Éxodo 12:37 - La'qaatqa ñi qota'olec Qota'olec & Qota'olec Novita Na Qomyipi

³⁷ Ca' so Israel llaalqaipi co'na' eec, ca'e yi Ramsés que'tegue yi leenaxat Sucot. So'maxare 'uo' ca sham ỹovi' seiscientos mil ỹalliripi co'ueetañi mashic ỹovite' yaua niñaxari quiyim taho quena nouaataxanaq. Qam se qanaloqochin ana 'aalo chaqai na ñaaqaipioqui'.

Éxodo 12:37 Iomraidhean Croise

Génesis 12:2

Ca' queca qachaalaxai'pi, ca' sachigoxochichigui ca ni'ic lodegaxat; chaqai saanem qami' da iqouagaxa, chaqai so'uet quiyim qami' choxoraic ma'le, chaqai chicqochigui qami' ma'le ca la'maxa na liỹaripi.

Génesis 15:5

Co'na'le, ca' ñi qara'gaxala' ỹauegueco' so Abram. Ca 'naaco': —Ỹaatqajam 'ajñite' na piguim, ca naloqochiñi' ana huaqajñi, no'm shichi' naloqojñi'. Ca chaqaica ỹorete' caua qachaalaxahi' ma'le.

Génesis 46:3

Co'na'le, ca ñi qota'olec 'naaco' queso'maxare: —Ỹim qota'olec, nqota'olec so qataa'i', qaica ca ro'chi'saque quiyim 'itegue da Egipto. Ma' chaqaiyi hua'ñi ma'le quiyim ñoquiigaxatec na qachaalaxai'pi, ỹaatqajam 'xoic nqaishin.

Génesis 47:11

Ca' so José ỹo'ueeto' na'laua, ỹaanemo' ná'maq paguec loyac quiyi 'laua Egipto, qaiyi naalec so'maxare, ipacqajanchigui dá'maq 'naaco' na'le so Faraón. Ca' so leta'a chaqai so lqaỹaripi 'ue na'laua quiyi 'laua Ramsés huaugui yi Gosén.

Éxodo 1:11

Co'na'le, ca' na Egipto laseripi ỹa'ue na neloxoỹaq, qaiyi se ỹala'gue quiyim ro'ueenataxan nqai'en, no'xoñishiguim nqai'en naua na'aate' quiyi Pitón chaqai yi Ramsés, la'maqataxanqa'o' quena' ỹa'maxat na na'ic so Faraón.

Éxodo 10:9

Ca' so Moisés 'naaco': —Qomi' ma' qolaq, ca' qariỹaatac na ñaaqaipioqui' chaqai na qo'xoiquipi, naua qochaalqa chaqai naua qochaale, chaqai ana qolo qagreta chaqai ana huaca, ma' coqomi' ỹaatqajam lemaqachic lodegaxat ñi qara'gaxala'.

Éxodo 13:20

Ca' so Israel llaalqaipi na' eec ca'e yi Sucot, ca' lotqai na'ñi yi leenaxat Etam. Yi'maxare taachi'ñi ca ỹovira'a yi 'laua qaica qom.