Éxodo 12:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Ime, ca' sá'ogue eec, ca ỹo'uet dá'ogue dá'maq 'naaco' na'le ñi qara'gaxala' queso Moisés chaqai queso Aarón.

Éxodo 12:28 Iomraidhean Croise

1 Reyes 17:5

Ca' so Elías ỹo'uet dá'maq qohinapega quiñi qara'gaxala', ca' eec, quepegue' ca na'ñi yi ñaachi Querit, pa'a'gue da lqodoigue caso lachiugue Jordán.

Éxodo 12:27

ca qamiri 'ñiỹaco' ma'le: “Ñijo isecỹac na' qaỹalauat, ca' qaỹa'ic, taỹaugui quiyim qaimaqachin ñi qara'gaxala'. Ma' ñi'maxare nalauajñi na'le na llaalqaipi na Egipto laseripi, ca ỹa'iitalgoto naua la'aate' na Israel llaalqaipi neeta'ñi yi Egipto. Ca' ca'laxatec na qochaalqaipi.” Ca' na Israel llaalqaipi ỹa'chi'iñi naua le'cootal, ca' nqouagaxainot ñi qara'gaxala'.

Éxodo 12:29

Ca co'na' mashic pe lauel, ca' ñi qara'gaxala' nalauajñi na 'auaxaic llaalegue' caua noua' quesá'ogue so Egipto laseripi, chaqai qai'neeta so 'auaxaic llaalec so nashi Faraón, chaqai na 'auaxaic llaalec na ncoñiitecseripi neetaugui añi ncoñiitaxanaxaqui, chaqai na 'auaxaic llaalec na neloipi iseripi.

Éxodo 12:35

Ca' so qomyipi ipacqajanchigui dá'maq la'qaatec so Moisés. Ca' ỹashiila so Egipto laseripi quena louenec 'oro chaqai na plata, chaqai na nooỹac.

Éxodo 14:4

Ca' ỹim so'uet ma'le quiyim ñi Faraón ra'ñii añi le'taxanata, ca' co'uajlgoto qamiri ma'le. Ca' quiyi hua'ñi ma'le, ca sachaxanem ñi'maxare da iquesaxanaxa chaqai qai'neeta ná'ogue na nalliripi. Qaiyi ỹa'den ná'ogue na Egipto laseripi quiyim chaqaỹim ná'maq ỹim na'gaxala'. Ca' chaqaida 'ne'tegue so Israel llaalqaipi.

Deuteronomio 34:9

Ca' so Josué, só'maq llaalec so Nun, chicqo'ot so Moisés da la'deenaxanaxa so'maxare, ma' so Moisés ỹashil-lec na'le so'maxare, ca nqouagaxainlec. Ca vichiguiño' so Israel llaalqaipi ỹaatqajam na'xaỹaxane'ta so'maxare, ca ipacqajanchigui dá'maq 'naaco' na'le ñi qara'gaxala' queso Moisés.

Hebreos 11:28

Ma' so Moisés qai'neeta 'uo' da lpi'ỹaxac, ca' relaataxanlec so nqui'ỹaxac chicqochigui quiyim qanaqatec so Israel llaalqaipi quiyi Egipto. Chaqai relaataxanlec quiyim qaỹa'meene' naua lasomi' quesaua qagreta leuo', qaiyi só'maq qota'a lelaatec nalauataxanqajnec sqaica ca ỹovira'a quená'maq ỹi llaalec so Israel laseripi.

Josué 2:21

—Ajá'a, chaqaida nqaishinaq —'naaco' aso'maxare. Ime, ca' niquinto saua'maxare, ca saua'maxare que'. Ca na' ime, ca aso'maxare coñiro so ñic toc cañi nqote ñi lauo'.