Éxodo 12:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Najo ná'maq na'xa'a ná'maq qamiri sqai 'laxachii. Ca quiyim ỹovire'oga, ca' 'viichii ca nemaqachic lodegaxat, maqachiñitac najo ra'gaxalari. Maqachiñitac 'ñiita'gue meca nelaataxanaxac qaica lqodoc, chicqotougui na neta'allipi, ca queetougui chi ỹovireta'oga ca ñaalqaipi.

Éxodo 12:14 Iomraidhean Croise

2 Reyes 23:21

Ca' so nashi Josías 'naapego' sá'ogue so qomyipi quiyim ỹo'uet ca lemaqachic hueetougui nqai'en so na'xa'a na' qoyique'e yi Egipto, ca' qaimaqachin ñi qara'gaxala' ñí'maq qota'olec queso'maxare, ma' chaqaida dá'maq hueetalec aso lere 'maqataxac lomalate.

Éxodo 12:17

Ca' ma' ỹovire'oga cajo na'xa'a quiyim qaỹa'ic na pan sqaca lpe'taqate, ca quecajo na'xa'a, ca' 'viichii ca remaqachiguii. Ma' chaqaica cajo na'xa'a viichigui na' ñaqata'alo qamiri quiyi Egipto. Ca ma' ỹovire'oga cajo na'xa'a lotqai 'viichii ca remaqachiguii, ca' chaqaida 'ne'tegue na qachaalaxahipi, sqai 'xañiñi quiyim 'viichitac. (12.18-20 Naqataxac quiyim se qaỹa'ic ca pan 'ue lpe'taqate.)

Éxodo 12:24

Dajo ñilnataxanaxac se napaguiỹalec qamiri chaqai ca qachaalaxahipi. Quiyim ỹovire'oga, ca 'viichii, ca' dajo 'ñiita'gue ca ỹaatqajam nelaataxanaxac qaica lqodoc nqai'ñii.

Éxodo 12:6

Ca' qaỹa'maxat cajo isecỹac, toco' ma' ỹovire'oga ca na'xa'a catorce quenajo shiraigo. Ca quecajo na'xa'a ná'ogue na Israel llaalqaipi lapoonta' na llaalqaipi, ca ma' mashic lavit, ca ỹalauat ca'maxare.

Éxodo 23:15

Vii ca lemaqachic ca pan sqaca ana lalequete pe'taxachigui. Ipaquichigui nqai'ñii dá'maq ỹa'qaatec, ca' queca ma'le, ca' 'guii cajo pan quecaua siete na'xata'. Yí'maq laloqo' nqohin cajo nemaqachic viichigui nqohin ca shiraigo leenaxat Abib, ma' quecajo shiraigo na'le quiỹa'e yi Egipto. Ca' sqaica quet cá'maq novira'a aỹim no'm sqaica ca nachiitauo lame.

Éxodo 5:1

Ca co'na' ime dajo, ca' so Moisés chaqai so Aarón querepegue' so Faraón, ca 'neraco': —Ñi qara'gaxala', ñí'maq qota'olec queso Israel llaalqaipi, 'neetasa' da la'qaatec: 'Xañirec ñaqai eec na qomyipi, quepegue' yi 'laua qaica ca qom, qaiyi ỹo'uet ca lemaqachic quiyim yimaqachin.

Zacarías 6:14

Ca nauá'maq no'ueenata nashi nado'ol, ca chi no'leentaqate no'ueendaugui ñi no'ueenaxanaxaqui quiñi qara'gaxala' na' qaimaqachintac so Heldai, Tobías, Jedaías chaqai so Josías só'maq llaalec so Sofonías.

Mateo 26:13

Ỹaatqajam llic da shinac caqamiri, quiyim canchaqai hua'gue quena lahil na 'laua, quiyim qaỹa'xat dajo na'qaatec chicqaugui da nca'laxa, qai'neeta qaỹa'xat dá'maq ỹo'uet caỹim dajo 'aalo, qaiyi qaỹo'leenta'a ada'maxare.

Lucas 22:19

Ca co'na' ime, ca ỹacona so pan, ca ỹaanot da na'aachic ñi qota'a. Ime, ca' ỹasectaqchigui, ca ỹaanouguilo saua'maxare, ca 'naaco': —Najo chaqaina ná'maq ỹoshicmaxa qoỹaañiguit ca nelauaxa tai'a quiyim ra'maxaiñi qamiri ma'le. 'Viichiho' dajo, qam se couahi'e aỹim.

Deuteronomio 6:8

Ỹaatqajam 'xachite' nauajo nelaataxanaxaco, coñichisau'alo naua rqai'laqachichi' chaqai quena ratapi' chi netanec caqami'.