Éxodo 12:3 - La'qaatqa ñi qota'olec Qota'olec & Qota'olec Novita Na Qomyipi

³ Ca 'ñiỹapega ná'ogue na llaalqaipi so Israel, 'ñiỹaco': Ma' ỹovirerec naua diez na'xata' quenajo shiraigo, ca' quiñi 'óna 'imec caqamiri, ca cá'ogue cá'maq neeta'ñi ca na'a', ca ỹaconeu'a ca 'oonoqui' qagreta llaalec, loqo'm ca quetaqoqui'.

Éxodo 12:3 Iomraidhean Croise

Génesis 22:8

—Ỹaalcolec, —'naaco' so leta'a—, ñi qota'olec ỹo'uet ma'le cá'maq ỹachigoxota'gue cá'maq qagreta llaalec quiyim nachitaxanataxanaxat. Ca ñaqai queete' niỹareta'pe.

Génesis 4:4

Chaqai so Abel qai'neeta ỹodou'a ñi qara'gaxala' so 'auaxai chaqai paguec loyac quena llaalec so qagretaipi. Ca' ñi qara'gaxala' nqo'te'ta so Abel chaqai asó'maq ỹavigaxat lachitaxanataxanqate.

Éxodo 12:2

—Najo shiraigo chaqaina ná'maq ỹapacauec nqai'ñii qamiri, ná'maq 'auaxaic shiraigo quiyi ñaaxa.

Éxodo 12:21

Ca' so Moisés relaataxane'oga ná'ogue ná'maq mashic qo'xoiquipi queso Israel llaalqaipi. Ca 'naapego': —Mohi, coñiu'a ca qagretoqui' loqo'm quetaqoqui'. Ca' lauachii, qaiyi quecá'maq chi ni'icoqui' queca na'a' ỹo'uet cá'maq chi lemaqachic.

Éxodo 12:4

Qam no'm 'ue ca sqo vite' caua llaalqa, ca retan quiyim se qo'oc ca isecỹac, ca cá'maq paguec leseeque'ta queca la'a', ca nouante'e', imeentauec quecá'maq liỹorete' caua qomi', chaqai ỹaỹajanta cá'maq naloote'e' ỹa'ic quiñi 'óna.

Éxodo 12:6

Ca' qaỹa'maxat cajo isecỹac, toco' ma' ỹovire'oga ca na'xa'a catorce quenajo shiraigo. Ca quecajo na'xa'a ná'ogue na Israel llaalqaipi lapoonta' na llaalqaipi, ca ma' mashic lavit, ca ỹalauat ca'maxare.

Éxodo 14:15

Ca' ñi qara'gaxala' 'naaco' queso Moisés: —¿Chi'neco' quiyim yashiilahitac quiyim sotauañii? ¡'Ñirapega na Israel llaalqaipi quiyim eec, ipaca quedá'maq taỹa'gue!

Éxodo 20:19

Ca co'na'le, ca qohinapego' so Moisés: —Qaqamite' taqaira'pegueto qomi', ca cá'maq 'ñirac, ca ña'xaỹaxanqa'ta. Qam quiyim se retaxaỹa'pegueto qomi' ñi qota'olec. ¡'Ase' no'm qareleu!

Éxodo 4:30

Ca' so Aarón ỹa'xatemo' na'le dá'ogue dá'maq qohinapego' na'le so Moisés quiñi qara'gaxala', chaqai qai'neeta iuanchigui nqai'en so qomyipi ná'maq netanec ỹo'uet da ne'laxa qailarelec quiyim ỹo'uet quiñi qota'olec.

Juan 1:29

Ca' queso liỹa na'xa'a, ca' so Juan idaana'guit so Jesús naataxaso'ma so'maxare. Ca' so'maxare 'naaco': —Ñaqa 'ajñii, najo ná'maq ỹale ỹaanec ma'le ñi qota'olec, 'neeta'gue meca qagreta llaalec, ná'maq rouootaxana'gue ná'ogue na nasauaxaseteripi quena 'laua.

Juan 1:36

Ca co'na' so Juan iuane'tegue so Jesús, ca 'naaco': —'Ajñii, chaqaiso sojo só'maq ỹale 'ec ca qagreta llaalec ma' ỹaanec ñi qota'olec.

Juan 12:1

Co'na' saqa'lecaua seis na'xata' quiyim ỹovire'oga so na'xa'a quena' qaỹo'leente quiyim qoyique'e yi Egipto. Ca' so Jesús quepegue' yi Betania yí'maq neeta'ñi so Lázaro só'maq Jesús liỹo' nca'laxatec na' ileu.

Juan 12:12

Ca 'xoico' so qomyipi quepegue' yi Jerusalén quiyim quepegue' so nemaqachic quena' qaỹo'leente so na'xa'a quiyim qoyique'e yi Egipto. Ca' queso liỹa na'xa'a, ca qaỹa'deeno' quiyim so Jesús ỹovira'a yi na'a' lodegaxat.

1 Corintios 5:7

Ca vichiguiño' naqachii aca ñauapec lalequete na pan, ma' chaqaca aca na'aqte' qamiri, qaiyi 'ñiita aca dalaxai naqaulata se qaỹa'ue aca lalequete quena' qaỹa'ue na pan tai'a qaỹa'ic ma' ỹovire'oga ca napoxoqui leenaxat lapascua. Ma' qamiri 'ñiitam aca dalaxai naqaulata qaca lalequete pe'taxachigui na pan. Ma' so Cristo mashic shi'gue qaỹalauat, ileualgoto qomi', ca' chaqaiso so 'eco' qagreta llaalec qaỹa'ic ma' ỹovire'oga cajo na'xa'a lapascua.

Apocalipsis 13:8

Ca' sojo isecỹac ỹaatqajam qaimaqachin quená'ogue ná'maq hueetalec ana 'laua, quená'maq se qoỹeretañi ca leenaxat na' ñaqai chita'gue qaỹo'uet na 'laua, cacá'maq lere nca'laxalate hueeto'ot so 'ec qagreta llaalec shi'gue qaỹalauat.