Éxodo 12:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca' so Moisés relaataxane'oga ná'ogue ná'maq mashic qo'xoiquipi queso Israel llaalqaipi. Ca 'naapego': —Mohi, coñiu'a ca qagretoqui' loqo'm quetaqoqui'. Ca' lauachii, qaiyi quecá'maq chi ni'icoqui' queca na'a' ỹo'uet cá'maq chi lemaqachic.

Éxodo 12:21 Iomraidhean Croise

2 Reyes 23:21

Ca' so nashi Josías 'naapego' sá'ogue so qomyipi quiyim ỹo'uet ca lemaqachic hueetougui nqai'en so na'xa'a na' qoyique'e yi Egipto, ca' qaimaqachin ñi qara'gaxala' ñí'maq qota'olec queso'maxare, ma' chaqaida dá'maq hueetalec aso lere 'maqataxac lomalate.

Éxodo 12:11

Ca ma' qui'ii quecajo qagreta llaalec, qam ñiitañi naua qatoohi, chaqai naua qapelachiri, chaqai lo'xoita'a aca rashillichii, chaqai qui'guiñita'gue ca rqui'ỹaxaguii quecajo isecỹac. Ma' dajo taỹaugui quiyim qaimaqachin ñi qara'gaxala' na' naqata'a na' na'aquipi na Israel llaalqaipi.

Éxodo 12:3

Ca 'ñiỹapega ná'ogue na llaalqaipi so Israel, 'ñiỹaco': Ma' ỹovirerec naua diez na'xata' quenajo shiraigo, ca' quiñi 'óna 'imec caqamiri, ca cá'ogue cá'maq neeta'ñi ca na'a', ca ỹaconeu'a ca 'oonoqui' qagreta llaalec, loqo'm ca quetaqoqui'.

Éxodo 17:5

Ca' ñi qara'gaxala' 'naaco' queso'maxare: —Mo'e', 'avisauec quena qomyipi. Vite caua nauegaxauachi' quena qo'xoiquipi quena Israel. 'Xachi' qai'neeta aca rashillichi'i' cá'maq lo'o nqai'ñi' na'le aso huaaxai. Ca nagui chaqa'ma' qui'.

Éxodo 19:7

Ca' eec so Moisés, ca roỹaxana so qo'xoiquipi queso qomyipi, ca' ỹa'xatem dá'ogue dá'maq qohinapego' quiñi qara'gaxala'.

Éxodo 3:16

Mo'e', lapooñirata' yi qo'xoiquipi quiyi Israel llaalqaipi. Ca 'ñirapega: Ñi qara'gaxala' qota'olec quesó'maq 'auaxaic qareta'allipi, ñi qota'olec queso Abraham, Isaac chaqai so Jacob, nachaxana ỹim na'le. Ca 'naapiguiỹa' quiyim na'xaỹaxanalo qamiri chaqai iuana dá'maq nqa'viiguii quena Egipto laseripi.

1 Corintios 10:4

chaqai sá'ogue ni'chigui so niquip se re'xogui. Ma' ne'teetapigui so huaxaỹaq chicqotapougui aso qa' se re'xogui queeta'pegue' so'maxare quecanchaqa taigue. Ca' sojo qa' chaqaiso so Cristo.

Hebreos 11:28

Ma' so Moisés qai'neeta 'uo' da lpi'ỹaxac, ca' relaataxanlec so nqui'ỹaxac chicqochigui quiyim qanaqatec so Israel llaalqaipi quiyi Egipto. Chaqai relaataxanlec quiyim qaỹa'meene' naua lasomi' quesaua qagreta leuo', qaiyi só'maq qota'a lelaatec nalauataxanqajnec sqaica ca ỹovira'a quená'maq ỹi llaalec so Israel laseripi.