'a ma'le ca llaalqaipi; ca chicqochigui so'maxare ma'le quiyim ỹa'maxañi dá'maq ỹahotaque ỹo'uet ñi qara'gaxala'.

Amós 4:5

Ca vigaxachii na pan qaca aca lpe'taqate quiyim 'ỹaañiuo queda na'aachicyaxaguii, chaqai 'xachitac quená'ogue añi viỹaque rachitaxanataxanqachii, ma' chaqaida dá'maq viitaque qamiri. Ñi qara'gaxala' i'taxajñi da la'qaatec.

Mateo 16:12

Co'na'le, ca' ỹa'deene' quiyim so Jesús sqai 'naac quiyim qaỹoueta'a aná'maq re'qoochigui pe'taxachigui na pan, ta'ta'a quedá'maq lapaxaguinataxanaxac na fariseoipi chaqai na saduceoipi.

Mateo 26:26

Ca co'na' ñaq que'eeta'pe, ca' so Jesús ỹacona so pan, ca ỹaanot da na'aachic ñi qota'olec. Ca na' ime, ca ỹasectaxachigui, ca ỹaanouguilo saua lapaxaguinatqa. Ca 'naaco': —A'guii, najo ná'maq ỹoshicmaxa.

Gálatas 5:9

'Neeto' lotqai couahi'e quiyim “'eno'm cocho'qui' ca quena pe'taxachigui na pan, qam ishit pe'taxachigui cá'ogue aca naqaulata.”

1 Tesalonicenses 1:6

Ca' qamiri quedá'maq 'ñiita ỹaatqajam quiijlec da qano'ueenataxac chaqai da no'ueenataxac so qara'gaxala' Jesús na' coñiguit da na'qaatec, ca' so Espíritu Santo ỹaanema qamiri da netoonaxaguii, 'eno'm 'xoic da re'xoriguii.