Éxodo 12:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' qaỹa'maxat cajo isecỹac, toco' ma' ỹovire'oga ca na'xa'a catorce quenajo shiraigo. Ca quecajo na'xa'a ná'ogue na Israel llaalqaipi lapoonta' na llaalqaipi, ca ma' mashic lavit, ca ỹalauat ca'maxare.

Éxodo 12:6 Iomraidhean Croise

Éxodo 12:14

Najo ná'maq na'xa'a ná'maq qamiri sqai 'laxachii. Ca quiyim ỹovire'oga, ca' 'viichii ca nemaqachic lodegaxat, maqachiñitac najo ra'gaxalari. Maqachiñitac 'ñiita'gue meca nelaataxanaxac qaica lqodoc, chicqotougui na neta'allipi, ca queetougui chi ỹovireta'oga ca ñaalqaipi.

Éxodo 12:17

Ca' ma' ỹovire'oga cajo na'xa'a quiyim qaỹa'ic na pan sqaca lpe'taqate, ca quecajo na'xa'a, ca' 'viichii ca remaqachiguii. Ma' chaqaica cajo na'xa'a viichigui na' ñaqata'alo qamiri quiyi Egipto. Ca ma' ỹovire'oga cajo na'xa'a lotqai 'viichii ca remaqachiguii, ca' chaqaida 'ne'tegue na qachaalaxahipi, sqai 'xañiñi quiyim 'viichitac. (12.18-20 Naqataxac quiyim se qaỹa'ic ca pan 'ue lpe'taqate.)

Éxodo 16:1

Ca sá'ogue so Israel llaalqaipi ca'e yi Elim, ca quepegue', ca' ỹovita yi 'laua sqaica qom leenaxat Sin. Queca lavinñi so liỹa shiraigo na' ime ca'e yi Egipto. Yi'maxare viichiguiñiguilo yaua Elim chaqai yi Sinaí.

Éxodo 16:12

—Ỹim sa'qaatapega na Israel llaalqaipi na' queeteguelec aỹim yinaqatac. Taqaira'pegue' na'maxare, ca 'ñirapego': Ma' lavitari', ca' qui'ii ma'le la'at. Chaqai quiyi nete'eta, ca' qui'ii ma'le queca pan, chi ỹovireta'a rquemari. Qaiyi 'yiiñii ma'le quiyim aỹim ra'gaxalari qota'olec.

Éxodo 19:1

So Israel llaalqaipi ỹovito' yi 'laua qaica qom, leenaxat Sinaí, co'na' ỹovite' tres shiriguiri quiyim queeta chicqota'ñi yi Egipto.

Isaías 53:6

Ca qomá'ogue so'maqac, 'ec qomi' qagretaipi, quiñi 'óna queeta'pegue' cá'maq chi la'deenataxanaxac, qam ñi qara'gaxala' illaalec so'maxare sá'ogue só'maq se no'uen hueetaguilo qomi'.

Mateo 27:20

Qam so lashillipi na netaxaỹaxanqajanqaipi chaqai so lqo'xonqaipi na judioipi na'yiiñiguit so qomyipi quiyim rashiilaxanegue qaỹosouec so Barrabás chaqai quiyim qaỹalauat so Jesús.

Mateo 27:25

Ca' sá'ogue so qomyipi nemaashiguim, 'naaco': —¡Qomi' chaqai na qochaalqaipi ñomatqalta' quiyim qarasauaxaset da lelauaxa!

Marcos 15:1

Ca co'na' mashic richiguiñi, ca' so la'gaxalateripi so netaxaỹaxanqajanqaipi chaqai so qo'xoiquipi chaqai so rapaxaguinataxanta'pegue na naqataxaquipi chaqai sá'ogue só'maq nashillipi ỹo'ueetegueñi na leloxoỹaxaquipi nanchaqaina, sá'ogue lapoỹata', ca' qoỹaxateta so Jesús, ca' qaỹauegueu'a so Pilato.

Marcos 15:11

Qam só'maq la'gaxalateripi na netaxaỹaxanqajanqaipi 'naapega so qomyipi quiyim ipacalec qarashiilaxanegue so Barrabás quiyim qaỹosouec.

Marcos 15:25

Ca mashic noỹoqshi'imgueuc aso ra'aasa co'na' qaipateno so'maxare.

Marcos 15:8

Ca' so qomyipi noquiigo, ca' ỹashiila so Pilato quiyim chaqaida ipacqajanchigui nqai'en da lanatec.

Lucas 23:1

Ca sá'ogue so'maxare ne'laxashiguim, ca' qaỹauegueu'a so Jesús so nashi Pilato.

Lucas 23:18

Qam sá'ogue nemashiguim ỹaualqatagui, 'naac: —¡Qaỹalauat najo ỹale! ¡Ca' qaỹosouec ca Barrabás!

Hechos 2:23

Qam na' qoỹaanouguilo qamiri quiyim ipaquichigui nqohin dá'maq la'deenataxanaxac ñi qota'olec nallaaqo', ca' qamiri coñirii chaqai lauachii, qaipatentaho nqai'ñii queso qomyipi hualoxonyipi.

Hechos 3:14

Ma' sqo ỹaxañiu'a quiyim qaỹosouec só'maq no'uen chaqai huagaxaraic ỹale, ta'ta'a qamiri ỹaxañiu'a quiyim qaỹosouec so lauataxanaxai.

Hechos 4:27

Ma' llic quiyim so nashi Herodes chaqai so Poncio Pilato lapoỹata' quenajo na'a' lodegaxat, chaqai na chicqauec ỹoqa'a, chaqai na Israel laseripi quiyim npa'guene'e' so co'teeta qachaalqui' Jesús, só'maq rca'acshiqui' quiyim nashi nca'laxaqui.