Éxodo 12:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Ca co'na' mashic pe lauel, ca' ñi qara'gaxala' nalauajñi na 'auaxaic llaalegue' caua noua' quesá'ogue so Egipto laseripi, chaqai qai'neeta so 'auaxaic llaalec so nashi Faraón, chaqai na 'auaxaic llaalec na ncoñiitecseripi neetaugui añi ncoñiitaxanaxaqui, chaqai na 'auaxaic llaalec na neloipi iseripi.

Éxodo 12:29 Iomraidhean Croise

Génesis 15:14

Qam ỹim qai'neeta sa'ue ca nouaxanaxaset cá'maq ỹo'uet quiyim la'aquipi ca'maxare. Ca ma' ime, ca qoỹaxanec ma'le ca qachaalaxai'pi. Ma'le, ca' ỹaatqajam lalamaxaret da lesallaxa.

Éxodo 11:1

Ca' ñi qara'gaxala' 'naaco' queso Moisés: —Qaiyiita so'uet ca nouaxanaxaset, taalec nqaishin ñi Faraón chaqai na Egipto laseripi. Ca ma' ime dajo, ca' ñi Faraón sqaidaata quiyim ỹasenterec qamiri quiyim oquii. Ta'ta'a quiyim chaqaiñi ñi'maxare ỹo'derauec ma'le qamiri quenajo.

Éxodo 12:12

Quecajo pe, ca' shiguelec yá'ogue yi Egipto. Ca' salauat ná'ogue ná'maq ỹi ñaalec quená'ogue ná'maq Egipto laseripi, chaqai ná'ogue ná'maq 'auaxaic llaalec na iseripi. Chaqai sa'ue ca nouaxanaxaset ná'ogue ná'maq lashiilec na Egipto laseripi. Ỹim ra'gaxalari shinac dajo.

Éxodo 12:28

Ime, ca' sá'ogue eec, ca ỹo'uet dá'ogue dá'maq 'naaco' na'le ñi qara'gaxala' queso Moisés chaqai queso Aarón.

Éxodo 9:6

Ca' queso liỹa na'xa'a, ca' ñi qara'gaxala' ỹo'uet quiyim sá'ogue so laloipi so Egipto laseripi nilliviñi. Qam quena laloipi so Israel llaalqaipi qaica ca ileu.

Isaías 41:11

Ná'ogue ná'maq qami' loquiiaxat, nayiloxon ma'le chaqai nemanachit; ná'maq reloquiñi'sac nagui, ná'ogue nimiichiguiñi ma'le.

Jeremías 38:13

Co'na'le, ca' saua ỹale' naviquishiguim so ñic, ca naqachishiguim so Jeremías cañi ni'ỹa. Ca na' ime dajo, ca' so Jeremías hueeta'ñi yi nasoxoc añi loma' na neloxoỹaripi.

Jeremías 38:6

Ca co'na'le, ca' saua'maxare iconerelec so Jeremías, ca inaxari'ñigui aca li'ỹa so nashi llaalec Malquías, na'ñi yi nasoxoc yi neloxoỹaripi loma'. Qaỹahote'e so ñic na' qainaxañi. Qam ma' co'chiichigui aso ni'ỹa, ta'ta'a na nishaaxa, ca na' taañi so Jeremías, ca rollapi'tegue quiyi nishaaxa.

Números 3:13

Ma' ỹim ỹalamaxaret ná'ogue ná'maq 'auaxaic ñaalec. Na' ñalauajñi ná'ogue ná'maq ỹi llaalec so Egipto laseripi, ca ño'ueenaqtauec quiyim ỹalamaxaret ná'ogue na 'auaxaic quena llaalqaipi so Israel chaqai quena laloipi, ca vichiguiño' ỹalamaxaret. Ỹim ná'maq ỹim na'gaxala'. (3.14—5.31 Dá'maq 'neeta quiyim qaỹa'maxate'tegue da chaalataxac.)

Hebreos 11:28

Ma' so Moisés qai'neeta 'uo' da lpi'ỹaxac, ca' relaataxanlec so nqui'ỹaxac chicqochigui quiyim qanaqatec so Israel llaalqaipi quiyi Egipto. Chaqai relaataxanlec quiyim qaỹa'meene' naua lasomi' quesaua qagreta leuo', qaiyi só'maq qota'a lelaatec nalauataxanqajnec sqaica ca ỹovira'a quená'maq ỹi llaalec so Israel laseripi.

Hebreos 12:23

lapoota'ta' imaqachintac ñi qota'a, chaqai ná'maq lapoota'ta' llaalqaipi ñi qota'a ná'maq qoỹeretañi queda piguim. Ca mashic nqo'ñiu'a ñi qota'a ñí'maq imit ma'le ná'ogue, chaqai ná'maq lqui'illipi na qom huagaxaraic, ná'maq nachinñi nqohin quiñi qota'a.