Éxodo 12:27 - La'qaatqa ñi qota'olec Qota'olec & Qota'olec Novita Na Qomyipi

²⁷ ca qamiri 'ñiỹaco' ma'le: “Ñijo isecỹac na' qaỹalauat, ca' qaỹa'ic, taỹaugui quiyim qaimaqachin ñi qara'gaxala'. Ma' ñi'maxare nalauajñi na'le na llaalqaipi na Egipto laseripi, ca ỹa'iitalgoto naua la'aate' na Israel llaalqaipi neeta'ñi yi Egipto. Ca' ca'laxatec na qochaalqaipi.” Ca' na Israel llaalqaipi ỹa'chi'iñi naua le'cootal, ca' nqouagaxainot ñi qara'gaxala'.

Éxodo 12:27 Iomraidhean Croise

Nehemías 8:6

Ca' so Esdras imaqachin ñi qara'gaxala', ñí'maq qota'olec qaican qalanac. Ca sá'ogue so qomyipi nanojshiguim na lqai'laxat, ca 'naac: Ajá'a, chaqaida 'neeta. Ime, ca' ỹa'chi'iñi naua le'cootal, ỹoviraqta'guit na latap na 'laua. Ca' imaqachin ñi qara'gaxala'.

Éxodo 10:2

chaqai qaiyi qami' 'qaataxañita ma'le ca qachaalaxai'pi chaqai ca qauachi'ipi dá'maq shinta'gue quiyim seualaxaintac na Egipto laseripi, chaqai ná'maq chalego lecaic ỹo'uet da ne'laxa iuanchigui nqaishin na'maxare, qaiyi ya'yiiñii qamiri ma'le quiyim aỹim ná'maq ỹim na'gaxala'.

Éxodo 12:11

Ca ma' qui'ii quecajo qagreta llaalec, qam ñiitañi naua qatoohi, chaqai naua qapelachiri, chaqai lo'xoita'a aca rashillichii, chaqai qui'guiñita'gue ca rqui'ỹaxaguii quecajo isecỹac. Ma' dajo taỹaugui quiyim qaimaqachin ñi qara'gaxala' na' naqata'a na' na'aquipi na Israel llaalqaipi.

Éxodo 12:23

Ca ma' ñi qara'gaxala' ma' quelec quiyim nalauajñi na llaalec ỹi na Egipto laseripi, ca iuane'ta ma'le ca leuoripi queca lasom, ca' ỹa'iitalec cajo 'imec. Ca' ñi qara'gaxala' se inoxono nqai'en ma'le ca nalauataxanaq queca qauori.

Éxodo 12:28

Ime, ca' sá'ogue eec, ca ỹo'uet dá'ogue dá'maq 'naaco' na'le ñi qara'gaxala' queso Moisés chaqai queso Aarón.

Éxodo 4:31

Co'na'le, ca' na qomyipi ỹaatqajam huejlec. Chaqai co'na' ỹa'den quiyim ñi qara'gaxala' na'xaỹaxana so'maxare chaqai quiyim iuana da le'xoric so'maxare, ca ỹa'chi'iñi naua le'cootal, ca' nqouagaxainot ñi qota'olec.

1 Corintios 5:7

Ca vichiguiño' naqachii aca ñauapec lalequete na pan, ma' chaqaca aca na'aqte' qamiri, qaiyi 'ñiita aca dalaxai naqaulata se qaỹa'ue aca lalequete quena' qaỹa'ue na pan tai'a qaỹa'ic ma' ỹovire'oga ca napoxoqui leenaxat lapascua. Ma' qamiri 'ñiitam aca dalaxai naqaulata qaca lalequete pe'taxachigui na pan. Ma' so Cristo mashic shi'gue qaỹalauat, ileualgoto qomi', ca' chaqaiso so 'eco' qagreta llaalec qaỹa'ic ma' ỹovire'oga cajo na'xa'a lapascua.