Éxodo 12:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca ma' ime, ca' queca 'óna 'imec iconalo caua leuo' cajo qagreta llaalec, ca' ỹa'meene' naua'que naua lasomse' ca 'imec cá'maq hua'ñi na' ỹa'ic cajo qagreta llaalec.

Éxodo 12:7 Iomraidhean Croise

Éxodo 12:13

Ca' so neuoripi, ca' chi netanegue' qamiri quiyim tañii' naua ra'aachiri, qaiyi ma' ñalauajñi na llaalec na Egipto laseripi, qam caqamiri, ca' qaica ca ileu. Ca ma' seuana ca leuoripi queca 'imec, ca' sa'iitalec.

Ezequiel 9:4

Ca 'naapega: Quirougui na na'a' lodegaxat Jerusalén, ca' vite ca retanqui' quena latap cá'maq 'ue ca lachicoxo chaqai da nqui'ic quená'ogue ná'maq qanaqaica'a qaỹo'ueetetac quiyi'maxare.

Efesios 1:7

Quedá'maq chalego lecaic le'xorenataxanaxa, ca' ñi qota'a nca'laxaterec qomi', chicqochigui nqai'en da lelauaxa so llaalec, ca ỹapalaxate' caua qarasauaxasete'.

Hebreos 10:14

Ma' so Jesucristo ỹachigoxochichigui aso 'oono'lli' lachitaxanataxanqate, ca chaqa'ma' sqaica lqodoc quiyim nachinchiguiñi da no'ueenataxac ná'maq mashic co'taxat.

Hebreos 10:29

Ca ¡huose'quet sqai hueetapigui qavillii quiyim paguec lecaic ca nouaxanaxaset cá'maq 'eco' co'ueetapigui so llaalec ñi qota'a, chaqai liỹoqa'piguita saua leuo', chaqai quiyim ishiuentac so ne'Espíritu ñi qota'a ñí'maq re'xorenataxantac! Sauajo neuo' chaqaisaua sauá'maq i'taxachiriñi da 'maqataxac, chaqai chicqochiguilo quiyim co'teete' nqohine' saua'maxare.

Hebreos 11:28

Ma' so Moisés qai'neeta 'uo' da lpi'ỹaxac, ca' relaataxanlec so nqui'ỹaxac chicqochigui quiyim qanaqatec so Israel llaalqaipi quiyi Egipto. Chaqai relaataxanlec quiyim qaỹa'meene' naua lasomi' quesaua qagreta leuo', qaiyi só'maq qota'a lelaatec nalauataxanqajnec sqaica ca ỹovira'a quená'maq ỹi llaalec so Israel laseripi.

Hebreos 9:22

Ca' dajo llicyaxac na naqataxaquipi ỹa'xat quiyim sham ná'ogue ná'maq qaỹo'uet ỹouen quiyim qaỹahote'elo naua neuo' quiyim 'ue ca qaico'taxat. Chaqai qaica ca chi qaỹapalaxateta ca lasauaxaset quiyim se qaỹocoraqta'pe caua neuo'.

1 Pedro 1:2

quená'maq ñi qota'olec lca'acse', nachiñi'chiguit nqai'en dá'maq shi'co' ỹahotaque na' saqa'leca na 'laua. Chicqochigui nqai'en so ne'Espíritu quiyim ỹoỹoote'ogalo qamiri, qaiyi na'xaỹaxañiỹa, chaqai qaiyi co'taxate' qamiri, ỹahota'ahi saua leuo' so Jesucristo. Ca' coñiguit dá'maq chalego lecaic nqouagaxahi chaqai da ra'maxahi.