Éxodo 12:36 - La'qaatqa ñi qota'olec Qota'olec & Qota'olec Novita Na Qomyipi

³⁶ Ca' ñi qara'gaxala' ỹo'uet quiyim 'naxanaxaraic nqai'en so Egipto laseripi. Ca' ỹaanec ná'ogue ná'maq rashiilaxanaque so Israel llaalqaipi. Ca' quiyi, ca' so Israel llaalqaipi nouoretam so Egipto laseripi.

Éxodo 12:36 Iomraidhean Croise

Génesis 15:14

Qam ỹim qai'neeta sa'ue ca nouaxanaxaset cá'maq ỹo'uet quiyim la'aquipi ca'maxare. Ca ma' ime, ca qoỹaxanec ma'le ca qachaalaxai'pi. Ma'le, ca' ỹaatqajam lalamaxaret da lesallaxa.

Génesis 39:21

qaiyiita ñi qara'gaxala' na'deeta'guit so José, ichoxotetac da lqouagaxa. Ca ỹo'uet quiyim qanqo'ta queso lashi añi ncoñiitaxanaxaqui.

Esdras 1:6

Sá'ogue so leseeca'oga lauoraripi rotaanaxan quena lecat plata, 'oro, louenqaipi, laloipi chaqai na looỹac 'xoic lesega'a, chaqai 'xoic ana chi lqouagaxanqate.

Éxodo 11:2

Qam nagui 'ñirapega na ỹale chaqai ana 'aalo quena llaalqaipi so Israel quiyim rashiilaxanaque canchaqaica nouenec quena 'oro loqo'm na plata quena Egipto laseripi.

Éxodo 11:3

Ca' so qara'gaxala' ỹo'uet quiyim so Egipto laseripi 'naxanaxaraic queso Israel llaalqaipi. Chaqai qai'neeta só'maq lotauaripi so Faraón ỹaatqajam 'ue nqai'negue nqohin so Moisés, chaqai qai'neeta sá'ogue so Egipto laseripi.

Daniel 1:9

Qam ñi qota'olec ỹo'uet quiyim so lashi so nelaatqaipi na'yiiñiguit so Daniel.

Hechos 2:47

Ỹa'xatetac qaica 'nejem ñi qota'olec, ca ná'ogue na qom nqo'ta. Ca' quesaua na'xata' ñi qara'gaxala' ỹoqotqajno ná'maq ỹacoñiguit yi na'qaatec ná'maq dalaxaic nca'leuec nqohin.

Hechos 7:10

Ca' quepaqataxanteguelec quená'ogue na ne'guenaxaquipi, chaqai ỹaanem da la'deenaxanaxa, ca vire'ta qanqo'ta queso nashi quiyi Egipto, leenaxat Faraón. Ca' chaqaiso só'maq nashi Faraón ỹana'ñi quiyim so José lpa'axaua nashi, chaqai idaanlec cá'maq la'a' so nashi.