Éxodo 12:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca a'guii ma'le na pan qaca aca lalequete caná'maq pe'taxachigui quecaua siete na'xata'. Ca quecá'maq 'auaxaic na'xa'a, ca chaqa'ma' qaca ana nalequetenaxanqate pe'taxachigui na pan quenaua ra'aachiri. Ma' canchaqaica no'm ỹa'ic ca pan 'ue aca lpe'taqate, ca' qaỹoỹoote'oga quena llaalqaipi so Israel.

Éxodo 12:15 Iomraidhean Croise

Génesis 17:14

Qam cá'maq sqaica ca netanec quena loshicmaxa, ca' se ishit neetauguilo qamiri, ma' napacalec da qana'maqataxac.

Éxodo 12:8

Ca' quecajo pe qaỹa'ic ca la'at, qam qaico'iita qaỹalecqajanta'guit ana peue nochaua nqohin, chaqai na pan, qam qaca aca lalequete cana pe'taxachigui.

Éxodo 23:15

Vii ca lemaqachic ca pan sqaca ana lalequete pe'taxachigui. Ipaquichigui nqai'ñii dá'maq ỹa'qaatec, ca' queca ma'le, ca' 'guii cajo pan quecaua siete na'xata'. Yí'maq laloqo' nqohin cajo nemaqachic viichigui nqohin ca shiraigo leenaxat Abib, ma' quecajo shiraigo na'le quiỹa'e yi Egipto. Ca' sqaica quet cá'maq novira'a aỹim no'm sqaica ca nachiitauo lame.

Malaquías 2:12

¡Saxanchi' ñi qara'gaxala' ỹapalaxatac ná'ogue na qomyipi ná'maq ỹo'ueetetac dajo, canchaqaica quena'maxare, 'eno'm cá'maq nodootaho ca lachitaxanataxanaxat quiñi qara'gaxala' sqaica lqalanec.

Mateo 16:12

Co'na'le, ca' ỹa'deene' quiyim so Jesús sqai 'naac quiyim qaỹoueta'a aná'maq re'qoochigui pe'taxachigui na pan, ta'ta'a quedá'maq lapaxaguinataxanaxac na fariseoipi chaqai na saduceoipi.

Lucas 12:1

Ca co'na' nqo'neetauec so lapootecta', ca' co'na' ỹaatqajam 'xoic so qomyipi. Ca vire'ta ỹapaguelec, ca' npataxata'. Ca' so Jesús ỹa'auaxan 'naapega so lapaxaguinatqaipi, 'naaco': —'Neeto' se rovichii'a ana pe'taxachigui na pan hueetaugui na fariseoipi, qam da 'neeta: chaqaida da 'neeta quiyim 'neetapigui lauel quiyim 'maxaraic.

Lucas 2:43

Qam co'na' pilac so qomyipi co'na' ime so lapoxoc, ca' so noctoqui' Jesús no'ueena'ñi yi Jerusalén. Qam aso late'e chaqai so José se qaỹo'leente so'maxare.

Hechos 12:3

Ca co'na' retan dajo quiyim ỹa'maxarenta na judioipi, ca qai'neeta relaataxanlec quiyim qaicoñi' so Pedro. Ca co'na' 'ue dajo hueetouguilo' saua na'xata' napoxoqui' quena' qaỹa'ic na pan qaca aca lalequete.

Gálatas 5:12

Qam quená'maq qomyipi sqai ỹaxana'pe qamiri quiyim ỹilenta'pe quiyim 'viichii ca netanaxaset na roshicmaxahi, ¡saxanchi' ná'ogue nichaxaic na chi loshicmaxa, ca' yi!